تورک دیللی کتاب لار و یازی لار

 

سلام

(دقت!!!): بو وبلاگدا ادبی مطلب‏لر اوخویا بیلرسینیز. ایندی ایسه فضولی‏نین غزل‏لری‏نی یازماقدا چالیشیرام. اوءمیدیم وار کی خوشلایاسینیز. بو شعرلرین ان یئنی اضافه اولان‏لارین آشاغی‏دا اوخویا بیلرسینیز.


برچسب‌ها: آذربایجان ادبیاتی, توءرکجه شعر
+ نوشته شده در  90/09/22ساعت 0:0  توسط -  | 

 

بوندان سونرا منیم بوءتون یازی‏لاریم آلتداکی وبسایتدا یازیلاجاق.

 

http://germitown.epage.ir/fa/module.weblog.html

 

بوندان علاوه بو وبسایتدا گرمی شهری ایله رابطه سی اولان سؤزلر اوخویا بیلرسینیز.

 

http://germitown.epage.ir

 البته، تئزلیکجه قاییداجاغام.

 

+ نوشته شده در  91/01/20ساعت 23:25  توسط -  | 

 

 

+ نوشته شده در  91/01/19ساعت 16:53  توسط -  | 

 

سلام عزیز اوخوجولار

 

دقت بویورون: بو وبلاگ تعطیل اولماییب و تئزلیکجه بیر پارا دگیشیک لر ایله خدمتینیزده اولاجاق. نظرلرینیزی بو دگیشیک لر حاقّیندا گؤزله ییرم. نئجه معلومات بو وبلاگدا یازیلماغی لازیمدیر.

 

بوندان علاوه، آذربایجانین کلاسیک و یئنی ادبیاتیندان اؤرنک لر اوخوماق اوءچون آلتداکی وبلاگا باش وورا بیلرسینیز:

www.duraq.blogfa.com

 

+ نوشته شده در  91/01/09ساعت 13:13  توسط -  | 

 

<<                              فضولی‏نین شعرلری‏نین لیستی                              >>

 


 

منی ذکر ائتمز ائل، افسانه‏ی- مجنونا مایلدیر

نه بنزر اول منه، دردی اونون درمانه قابلدیر

بیابان‏لاردا مجنوندان غم و دردیم سوال ائتمین

نه بیلسین بحر حالین اول کی، منزلگاهی ساحلدیر

منیم تک اولا بیلمز شؤهره‏ی- شهر- بلا مجنون

قبول ائیلرمی بو روسوالیغی هر کیم کی، عاقلدیر

نه موشکل حالی اولسا عاشقین معشوق ائدر چاره

گر اول بی‏درد بیلمزسه بو حالی، حال موشکلدیر

فراق ایّامی سئیلاب- سرشکیمدن خبر توتماز

قیامت ماجراسیندان گؤر، اول ظالم نه غافلدیر

فقیه- مدرسه معذوردور انکار- عشق ائتسه

یوخ اؤزگه علمینه انکاریمیز، بو علمه جاهلدیر

فضولی، ائل سنی مجنوندان افزون دئر ملامتده

بونا مونکر دئگیل، مجنون دخی معقوله قایلدیر

 

*  *  *

 

اول پری‏وش کیم، ملاحت مولکونون سولطانی‏دیر

حؤکم اونون حؤکمودورور، فرمان اونون فرمانی‏دیر

سوءردو مجنون نؤبتین، ایندی منم روسوای- عشق

دوغرو دئرلر: هر زامان بیر عاشقین دؤرانی‏دیر

لحظه- لحظه کؤنلوم اودوندان شررلردیر چیخان

قطره- قطره گؤز تؤکن سانمین سرشکیم قانی‏دیر

چاک‏لر جسمیمده تیغ- عشقدن عئیب ائتمه‏ییز

کیم، جنون گوءلزاری‏نین بونلار گوءل- خندانی‏دیر

ائی فضولی، اولا کیم رحم ائده یار افغانینه

آغلاگیل زار، اونجا کیم، زار آغلاماق امکانی‏دیر

 

*  *  *

 

منیم کیم، بیر لب- خندان اوءچون گریانلیغیم واردیر

پریشان طوءرّه‏لر دؤرونده سرگردانلیغیم واردیر

یاشیم تخت- رواندیر، تاج- زرّین شؤعله‏ی- آهیم

گؤرون کیم، دؤلت- عشق ایله نه سولطانلیغیم واردیر؟

یومولماز اشک طوغیانیندان آنسیز چشم- خونباریم

خیال- صورت- جانانه خوش حئیرانلیغیم واردیر

سرشکیم گؤر، منی، ائی ابر، اؤزوندن کم خیال ائتمه

هوای- عشق ایله مین سنجه اشک افشانلیغیم واردیر

لبین دؤرونده کیم، انسان اولان جان دئر اونا موطلق

اگر آب- حیات ائتسم طلب، حئیوانلیغیم واردیر

فضولی جام- مئی ترکین قیلیب، زؤهد ایله تقوادن

قامو دانایه رؤشندیر بو، کیم، نادانلیغیم واردیر

 

*  *  *

 

ذؤق شؤق ایله جهان قئیدین چکن زحمت چکر

اهل- ذؤق اولدور کیم، اوندان دامن- همّت چکر

گوءن چکر یئردن گؤگه هر دم غوبار- راهی‏نی

توتیا ایچون، بلی، یئردن گؤگه منّت چکر

ائی چکن غئیر ایله پنهان بزم ائدیب مئی گاه- گاه

یاد قیل اوندان کی، بزمین یاد ائدیب حسرت چکر

خالی ائتمیش غئیردن زوءلفون خیالی کؤنلومو

نولا صاحب‏کشف ایله بیر عؤمردور خلوت چکر

چک، صبوحی، صوءبح نقّاشینه عرض- عارض ائت

بؤیله چکسین، کیم فلک لؤحینه بیر صورت چکر

سروقامتلر سمن‏روخسارلر تورپاغی‏دیر

هر صنم کیم، آچیلیر، هر سرو کیم، قامت چکر

قطره‏ی- اشکیم قطاری، سینه چاکیندن گیریب

تن ائوینه دیشرادان بار- غم و محنت چکر

ائی فضولی، باخمایام تا غئیره، هر خونین موژه

آتشین بیر میلدیر کیم، چشمیمه غئیرت چکر

 

*  *  *

 

هر کتابه کیم، لب- لعلین حدیثی یازه‏لر

رشته‏ی- جان بیرله ذؤق اهلی اونو شیرازه‏لر

بو نه سِردیر، سرّ- عشقین دئمه‏دن بیر کیمسه‏یه

شهره دوءشموش «من سنی سئودیم» دئین آوازه‏لر

شئیخ‏لر مئیخانه‏دن اوءز دؤندررلر مسجده

بی‏طریقت‏لر گرک کیم، دوغرو یولدان آزه‏لر

چاک‏لر گؤکسومده، سانمین کیم، آچیبدیر تیغ- عشق

کؤنلومون شهرینه مهرین گیرمگه دروازه‏لر

ائی فضولی، یار اگر جؤر ائتسه، اوندان اینجیمه

یار جؤرون عاشقه هر دم محبّت تازه‏لر

 

*  *  *

 

سئیر قیل، گؤر کیم، گوءلوستانین نه آب و تابی وار

هر طرف مین سرو- سرسبز و گوءل- سیرابی وار

پنجه‏ی- برگ- چنار ائتمیش موهیّا شانه‏لر

آنلامیش گویا کی، سوءنبول کاکلی‏نین تابی وار

راحت ایچون فرش سالمیش سبزه‏ی- تر گوءلشنه

نرگسین گؤرموش گؤزون مخمور، سانمیش خوابی وار

بولونور هر درده ایسترسن، گوءلوستاندا دوا

حؤقّه‏سینده غؤنچه‏نین گویا صفا جولاّبی وار

گوءلدو گوءل، آچیلدی نرگس، لاله دولدو ژاله‏دن

ائی خوش اول کیم، عشرت و عئیش ائتمگه اسبابی وار

غالب اولموش خلقه ذؤق- سئیر- گوءلشن، گوییا

چکمگه خلق بنفشه زوءلفونون قولاّبی وار

گر فضولی مئیل- گوءلزار ائتسه فصل- گوءل، نولا

عئیش اوءچون خونابه‏ی- دلدن شراب- نابی وار

 

*  *  *

 

سرو- آزاد قدین ایله مانا یئکسان گؤرونور

نه‏یه سرگشته اولان باخسا، خورامان گؤرونور

جان گؤرونمز دئسه‏لر تنده اینانمان، نیشه کیم

لوءطفدن هر نئجه باخسام تنینه، جان گؤرونور

دئرم احوالیمی جانانه قیلام عرض، ولی

گؤره بیلمن اؤزومو اوندا کی، جانان گؤرونور

ائی دئین: صبر قیل، آه ائیله‏مه یاری گؤرجک

منه دوشواردیر اول، گر سنه آسان گؤرونور

سوردوم احوالیمی عشقینده مونجّم‏لردن

باخدیلار طالع ائوینه دئدیلر: قان گؤرونور

نه کماندارسان، ائی مه، کی، آتیب غمزه اوخون

ییخدیغین صئیدده نه زخم، نه پئیکان گؤرونور

بیر صنم زوءلفونه گویا کی، وئریبدیر کؤنلون

کی، فضولی‏نین ایکن حالی پریشان گؤرونور

 

*  *  *

 

سلوک- فقر اطواریم، مزاق- عشق حالیمدیر

تجرّود عالمی سئیرینده عالم پایمالیمدیر

خیالیمدا بودور کیم، بولموشام عالمده بیر خلقت

نه عالم، قانغی خلقت، ساندیغیم باطل خیالیمدیر

جنون فئیضی‏له آزاد اولموشام قئید- علایقدن

کمال و فضل ترکی، روتبه‏ی- فضل و کمالیمدیر

منم شمع- وصاله یاندیران پروانه‏وش وارین

فنای- موطلقیم جانان ایله بزم- وصالیمدیر

طبیبا قیلمیشام تشخیص، درد- عشقدیر دردیم

علامت آه- سرد و روی- زرد و اشک- آلیمدیر

هوادن مؤجه گلمیش بحر- دردم، شاهد- حالیم

دل- پور اضطراب و ناله‏ی- بی اعتدالیمدیر

فضولی، عالم- فقر و فناده مونعم- وقتم

دیار- مسکنت، نقد- قناعت موءلک و مالیمدیر

 

*  *  *

 

صفای- وصل قدرین هجر ایله بیمار اولاندان سور

زولال- ذؤق شؤقون تشنه‏ی- دیدار اولاندان سور

لبین سرّین گلیب گؤفتاره، مندن اؤزگه‏دن سورما

بو پنهان نوکته‏نی بیر واقف- اسرار اولاندان سور

گؤزو یاش‏لی‏لارین حالین نه بیلسین مردوم- غافل

کواکب سئیری‏نی شب تا سحر بیدار اولاندان سور

خبرسیز اولما فتّان گؤزلرین جؤرون چکن‏لردن

خبرسیز مست‏لر بیدادی‏نی هوشیار اولاندان سور

غمیندن شمع تک یاندیم، صبادن سورما احوالیم

بو احوالی شب- هجران منیم‏له یار اولاندان سور

خراب- جام- عشقم، نرگس- مستین بیلیر حالیم

خرابات اهلی‏نین حالی‏نی بیر خومّار اولاندان سور

محبّت لذّتیندن بی‏خبردیر زاهد- غافل

فضولی، عشق ذؤقون، ذؤق- عشقی وار اولاندان سور

 

*  *  *

 

خم آچیلدیقجا زوءلفوندن بلا و محنتیم آرتار

بحمدالله کی، عؤمروم اوزانار، جمعیّتیم آرتار

دئمن[1] اکسیک منی تدریج ایله یاقوت اولان داشدان

بویاندیقجا جگر قانی‏له قدر و قیمتیم آرتار

توتا گؤر گؤز یولون، ائی اشک، کیم، تمکینیم اسکیکدیر

بو صورتخانه‏نین گؤردوکجه نقشین حئیرتیم آرتار

مریض- درد- عشقم، ترک- عالمدیر مورادیم کیم،

بو ناخوش موءلکده اگلندیگیم‏جه زحمتیم آرتار

بوءکولدو قامتیم حسرت یوءکوندن، وه کی، عالمده

اوءمیدیم اکسیلیب هر لحظه یوءز مین، حسرتیم آرتار

نه شربتدیر غمین کیم، ایچدیگیم‏جه اکسیلیر صبریم

نه سحر ائیلر روخون کیم، باخدیغیم‏جا رغبتیم آرتار

چوخ اولدوقجا غم و دردیم ره- عشق ایچره خوشحالم

فضولی، شاد اولوب شوءکر ائتمه‏ییم‏می، نعمتیم آرتار



[1]  دئمه‏یین

 


 

<<                              فضولی‏نین شعرلری‏نین لیستی                              >>

 


برچسب‌ها: آذربایجان ادبیاتی
+ نوشته شده در  90/11/14ساعت 16:35  توسط -  | 

 

 

<<                              فضولی‏نین شعرلری‏نین لیستی                              >>

 


حوءسنون اولدوقجا فزون، عشق اهلی آرتیق زار اولور

حوءسن نه مقدار اولورسا، عشق اول مقدار اولور

جنّت اوءچون منع ائدن عاشق‏لری دیداردن

بیلمه‏میش کیم، جنّتی عاشق‏لرین دیدار اولور

عشق دردیندن اولور عاشق مزاجی موستقیم

عاشقین دردینه تیمار ائتسه‏لر بیمار اولور

زاهد- خودبین نه بیلسین ذؤقی‏نی عشق اهلی‏نین

بیر عجب مئی‏دیر محبّت کیم، ایچن هوشیار اولور

عشق سئوداسینه صرف ائیلر فضولی عؤمرونو

بیلمزم، بو خواب- غفلتدن قاچان بیدار اولور

 

*  *  *

 

ائی گوءل، نه عجب سلسله‏ی- مشک- ترین وار

وئی سرو نه خوش جان آلیجی عشوه‏لرین وار

آجیتدی منی آجی سؤزون توءند نگاهین

ائی نخل- ملاحت نه بلا، تلخ برین وار

پئیکان‏لاری ایله دولودور چشم- پور آبیم

ائی بحر، ساقینما، سنین آنجاق گوءهرین وار

اول سنگدله ناله‏ی- زارین اثر ائتمیش

ائی دل، سنه بو ذؤق یئتر، تا اثرین وار

عشق ایچره کؤنول دئمه کی، من بی‏خودم، آنجاق

ائی غافل، اؤزوندن سنین آنجاق خبرین وار؟

دئدیم یئتر، ائت جؤر، چو خاک- رهین اولدوم

دئدی کی، یئتر جؤر سنه تا اثرین وار

چوخ باخدیغینا غمزه ایلن باغرین ازرسن

هر کیمه کی، باخمازسان اونون‏لا نظرین وار

عشق اهلینه اول ماه، فضولی، نظر ائتمیش

سن هم، اؤزونو گؤستر اگر بیر هوءنرین وار

 

*  *  *

 

لحظه- لحظه لبین آنیب ائدیجک افغان‏لار

قطره- قطره ساچیلیر دیده‏لریمدن قان‏لار

قطره- قطره دئمه قاندیر کی، چیخار چشمیمدن

دم به دم کؤنلوم اودی‏له اری‏ین پئیکان‏لار

قاش‏لارین یایینه مئیل ائیله‏یه‏لی جان و کؤنول

دوءنو گوءن من بیلیرم کیم، نه چکیرلر آن‏لار

آچما کاکل گرِهین، باشین اوءچون گؤرمه روا

کی، پریشان اولالار، بیر نئچه سرگردان‏لار

یئل دگر زوءلفونه یا قویماییب اؤز حالی ایله

گزدیررلر اونو الدن- اله هر دم جان‏لار

ائیله عوشّاقه جفالر کی، وفالر گؤره‏سن

سانما کیم، ضایع اولور ائیله‏دیگین احسان‏لار

سورما زؤهّاده، فضولی، ره و رسمین عشقین

نه بیلیرلر روش- اهل- خرد نادان‏لار

 

*  *  *

 

تؤکدوکجه قانیمی اوخون، اول آستان ایچر

بیر یئرده‏یم اسیر کی، تورپاق قان ایچر

اهل- زمانه قانینا چوخ تشنه‏دیر زمین

قانین کیمین تؤکرسه فلک، اول زمان ایچر

مئی ایچمه‏دن آچیلماز ایمیش باب- مغفرت

سؤگندلر بو بابده پیر- موغان ایچر

عوقباده کؤثر ایسته‏مه‏سین رند- مئیکده

دونیاده بس دئگیل‏می مئی- ارغوان ایچر؟

غمزه‏ن گؤرونمه‏ییب گؤزه، قان‏لار ایچر مودام

زاهد کیمی کی، باده‏نی ائلدن نهان ایچر

مئیدن اگر چی تؤبه وئریر ائل فضولیه

ائی سرو، سن قدح سونار اولسان، روان ایچر.

 

*  *  *

 

گیریب مئیخانه‏یه، موغ مشرب ایله کیم کی، خو ائیلر

اولوب مؤمن، بهشتی، کافرم، گر آرزو ائیلر

مگر دیوانه‏دیر سئودای- ابروسی‏له زاهد کیم

باخیب محرابه دایم، اؤز- اؤزی‏له گوفت و گو ائیلر

دمادم قطره- قطره قان یاشیمدیر کیم، چیخار گؤزدن

و یا پئیکان‏لارین کیم، آتش- دل اونو سو ائیلر

ره- عشقینده اولمان تنگدل سئودا هجوموندان

طریق- سلطنت هر کیم توتار، غؤغایه خو ائیلر

دئدیم: «کیمدیر پریشان ائیله‏ین عاشق‏لر احوالین؟»

صبا گؤستردی تار- سونبول- زوءلفون کی، «بو ائیلر!»

فضولی زوءلفونه باغلاندی، امّا اؤیله اینجَلدی

کی، گویا ضعف اونون هم زوءلفونه بیر تار- مو ائیلر

 

*  *  *

 

ساچین اندیشه‏سی تحریک- زنجیر- جنونومدور

جنونوم دفعینه ذکر- لب- لعلین فسونومدور

دیار- درد سرگردانی‏یم، هر کیم منی ایستر

دلیل- راه قطره- قطره اشک- لاله گونومدور

فلکده برق- آهیمدن سراسر یاندی کؤکب‏لر

قالان اودلارا یانمیش کؤکب- بخت- زبونومدور

گلن ناوَک‏لرین بیر- بیر یاغیب قویماز بولام ذؤقین

منی حرمان اودونا یاندیران سوز- درونومدور

سر- کویینده کؤنلوم برق- آهین سانما بیهوده

قارانغو گئجه عظم- کویین ائتسم، رهنمونومدور

لبی شیرین‏لرین ذؤقی‏له فرهادی منم عصرین

یانیمدا جمع اولان سنگ- ملامت بیستونومدور

فضولی، خالی اولماق جام- عئیشیم صاف صهبادن

نشان- بخت- نافرجام و اقبال- نگونومدور

 

*  *  *

 

منده مجنوندان فزون عاشقلیک استعدادی وار

عاشق- صادق منم مجنونون آنجاق آدی وار

نولا قان تؤکمکده ماهر اولسا چشمیم مردومی

نوطفه‏ی- قابلدورور، غمزه‏ن کیمی اوستادی وار

قیل تفاخور کیم، سنین هم وار من تک عاشقین

لیلی‏نین مجنونو، شیرینین اگر فرهادی وار

اهل- تمکینم، منی بنزتمه، ائی گوءل، بوءلبوله

درده یوخ صبری اونون، هر لحظه مین فریادی وار

اؤیله بدحالم کیم، احوالیم گؤرنده شاد اولور

هر کیمین کیم، دؤر جؤروندن دل- ناشادی وار

گزمه ائی کؤنلوم قوشو، غافل فضای- عشقدن

کیم، بو صحرانین گوذرگه‏لرده چوخ صیّادی وار

ائی فضولی، عشق منعین قیلما ناصحدن قبول

عقل تدبیری‏دیر اول، سانما کی، بیر بونیادی وار

 

*  *  *

 

موقوّس قاش‏لارین کیم، وسمه بیرله رنگ توتموش‏لار

قیلینج‏لاردیر کی، قان‏لار تؤکمک ایله جنگ توتموشلار

قیلیب تغییر- صورت وسمه دن یغما قیلیرلار دل

حرامی قاش‏لارین رسم و ره- نئیرنگ توتموشلار

کؤنول مرآتی‏نی ائیلر موکدّر عقل تکلیفی

خوش اول بی‏باک‏لر کیم، ترک نام و ننگ توتموشلار.

فضای- عؤمردن گویا دئگیل‏لر غونچه تک واقف

اولار کیم، اؤزلرین دونیا اوچون دلتنگ توتموشلار.

منم، کیم سنگسار- محنتم بازار- عشق ایچره،

بلا داغی چکن فرهاد ایله هم سنگ توتموشلار.

لبین دؤرونده زاهدلر توتوب مئیخانه‏لر کوءنجون،

قیلیب تسبیح تارین ترک، زوءلف- چنگ توتموشلار.

سحر بولبول‏لر افغانی دئگیل بیهوده گوءلشنده،

فضولی ناله‏ی- دلسوزینه آهنگ توتموشلار.

 

*  *  *

 

آشیان- مورغ- دل زوءلف- پریشانیندادیر

قاندا اولسام، ای پری، کؤنلوم سنین یانیندادیر

عشق دردی‏له خوشام، ال چک علاجیمدان طبیب

قیلما درمان کیم، هلاکیم زهر- درمانیندادیر

چکمه درمان، ناز ائدیب، اوفتاده‏لردن وهم قیل

گؤگ‏لره آچیلماسین ال‏لر کی، دامانیندادیر

گؤزلریم یاشین گؤروب شور، ائتمه نفرت کیم، بو هم

اول نمکدن‏دیر کی، لعل- شکّر افشانیندادیر

مست- خواب- ناز اولوب جمع ائت دل- صد پاره‏می

کیم، اونون هر پاره‏سی بیر نوک- موژگانیندادیر

بس کی، هجرانیندادیر خاصیّت قطع- حیات

اول حیات اهلینه حئیرانم کی، هجرانیندادیر

ائی فضولی شمع تک موطلق آچیلماز یانمادان

تاب‏لار کیم، سونبولوندن رشته‏ی- جانیندادیر

 

*  *  *

 

ساقیا جام توت اول عاشقه کیم، قایغولودور

قایغو چکمک نه اوءچون، جام ایله عالم دولودور

تلخ گؤفتارسیز اولماز لب- یار، ائی عاشق

چوخ هوس ائیله‏مه اول شربته کیم، آغولودور

قویالیم باشی خوم- باده ایاغینه گلین

توتماماق اولماز اونون حؤرمتی‏نی، بیر اولودور

بونجا کیم، کوه صفت باشیمه داش‏لار اورولور

دیده‏ی- بختیم اویانماز نه آغیر اویغولودور

دل- پورخونیمه یاغدیرما بلا پئیکانین

حذر ائت، شیشه‏یه، ناگه ضرر ائیلر، دولودور

کؤنلومون زخمینه پئیکانی‏نی ائتدیم مرهم

گنج- غمدیر، نولا گر بؤیله دمیر قاپولودور

نرگسین فکری، فضولی، گؤزو کؤنلومده گزر

توتار آهو وطن اول یئرده کی، اوتلو، سولودور

 


<<                             فضولی‏نین شعرلری‏نین لیستی                            >>

 


برچسب‌ها: آذربایجان ادبیاتی, توءرکجه شعر, مولاّ محمّد فضولی‏نین غزل‏لری
+ نوشته شده در  90/11/05ساعت 0:9  توسط -  | 

 

  <<                              فضولی‏نین شعرلری‏نین لیستی                              >>


 قبریم داشینه کیم، غم اودوندان زبانه‏دیر

طعن اوخون آتما کیم، خطری چوخ نشانه‏دیر

ائیلر قدح زمانه غمین دفع، غالبا

دؤر- قدح موخالف- دؤر- زمانه‏دیر

قالدیردی اشک دوءن منی اول آستانه‏دن

کیم، مقصدیم منیم دخی اول آستانه‏دیر

واعظ سؤزونه توتما قولاق، غافل اولما کیم

غفلت یوخوسونون سببی اول فسانه‏دیر

نذر ائتمیشم فراقینه کیم، یوخ نهایتی

نقد- سرشکیمی کی، توءکنمز خزانه‏دیر

جان وئرمه‏ییم‏می غوربته کیم، بیم- طعندن

یاد- وطن فغانیما سن‏سیز بهانه‏دیر

ائی دل، حذر قیل آتش- آهینله یانماسین

جسمیم کی، درد قوش‏لارینا آشیانه‏دیر

مندن، فضولی، ایسته‏مه اشعار- مدح و ذمّ

من عاشقم، همیشه سؤزوم عاشقانه‏دیر

 

*  *  *

 

جانی کیم جانانی اوءچون سئوسه، جانانین سئور

جانی اوءچون کیم کی، جانانین سئور، جانین سئور

هر کیمین عالمده مقدارینجادیر تبعینده مئیل

من لب- جانانیمی، خضر آب- حئیوانین سئور

باشه دم دوءشدوکجه تقصیر ائیله‏مز، ائیلر مدد

اول سببدن موتّصل چشمیم جگر قانین سئور

مشک- چین آواره اولموشدور وطندن من کیمی

قانسی شوخون، بیلمزم، زوءلف- پریشانین سئور

سو کی، سرگردان گزر، باشیندا واردیر بیر هوا

غالبا، بیر گوءل‏روخون سرو- خورامانین سئور

عاقبت روسوا اولوب مئی تک، دوءشر خلق آغزینا

کیم کی، بیر سرمست سالی لعل- خندانین سئور

نولاجاقدیر، ترک- عشق ائتمه فضولی، وهم ائدیب

غایتی دئرلر، اولا بیر بنده سولطانین سئور

 

*  *  *

 

مهری کؤنلومده نهان اولدوغون اول ماه بیلیر

کیمسه بیلمز، فوقرا سرّ- دلین شاه بیلیر

سورمان اول ماهیله حال- دلیمی، تانری اوءچون

بیله‏لی اونو، اؤزوم بیلمزم، آللاّه بیلیر

گاه یوءز لوءطف، گاه تغافول، گویا

گاه بیلمز بو گرفتارلیغیم، گاه بیلیر

جان فدا ائیله‏مگی یارا همین من بیلیرم

بو طریقی دئمه هر غافل و گومراه بیلیر

نظر- لوءطف دریغ ائتمه فضولی‏دن کیم

سنه صدق ایله اؤزون، بنده‏ی- درگاه بیلیر

 

*  *  *

 

موژه‏م سرچشمه‏لر منزل قیلان آشوفته مجنوندور

آنین‏چون بسته‏ی- زنجیر- سئیل- اشک- گوءلگوندور

سواد- نؤقطه‏ی- گردابه بنزر مردوم- چشمیم

کی، دایم غرقه‏ی- گرداب- چشم- اشک- پورخوندور

ائشیت درد- دلیم افسانه‏ی- مجنونه مئیل ائتمه

کیم، اول افسانه‏دن هم آنلانان موطلق بو مضموندور

فرح بخش- دل- معشوق اولور شرح- غم- عاشق

سرود- بزم- شیرین ناله‏ی- فرهاد- محزوندور

کمند- چین- زوءلفون وهمی گئتمز زار کؤنلومدن

منه اول رشته‏یی اژدر قیلان بیلمه‏ن نه افسوندور

خمیده قامتیم کیم، داغ- دلدن قانه غرق اولموش

ایچینده نؤقطه‏سی گویا کی، قان آلتینداکی نوندور

فضولی، وئرمه‏دی طعن اوخ‏لاری گؤز یاشینه تسکین

اؤنون بند ائتمک اولماز خار و خاشاک ایله، جئیحوندور

 

*  *  *

 

غوبار- سجده‏ی- راهین، خط- لؤح- جبینیمدیر

سجود- درگهین سرمایه‏ی- دونیا و دینیمدیر

اگر عظم- ره ائتسم، شؤق- وصلین هادی- راهیم

و گر آرام هم دوتسام، خیالین همنشینیمدیر

هوای- رؤضه‏ی- کویین، باهار- گوءلشن- جانیم

نهال- قامتین سرویم، عوذارین یاسمینیمدیر

یقینیمدیر کی، مقصودوم اولور حاصل سنه یئتسم

بحمدالله، منه سندن یانا رهبر یقینیمدیر

طلب کار- وصالم، موژده‏ی- وصلین دریغ ائتمه

کیم، اول موژده فرح بخش- دل- اندوهگینیمدیر

چیخاردی ذؤق- وصلین خاطریمدن رؤضه پرواسین

سؤزون کؤثر، مونوّر مجلسین خوءلد- برینیمدیر

منه اوءز گؤسترر هر لحظه یوءز مین شاهد- دؤلت

چو مرآت- روخون، منظور- چشم- پاک بینیمدیر

سریر- سلطنت ذؤقیندن افزوندور منه اول سؤز

کی، لوءطف ایلن دئمیشسن: بیر غولام- کمترینیمدیر

بری اولدوم، فضولی، غئیردن، اول دلروبا آنجاق

انیسیم، مونسیم، یاریم، نگاریم، نازنینیمدیر

 

*  *  *

 

دئمیش هر غؤنچه‏یه عاشقلیگین رازین صبا دئرلر

ائل آغزین توتماق اولماز، قورخورام، ائی گوءل سانا دئرلر

اسیر- درد- عشق و مست- جام- حوءسن چوخ امّا

بیزوز مشهور اولان، لئیلی سنه، مجنون مانا دئرلر

سنین مهر و وفا گؤستردیگین اغیاره چوخ گؤردوم

غلطدیر کیم، سنی بی مهر اوخورلار، بی وفا دئرلر

سنه دئرلر بوءت- چین، زوءلفونه زونّار سؤیلرلر

زهی ایمانی یوخ‏لار کوءفر سؤیلرلر، خطا دئرلر

منه دئرلردی اوّل: بیر ملکدیر سئودیگین، حالا

گؤرن‏لر، من فقیره گؤیدن ائنمیش بیر بلا دئرلر

مریض- عشق عقد- زوءلفون ائیلر آرزو، زیرا

موعالج‏لر بو موهلک درده موءشکلدیر دوا دئرلر

فضولی، عاشقه اونلار کی، دئرلر ترک- عشق ائیله

دئمزلرمی خطا، تغییر قیل حؤکم- قضا دئرلر

 

*  *  *

 

صبادن گوءل اوءزونده سوءنبول- پور پیچ و تاب اوینار

ساناسان پر آچیب، گوءلشنده بیر مشکین غوراب اوینار

خیال- عارضین جؤلان ائدر بو چشم- پور نمده

نچون کیم، مؤجلنمیش سودا عکس- آفتاب اوینار

روخون گؤرگج اولور سوز-درون و دود- دل حاصل

بهار ایّامی سیچرار برق- رخشنده، صحاب اوینار

ایراق اولسون یامان گؤزدن، نه خوش ساعتدیر اول ساعت

کی، معشوق ایله عاشق ائیله‏ییب ناز و عتاب اوینار

ریای- زاهد- خوشکون سماعیندن نولور حاصل

خوش اول کیم، رند- مئیخواره، ایچیب جام- شراب اوینار

بو غم‏لر کیم، منیم واردیر، بعیرین باشینا قویسان

چیخار کافر جهنّمدن، گوءلر اهل- عذاب اوینار

قیلیر گؤز پرده‏سین خوناب- حسرت چاک هر دم کیم

روخونده لذّت- دیدار ذؤقیندن نقاب اوینار

فضولی رشکدن تیترر دل- پور خونی عوشّاقین

بناگوشینده یارین هر زامان کیم، لعل- ناب اوینار

 

*  *  *

 

آه ائیله‏دیگیم سرو- خورامانین اوءچوندور

قان آغلادیغیم غؤنچه‏ی- خندانین اوءچوندور

سرگشته‏لیگیم کاکل- مشکینین اوجوندان

آشوفته‏لیگیم زوءلف- پریشانین اوءچوندور

بیمار تنیم نرگس- مستین المیندن

خونین جگریم لعل- دور افشانین اوءچوندور

یاقدیم تنیمی وصل گوءنو شمع تک، امّا

بیل کیم، بو تداروک شب- هجرانین اوءچوندور

قورتارماغا یغمای- غمیندن دل و جانی

سعییم نظر- نرگس- فتّانین اوءچوندور

جان وئر کؤنول، اول غمزه‏یه کیم، بونجا زامان‏لار

جان ایچره سنی بسله‏دیگیم آنین اوءچوندور

واعظ بیز دوءن دوزخی وصف ائتدی، فضولی

اول وصف سنین کولبه‏ی- احزانین اوءچوندور

 

*  *  *

 

قانسی گوءلشن گوءلبونی سرو- خورامانینجا وار؟

قانسی گوءلبون اوءزره غؤنچه، لعل- خندانینجا وار؟

قانسی گوءلزار ایچره بیر گوءل آچیلیر حوءسنون کیمی

قانسی گوءل برگی لب- لعل- دوءر افشانینجا وار؟

قانسی باغین وار بیر نخلی، قدین تک بارور

قانسی نخلین حاصلی سیب- زنخدانینجا وار؟

قانسی خونی سن کیمی جلاّده اولموشدور اسیر

قانسی جلاّدین قیلینجی تیغ- موژگانینجا وار؟

قانسی بزم اولموش مونوّر بیر قدین تک شمعدن

قانسی شمعین شؤعله‏سی روخسار- تابانینجا وار؟

قانسی یئرده بولونور نسبت سنه بیر گنج- حوءسن

قانسی گنجین اژدری زوءلف- پریشانینجا وار؟

قانسی گوءلشن بوءلبولون دئرلر، فضولی، سن کیمی،

قانسی بوءلبولون سرودی آه و افغانینجا وار؟

 

*  *  *

 

وه نه قامت، نه قیامتف بو نه شاخ- گوءل- تردیر؟

نه بلادیر نظر اهلینه، نه خوش مدّ- نظردیر؟

گؤز یولودور کی، کؤنول موءلکونه خوبلار گیرر اوندان

توتما، ائی اشک، اونو بالله کی، عجب راهگوذردیر

نه گؤهر بولسا بگنمز، بوراخیر یازی‏یا دریا

غالبا، کیم اونا مقصود دیشین کیمی گؤهردیر

عشق عئیبی‏نی بیلیبسن هونر، ائی زاهد- غافل

هونرین عئیبدیر، امّا دئدیگین عئیب هونردیر

ستمین گرچی یاماندیر، اونو ترک ائیله‏مه بالله

کی، تغافول ستمیندن دخی البتّه بتردیر

آخر اولماز نئجه کیم، گؤز یاشی آخارسا، همانا

کی، دمادم اونا امداد قیلان خون- جگردیر

سرسری باسما قدم عشق طریقینه، فضولی

احتیاط ائیله کی، غایتده خطرناک سفردیر

 


 <<                              فضولی‏نین شعرلری‏نین لیستی                              >>   


برچسب‌ها: آذربایجان ادبیاتی, توءرکجه شعر, مولاّ محمّد فضولی‏نین غزل‏لری
+ نوشته شده در  90/10/27ساعت 20:39  توسط -  | 

 

 

<<                              فضولی‏نین شعرلری‏نین لیستی                              >>


ناله‏دندیر نئی کیمی آوازه‏ی- عشقیم بولند

ناله ترکین قیلمازام نئی تک کسیلسم بند بند

قیل مدد، ائی بخت، ور نه، کام- دل مومکون دئگیل

بؤیله کیم، اول دلروبا بی درددیر، من دردمند

داغ‏لردیر اودلو کؤنلومده قاراسی قوپمامیش

یا ثبات- عشق اوءچون اود اوءزره بیر نئچه سپند

آچیلیر کؤنلوم گهی کیم، گریه‏ی- تلخیم گؤروب

آچار اول گوءلروخ تبسّوم بیرله لعل- نوشخند

خاک- راهیندن منی قالدیرا بیلمز سایه تک

قیلسا گردون آفتابین هر شوعاعین بیر کمند

جام توت، دئر، ساقی- گوءل‏چهره، زاهد، ترک- جام

ائی کؤنول فکر ائیله کیم، قانسی‏دیر توتمالی پند

ائی فضولی، صورت- فقرین قبول- دوستدور

هیچ درویشی سنین تک گؤرمه‏دیم سولطان‏پسند

 

*  *  *

 

گؤز خطیندن مردومین محو ائتمه‏دن بولماز موراد

ضایئع ائیلر حوءسنونو خطّین سواد اوءزره سواد

اولا بیلمز چین- زوءلفوندن جودا گؤز مردومی

جاری اولموشدور بو عادتف طورّه‏سیز اولماز مداد

کؤنلون آهیمدن ترحّوم صورتین گؤستردی، لئیک

مؤجدن سو نقشینه چوخ ائتمک اولماز اعتماد

اشک و آهیم نفرتی قطع ائتدی ائلدن اوءلفتین

کئچدی تندن اوخ‏لارین، تنها قالیب دل دم به دم

ناله‏لر ائیلر، کئچن همدم‏لرین ائتدیکجه یاد

چاک- سینه‏مدن کؤنول چیخدیقجا شاد اولسون نولا

اؤیله آفتدن یاخاسین قورتاران اولمازمی شاد؟

شیوه‏ی- شمشاد قدّین گؤرسه ائیلر باغبان

اعتدال- سرودن البتّه صلب- اعتماد

قویما ناقص اهل- درد ایچره فضولی‏نی طبیب

ائیله بیر درمان کی، دردین ائده گوءن گوءندن زیاد

 

*  *  *

 

ائی مزاق- جانه جؤرون شهد و شکّر تک لذیذ

دم به دم زهر- غمین قند- موکرّر تک لذیذ

آتش- برق- فراقین نار- دوزخ تک الیم

جورعه‏ی- جام- وصالین نار- دوزخ تک لذیذ

ششرح- احوالیم سنه مسته نصیحت کیمی تلخ

تلخ گؤفتارین منه مخموره ساغر تک لذیذ

داغ- عشقین دردی ذؤق- سلطنت تک دلپذیر

خاک- کویین سئیری فتح- هفت کشور تک لذیذ

نولا بولسام ذؤق گؤیدوردوکجه سینه‏م اوءزره داغ

اهل- درده داغ اولور، بیدرده زیور تک لذیذ

تازه- تازه داغ- دردیندیر دل- سوزانیمه

فالمثل، حرص اهلینه جمعیّت- زر تک لذیذ

ائی فضولی، عالمین گؤردوم قامو نعمت‏لرین

هیچ نعمت گؤرمه‏دیم دیدار- دلبر تک لذیذ

 

*  *  *

 

جلوه‏ی- عکس- روخون آیینه‏ده ائی اشک- حور

رؤشن ائتمیش اونو کیم، خورشیددندیر آیه نور

برق- آهیم گؤی اوءزون توتموش، سرشکیم یئر اوءزون

صؤحبتیمدن هم وحوش ائتمیش تنفّور، هم طیور

عشق رسمی گر بودور، موشکل یئتر درمانه درد

درد اهلی بی زبان، بی دردلر مست- غرور

داغ- دلسوز- فراقین قیلدی گوءن- گوءندن فزون

نور- ماه افزون اولور، خورشیددن اولدوقجا دور

وعده‏ی- وصلین چوخ، امّا بخت یار اولماز، نه سود

گوءل گتیرمز، آب- شیرین وئرمک ایله خاک- شور

تار- زوءلفوندورمو روخساریندا جان‏لار مسکنی

یا بوراخمیش بیر ره- پور پیچ و خم گوءلزاره مور

اول سر- کوی ایت‏لری ایچره، فضولی، یوخ یئریم

بس منه ماتم‏سرا، من قاندا و بزم- سرور؟

 

*  *  *

 

یانان عشق آتشینه آتش- دوزخدن ایمندیر

نه کیم، بیر گز یانار، یاندیرماق اونو غئیر- مومکندیر

بوراقدیم ذؤرق- دل عشق بحرینه، ساقین ائی مه

تموّج وئرمه‏سین تشویش اونا کیم، اوندا ساکندیر

دهانین دورجونو خال- لبین گؤزدن نهان ائتمیش

امانت گؤر کی، هندو مخزن- لؤلؤیه خازندیر

غمین کیم، تؤکدو قانیم، دلده ساکن اولدوغون بیلدیم

کی خلوت چکمگین تأثیری سرّ- کشفی باطندیر

جگر داغینه مرهم اولدو پئیکانین بحمدالله

سعادت کؤکبینه اختر- بختیم موقارندیر

روخوندن نور اوغورلار شمع، باشین کسسه‏لر جایز

بودور بیر قول سرانجامی کی، سولطانینه خایندیر

فضولی، خالی اولماز صورت- دل دوست فکریندن

بو معنی‏دن کی، بئیت‏الله، دئیرلر قلب- مؤمندیر

 

*  *  *

 

چشم- صورت بازیمه موژگان صفی هنگامه‏دیر

قانه باتمیش هر موژه‏م بیر شوخ- گوءلگون‏جامه‏دیر

گؤسترر هر دم علامت‏لر قیامتدن قدین

قایم ائتمیش حشر بورهانین، عجب علاّمه‏دیر

تا خطین اوءزره خم- ابرولرین سرگرمی‏یم

هر سؤزوم درد- دل املاسینه بیر سرنامه‏دیر

اوءزده نقش- خون- دل راز- نهانیم فاش ائدر

شرح- غم تحریرینه هر کیپریگیم بیر خامه‏دیر

دردیم اولدور کیم، موسلمان اولموش اول ترسابچه

کوءفره اولان ظوءلم‏لر طعنی بو گوءن اسلامهدیر

ائی صبا، رحم ائت کیم، اول بی درد قیلمیش ترک- جؤر

چاره‏ی- درد- دلیم مؤقوف بیر اعلامه‏دیر

ائی فضولی، بولمادیم رنگ- ریادن بیر صفا

نولا گر مئیلیم بو رنگ ایله مئی- گوءلفامه‏دیر

 

*  *  *

 

صبوح اوءچون منه دوءرد- مئی- شبانه یئتر

اثر کی وار، خراب اولماغا بهانه یئتر

جفا اوخون منه یاغدیرمان آنجاق، ائی افلاک

دئمین کی، یئددی کمانداره بیر نشانه یئتر

بیانه یئتمگه درد و غمیم فسانه‏لری

زبانیم آتش- دلدن چیخان زبانه یئتر

قوپاردی مردوم- چشمیم کؤنول بناسین کیم

حوباب- اشک هوا نقدینه خزانه یئتر

لبین خیالی ایله پاره- پاره اولدو جگر

گواه- حال منه اشک- دانه- دانه یئتر

حریف- بزم- غمیم، خون- دل شرابیم اولوب

ترانه‏ی- طربیم آه- عاشقانه یئتر

فضولی، ایسته‏مزم مسند- جم و جمشید

منه نشیمن – دؤلت شرابخانه یئتر

 

*  *  *

 

گه گؤزده، گه کؤنولده خدنگین مکان توتار

هر قاندا اولسا قانلی‏نی، البتّه قان توتار

دل چکسه، نولا جان و تنی خاک- کویینه

خار و خس ایستر اوندا کی، قوش آشیان توتار

ذکر- لبین‏له زوءلفونه جان بولدو دسترس

اونون کیمی کی، اوخویوب افسون ایلان توتار

دل توتدو غؤنچه ایله برابر دهانینی

بو عقل- ناقص ایله اؤزون خورده دان توتار

خورشید خرمنینه اوُرا شؤعله- شؤعله اود

آهیم کی، لحظه- لحظه ره- آسمان توتار

جان ائیله‏دیکجه مئیل- تماشای- قامتین

گؤز رؤزنین سرشک- روانیم روان توتار

توتماق دیلر قاپیندا فضولی مقام، لئیک

بو سرّی کیمسه‏یه آچا بیلمز، نهان توتار

 

*  *  *

 

خوشام کیم دم به دم گریان گؤزوم اول خاک- پادندیر

زیانی اولماز اول گؤز یاشی‏نین کیم، توتیادندیر

دمادم مردوم- چشمیم ایچر قان زوءلف و خالیندان

بلی اکثر معاشی اهل- دریانین قرادندیر

دئمه فرهاد قانین تؤکموش آنجاق عشق شمشیری

منیم گؤر قانلی یاشیم کیم، بو هم اول ماجرادندیر

موعنبر سونبولوندن آلمادان بو، اولمادیم روسوا

بو روسوالیق منه سندن دئگیل، باد- صبادندیر

حوباب- اشک ایچینده موی- ژولیده‏م‏له خوشحالم

باشیمدا بو هومایون سایه اول عالی بنادندیر

وفا رسمین اونوتموشسان دئیه، اینجینمزم زیرا

بو کیم، مندن جفا کم ائیله‏مزسن هم وفادندیر

کلام- حوءسن- مشرب، عاری اولماقدیر تعرّوضدن

ریا اهلینه هم چوخ اعتراض ائتمک ریادندیر

فضولی، تؤکمه چوخ یاش، احتیاط ائت گئتمه‏سین ناگه

گؤزوندن سوءرمه کیم، خاک- ره- اهل- صفادندیر

 

*  *  *

 

پریشان خلق- عالم آه و افغان ائتدیگیمدندیر

پریشان اولدوغوم، خلقی پریشان ائتدیگیمدندیر

دل- زاریمده درد- عشق گوءن-گوءندن فزون اولماق

یئتن بی درد تدبیریله درمان ائتدیگیمدندیر

گؤزوم کیم باغریمین قانین تؤکر پرکاله-پرکاله

دمادم آرزو ی- لعل- جانان ائتدیگیمدندیر

دئگیل بیهوده گر یاغسا فلکدن باشیمه داشلار

بیناسین تیشه‏ی - آهیمله ویران ائتدیگیمدندیر

قاچان روسوا اولوردوم، قان اودوب صبر ائده بیلسیدیم

ملامت چکدیگیم بیهوده افغان ائتدیگیمدندیر

خطا سندن دئگیل، جسمیم اوخوندان بی نصیب اولسا

حوباب- اشک- گوءلگون ایچره پنهان ائتدیگیمدندیر

فضولی، اختلاط- مردوم- عالمدن اکراهیم

پری‏وشلر خیالین مونس- جان ائتدیگیمدندیر

 


<<                              فضولی‏نین شعرلری‏نین لیستی                              >>

 

+ نوشته شده در  90/10/20ساعت 0:26  توسط -  | 

  

<<                              فضولی‏نین شعرلری‏نین لیستی                              >>


 

 ائی کؤنول یاری ایسته جاندان کئچ

سر- کویین گؤزَت جهاندان کئچ

یا طمع کس حیات ذؤقیندن

 یا لب- لعل- دل‏ستاندان کئچ

موءلک- تجریددیر فراغت ائوی

ترک- مال ائیله، خانماندان کئچ

لامکان سئری‏نین عظیمتین ائت

بو خراب اولاجاق مکاندان کئچ

اعتبار ائتمه موءلک- دونیایه

اعتبار- علوّ- شاندان کئچ

اهل- دونیانین اولماز آخرتی

ائی فضولی، بو خاکداندان کئچ

 

*  *  *

 

گر دئییل بیر ماه مهری‏لن منیم تک زار صوءبح

باشین آچیب نیشه هر گوءن یاخاسین ییرتار صوءبح

گوءن دئییل، هر گوءن بیر آی مهری‏له کؤکسون چاک ائدیب

تازه-تازه داغلردیر کیم، قیلیر اظهار صوءبح

تیغ- خورشید ایله رفع اولسا یئریدیر کیم، مودام

یاندیریب پروانه یی، شمعه وئریر آزار صوءبح

صوءبحی شام و شامی صوءبح اولموش منم عالمده کیم

شام شمع- بزم اولوب، آیریلدی مندن یار صوءبح

گؤر نه عاشقدیر کی، بیر خورشید وصلین بولماغا

صرف ائدر هر لحظه مین-مین لؤلؤ- شهوار صوءبح

عشقده صادقلیک اظهار ائتدی داغین گؤستریب

غالبا دئرلردی کاذب، قیلدی اوندان عار صوءبح

هجر شامیندا غم ائتمیشدی فضولی، قصد- جان

اولماسایدی مرحمتدن دم ووروب غمخوار صوءبح


 

*  *  *

 

اگر موراد ایسه وئرمک صفای- جؤهر- روح

فلک مثال یوءروت ساغر- شراب- صبوح

بویورما تؤبه منه اول شرابدان ناصح

کی گؤرسه اونو توتار جزم ترک- تؤبه نصوح

هجوم- غمده منه اونو ائتدی ذؤرق- مئی

کیم، ائتمه‏دی اونو طوفان اولاندا کشتی- نوح

مودام چشمیمه قان دولدورور خدنگ- غمین

یووا باشیمدا توتان قوش‏لاری ائدیب مجروح

دل اولدو داغ- فراقین‏له شرحه- شرحه ولی

نه سود، چون سنه اولمادی حال- دل مشروح

تنیمده سانجی‏لی ناوک‏لرین‏له شادم کیم

در- بلا بو کلید ایله‏دیر منه مفتوح

فضولی اولدو بئلین فکری ایله موی مثال

هنوز بولمادی اول سرّه احتمال- وضوح

 

 *  *  *

 

قانسی ماهین، بیلمزم، مهری‏له اولموش زار صوءبح

هر گوءن ائیلر خلقه بیر داغ- نهان اظهار صوءبح

باتدی انجوءم، چیخدی گوءن، یا بیر اسیر- عشقدیر

تؤکدو دوءرّ- اشکی، چکدی آه- آتشبار صوءبح

نولا گر امواته احیا وئرسه صوءبحون دم‏لری

ذکر- لعلیندیر کیم، ائیلر دم به دم تکرار صوءبح

بیر موصوّردیر کی، زرّین کِلک ایله هر گوءن چکر

صفحه‏ی- گردونه نقش- عارض- دلدار صوءبح

موژده بیر خورشیددن وئرمیش مگر باد- سحر

کیم، نثار ائیلر اونا یوءز مین دوءر- شهوار صوءبح

عاشق- صادقدیر اظهار- غم ائیلر هر سحر

آه ایله خلقی یوخوسوندان قیلیر بیدار صوءبح

ائی فضولی، شام- غم انجامینا یوخدور اوءمید

بیر تسلّی‏دیر سنه اول سؤز کی، دئرلر وار صوءبح

 

*  *  *

 

اول مشک بو غزاله اخلاصیم ائیله واضح

«بلّغ صبا سلاماً مسکیّةالرّوایح[1]»

اولغاج حبیبه واصل، بیزدن هم اولما غافل

«لا تقطع الرّسایل، لا تکتم الصرایح[2]»

یوءزده سرشک قانی، سؤیلر غم- نهانی

«قد تظهر المعانی بالخطّ فی اللّوایح[3]»

من موبتلای- هجران، مندن ایراق جانان

«والعمر کیف ما کان مثل الرّیاح رایح[4]»

عشقین، فضولی- زار، ترک ائتمک اولدو دوشوار

«یا عارفاً بما سار، لا تُکسِرِ النّصایح[5]»

 

*  *  *

 

کیمسه‏ده روخسارینا، طاقت- نظّاره یوخ

عاشقی اؤلدوردو شؤق، بیر نظره چاره یوخ

باغری بوءتونلر منه طعنه ائدرلر مودام

حالیمی شرح ائتمگه، بیر جگری پاره یوخ

ییغدی منیم باشیما دهر غمین نئیله‏سین

بادیه‏ی- عشقده من کیمی آواره یوخ

دهرده همتا سنه وار، یئری یوخ، گر دئسم

وار گؤزل چوخ ولی، سن کیمی خونخواره یوخ

گؤزده گزیب جیزگینیر قطره‏ی- اشکیم مودام

قطره‏ی- اشکیم کیمی چرخده سیّاره یوخ

چاک گؤروب کؤکسومو قیلما علاجیم، طبیب

ضایع اولور مرحمین، منده بیتر یاره یوخ

زارلیغیم عشقدن وار، فضولی ولی

اول مه- بی مهردن رحم من- زاره یوخ

 

*  *  *

 

نولا گر قوجسا میانین کمر- زر گوستاخ

گتیریب چوخ‏لاری اورتایه زر، ائیلر گوستاخ

خاک- ساغر، جم و جمشیددیر، ائی پیر مغان

خبر ائت ساقیه کیم، توتمایا ساغر گوستاخ

رشک اودی‏له یاخیلیر رشته‏ی- جانیم کی، نئچون

دگر اول عارضه گیسوی- معنبر گوستاخ

روزنیندن قوما کیم، گون دوشه خلوت‏گهینه

حرم- شاهه نه لایق گیره چاکر گوستاخ

ساخلا، ای اشک، ادب، گئتمه سر- کویینه چوخ

کی، دوءشر اوءزدن و گؤزدن سوءرولر هر گوستاخ

هوسیم باده‏ی- گوءلگونه بو اومّید ائیله دیر

کیم، اولام مست توتام دامن- دلبر گوستاخ

بنزدیرسن اؤزونو ایت‏لرینه هر ساعت

ائی فضولی، اولا بیلمز سنه بنزر گوستاخ

 

*  *  *

 

رنگ- روییندن دم اورموش ساغر- صهبایه باخ

آفتاب ایله قیلیر دعوا، توتولموش آیه باخ

شمع باشیندان چیخارمیش دود شؤق- کاکلین

بؤیله کوتاه عؤمر ایله باشینداکی سئودایه باخ

ائی سلامت اهلی، اول روخساره باخما زینهار

احتراز ائیله ملامتدن، من- روسوایه باخ

بیلدی عشقیندن نمدپوش اولدوغون آیینه تک

رحم ائدیب بیر گز منه باخماز، بو استغنایه باخ

سینه‏می چاک ائیله، گؤر دل اضطرابین عشقدن

رؤزن آچ هر دم هوادن مؤج اوران دریایه باخ

ائی دئین کیم، شام- اقبالین نه اوءزدن تیتره‏دیر؟

سایه سالمیش آیه اول گیسوی- عنبرسایه باخ

ائی فضولی، هر نئجه منع ائیله‏سه ناصح سنی

باخما اونون قولینه، بیر صورت- زیبایه باخ

 

*  *  *

 

لب‏لرین تک لعل و لفظین تک دوءر- شهوار یوخ

لعل و گؤهر چوخ، لبین تک لعل- گؤهر بار یوخ

سندن ائتمن داد: «جؤرون وار، لوءطفون یوخ» دئییب

مست- ذؤق- شؤقونم، بیردیر یانیمدا وار، یوخ

کیمه اظهار ائیله‏ییم بیلمن بو پنهان دردی کیم

وار یوءز مین درد- پنهان، قودرت- اظهار یوخ

دؤر سرمست- شراب- غفلت ائتمیش عالمی

بونجا سرمستین تاماشاسینه بیر هوشیار یوخ

خلقی مدهوش ائیله‏میش خواب- شب- طول- امل

صوءبح تحقیقی علامتینه بیر بیدار یوخ

صورتی زیبا صنم‏لر یوخ دئمه‏ن بوءتخانه‏ده

وار چوخ، امّا سنه بنزر بوءت- خونخوار یوخ

ائی فضولی، سهلدیر هر غم کی، غمخواری اولا

غم بودور کیم، منده مین غم وار، بیر غمخوار یوخ

 

*  *  *

 

گرمدیر شام و سحر مهرین‏له چرخ- لاجورد

گه سرشک- آل ائدر اظهار و گه روخسار- زرد

صوءبحه بنزر عاشق- صادق، دئمه‏ن عالمده کیم،

بیر نفس کئچمز کی، چکمز سوز- دلدن آه- سرد

یاخشی سانما ائی کؤنول، اهل- خرد اطواری‏نی

اولما غافل، عشق دردیندن، یامان اولماز بو درد

موءمکون اولدوقجا فلک منسوبه‏سیندن قیل حذر

نیشه کیم، خالی دئگیل بیداد نقشیندن بو نرد

ظوءلمت- غم اضطرابین چکمز اول آزاده کیم

هر تعلّوقدن اولا خورشید تک عالمده فرد

ائی فضولی، کسمه اول مه‏وش وصالیندن اومید

صبر قیل کیم، دؤر دؤرانی دئگیل بیهوده گرد

 


[1]  ترجومه‏سی: ائی سحر یئلی، مندن مشک قوخولو سلام یئتیر

[2]  ترجومه‏سی: مکتوب‏لاری مندن کسمه، عذاب- اذیّت‏لرینی گیزلتمه

[3]  ترجومه‏سی: معنالار لؤحه‏لر اوءزرینده خط ایله ظاهر اولور.

[4]  ترجومه‏سی: عؤمور نه جور اولورسا- اولسون کوءلک کیمی اسیب گئدندیر.

[5]  ترجومه‏سی: ائی اولان شئی‏لری بیلن، چوخ نصیحت ائتمه!

 


<<                              فضولی‏نین شعرلری‏نین لیستی                              >>

  


برچسب‌ها: آذربایجان ادبیاتی, توءرکجه شعر, مولاّ محمّد فضولی‏نین غزل‏لری
+ نوشته شده در  90/10/17ساعت 0:36  توسط -  | 

  

<<                              فضولی‏نین شعرلری‏نین لیستی                              >>


بحر- عشقه دوءشدون ائی دل، ذؤق- دونیانی اونوت

بالغ اولدون، گل رحِمدن ایچدیگین قانی اونوت

وئردی رحلتدن خبر موی- سفید و روی- زرد

چهره‏ی- گوءلگون ایله زوءلف- پریشانی اونوت

چک ندامتدن گؤگه دود- دلین، تک قانلی یاش

سرو- نازین ترک توت گوءلبرگ- خندانی اونوت

گؤر غنیمت فقر موءلکونده گدالیق شیوه‏سین

اعتبار- منصب و درگاه- سولطانی اونوت

چکمه عالم قئیدی‏نی، ائی سربولند- فقر اولان

سلطنت تختینه ایردین، بند و زندانی اونوت

لؤح- خاطر صورت- جانانه قیل آیینه دار

اونو یاد ائت، هر نه کیم یادیندادیر، آنی اونوت

معصیت درسین یئتر تکرار قیل، دؤندر ورق

اؤزگه حرفین مشقین ائت، اول درس- عونوانی اونوت

ائی فضولی، چک ملامت رهگوذاریندان قدم

لحظه- لحظه چکدیگین بیهوده افغانی اونوت

 

* * *

 

مورده جسمیم الطفاتیندان بولور هر دم حیات

اؤلرم گر قیلماسان هر دم منه بیر الطفات

یازه بیلمز لبلرین وصفین تمام- عؤمرده

آب- حئیوان وئرسه خضره کِلک و ظولمتدن دوات

من فقیرم، سن غنی، وئرگیل زکات- حوءسن کیم

شرع ایچینده هم منه دیر، هم سنه واجب زکات

گؤرمه یینجه حوءسنونو ایمانه گلمز عاشقین

یوءز پیمبر جمع اولوب، گؤسترسه لر مین مؤعجزات

مظهر- آثار- قودرتدیر وجود- کاملین

فئیض- فطرتدن غرض سن‏سن طوفئیلین کاینات

جؤهر- ذاتینده دیر مجموع- اؤصاف- کمال

بو صفات ایله کی، سن‏سن، قاندادیر بیر پاک ذات؟

عشقه تا دوءشدوم فضولی، چکمه دیم دونیا غمین

بیل کی، قئید- عشق ایمیش دام- تعلّوقدن نجات

 

* * *

 

صبا اغیاردن پنهان غمیم دلداره اظهار ائت

خبرسیز یاریمی حال- خرابیمدن خبردار ائت

گتیر یادیم اونون یانیندا، ور گؤرسن کی، قهر ائیلر

خموش اولما، یئنه دوشنام تقریبی‏له تکرار ائت

کؤنول، غم گوءن‏لرین تنها کئچیرمه، ایسته بیر همدم

اجل خوابیندان، افغان‏لار چکیب، مجنونو بیدار ائت

چو یوخ، عشق آتشی بیر شؤعله چکسه، طاقتین، ائی نئی

باش آغریتما، دم- عشق اورما، آنجاق ناله‏ی- زار ائت

منی رشک اودونا پروانه تک، ائی شمع، یاندیرما

یئتر خورشید- روخسارین چراغ- بزم- اغیار ائت

گرفتار- غم- عشق اولالی آزاده‏ی- دهرم

غم- عشقه منی بوندان بتر، یارب، گرفتار ائت

فضولی، باخماق اولور اول گوءنش یادی‏له خورشیده

نه وجه ایله کیم، اولسا گوءن کئچر، فکر- شب- تار ائت

 

* * *

 

خط روخسارین ائدر لوءطفده رئیحان ایله بحث

حوءسن- صورتده جمالین گوءل- خندان ایله بحث

جنّتی کویینه زؤهد اهلی موناسب دئسه‏لر

نه موناسب کی، قیلام بیر نئچه نادان ایله بحث

یوءزونه دورماسین آیینه اوروب لاف- صفا

نه روا مه قیلا خورشید- درخشان ایله بحث

گرچی شومشادده چوخ لاف- لطافت واردیر

یورولور ائیله‏سه اول سرو- خورامان ایله بحث

قیلسا جان لعلین ایلن فئیض یئتیرمک بحثین

جانب- لعلی‏نی توت، ائی کؤنول، ائت جان ایله بحث

دوءشر اود شمع دیلینه بو سببدن کی، قیلیر

دیل اوزادیب گئجه‏لر اول مه- تابان ایله بحث

صفت- حوءسنون ائدر خسته فضولی، نه عجب

حوءسن- گؤفتارده گر ائیله‏سه حسّان ایله بحث

 

* * *

 

جهان ایچره هر فتنه کیم، اولسا حادث

اونا سرو- قدّیندیر، البتّه باعث

مدارسده تحقیق- موی- میانین

دقایقدن اورتایه سالمیش مباحث

موحّدلره قیلما انکار، زاهد

مئی- وحدتی سانما اومّ- الخبایث[1]

ایکی دیده‏سیز عالمه یوسف و سن

سیزه یوخ جهان ایچره امکان- ثالث

منه جمع اولور قاندا کیم، وار بیر غم

منم موءلک- غم ایچره مجنونه وارث

تؤکوب اشک کویینده، وصلین دیلر دل

ساچار نفع اوءچون دانه توپراغه حارث[2]

عوءذار و لبین وصفین ائیلر فضولی

اونا هم موفسّر دئرم، هم موحدّث

 

* * *

 

ائی غوبار- قدمین عرش- برین باشینه تاج

شرف- ذاتینه ادنای- مراتب معراج

مونتها شرعینه ادیان- تمامیّ- روءسول

بحرسن، شاعر- ارباب- رسالت امواج

خازن- گنج- شفاعت سنی قیلمیش ایزد

هیچ کیم یوخ کی، سنه اولمایا آخر مؤحتاج

سوءنّتین مغفرت اسبابینه منهاج- حصول

طاعتین معصیت امراضینه تدبیر- علاج

خلقه تقلید- سلوکین سبب- حوءسن- معاش

موءلکه تغییر- طریقین اثر- سوء- مزاج

قایم اولمازدی نظام و نسق- اصل- وجود

وئرمه‏سه‏یدین اثر- عدل الیه دونیایه رواج

شوءکر لله کی، فضولی‏نی ائدیب داخل- فئیض

رغبتین دایره‏ی- خوفدن ائتمیش اخراج

 

* * *

 

جان چیخیر تندن کؤنول ذکر- لب- یار ائیله‏گج

تن بولور جان یئنلَدَن اول لفظی تکرار ائیله‏گج

قیلما ائی افغان، گؤزون بیدار، مست- خواب ایکن

اولمایا بیر فتنه پئیدا اولا، بیدار ائیله‏گج

صؤحبتیمدن عار ائدیب، ائی گوءل، منی ترک ائتمه کیم

گوءل اولور افسورده ترک- صؤحبت- خار ائیله‏گج

واریمی فکر- دهانینلا یوخ ائتدیم کیم، قضا

بؤیله امر ائتمیش مانا، یوخدان منی وار ائیله‏گج

عرض- روخسار ائت بو گوءن، ائی مه، گوءم اولسون گؤیده گوءن

اؤیله کیم انجوم اولور، گوءن عرض- روخسار ائیله‏گج

هر زبان بیر تیغدیر گویا زولئیخا قتلینه

یوسفی آلماقدا اهل- عشق بازار ائیله‏گج

ناله‏ی- زاریم، فضولی، خوش گلیر اول گوءلروخه

آچیلیر گوءل کؤنلو بوءلبول ناله‏ی- زار ائیله‏گج

 

* * *

 

کؤنلوم آچیلیر زوءلف- پریشانینی گؤرگج

نطقیم توتولور غونچه-ی خندانینی گؤرگج

باخدیقجا سنه قان ساچیلیر دیده لریمدن

باغریم دلینیر ناوک- موژگانینی گؤرگج

رعنالیق ایله قامت- شیمشادی قیلان یاد

اولمازمی خجل سرو- خورامانینی گؤرگج

چوخ عشقه هوس ائدنی گؤردوم کی هواسین

ترک ائتدی سنین عاشق- نالانینی گؤرگج

کافر کی دئییل مؤعترف- نار- جهنّم

ایمانه گلر آتش- هجرانینی گؤرگج

نازک‏لیک ایله غونچه‏ی - خندانی ائدن یاد

ائتمزمی حیا لعل- دوءر افشانینی گؤرگج

سن حال-دلین سؤیله مه‏سن، نولا، فضولی؟

ائل فهم قیلیر چاک-گریبانینی گؤرگج

 

* * *

 

مونحرفدیر ساقیا اندوه- دونیادن مزاج

باده توت کیم، علّت- اندوهه غفلتدیر علاج

فقر موءلکون توت، گر استغناده ایسترسن کمال

سلطنتدن کئچ کیم، اول وادی‏ده چوخدور احتیاج

چکمه تخت و تاج قئیدین، بی سر و پالیق گؤزَت

کیم، ایاغه بنددیر تخت و بلادیر باشه تاج

بیر پری زوءلفون توتوب، خالیندن آسلان کام- دل

توت کی، چین موءلکی‏نی توتدون، هنددن آلدین خراج

ترک و تجرید اختیار ائت کیم، دیار- عشقده

فقر بازارینه اسباب- فنادندیر رواج

نقش- زایلدیر، امور- دهره قیلما اعتبار

اولسا حاصل فقردن حوءزن و غنادن ابتهاج

ائی فضولی، من ملامت موءلکونون سولطانی‏یم

برق- آهیم تاج- زر، سیم- سرشکیم تخت و تاج

 

* * *

 

اولور قدّیم دوتا عشقین یولوندا، هر بلا گؤرگج

طریق اهلینه عادتدیر تواضؤع، آشنا گؤرگج

نهان عشقیمی معلوم ائتسه عالم، دود- آهیمدن

عجب یوخ کیم، گومان- گنج ائدر خلق، اژدها گؤرگج

فزون اولدوقجا عشقیم گرم اولور اشکیم گؤزوم ایچره

اگرچی سو برودت کسبی‏نی ائیلر هوا گؤرگج

اوخون هر لحظه کیم، جانیم دلر، کؤنلوم قیلار افغان

به عئینی ائیله کیم، فریاد ائدر ایت‏لر، گدا گؤرگج

رواج- نقد نقش- سکّه‏دندیر، نولا غدر ائتسه

منه ائل، جسم- عوریانیمدا نقش- بی ریا گؤرگج

من- درویشه ائل هم جؤر ائدر، سن جؤر قیلدیقجا

کیم ائیلر ظوءلم منعین پادشاهیم، سن روا گؤرگج

فضولی‏نی یاشور، ائی ضعف، مه‏وش‏لر جفاسیندان

کی، مه‏وش‏لر قیلیرلار مین جفا، بیر موبتلا گؤرگج

 


[1] پیسلیک‏لر آناسی

[2] اکینچی

 


<<                              فضولی‏نین شعرلری‏نین لیستی                              >>

 


برچسب‌ها: آذربایجان ادبیاتی, توءرکجه شعر, مولاّ محمّد فضولی‏نین غزل‏لری
+ نوشته شده در  90/10/14ساعت 23:53  توسط -  | 

 

<<                              فضولی‏نین شعرلری‏نین لیستی                              >> 


کوهکن شیرینه اؤز نقشین چکیب وئرمیش فریب

گؤر نه جاهلدیر، یونار داشدان اؤزیچون، بیر رقیب

قاش‏لارین یایی بیر اوخ لوءطف ائیله میش هر عاشقه

من هم اوندان ائیلرم بیر اوخ تمنّا، یا نصیب

توتیای- خاک- پایین فئیضینه یول بولماسام

نور- چشمیم، عئیب قیلما، کور اولور دئرلر غریب

موضطربدیر چاره‏ی- دردیمده، وه کیم، بیلمه ییب

بیر دواسیز درده اوغراتمیش اؤزون مسکین طبیب

برق- آهیمدن ائویم هر گوشه بولموش رخنه لر

گل گؤر، ائی گوءل کیم، گریفتار- قفسدیر عندلیب

ائی منه صبر ائت دئیَن حال- دلیمدن بی خبر

عشق اولان یئرده نه دیر آرام، یا نئیلر شکیب؟

ائی فضولی، اینجیمه سندن تغافول قیلسا یار

رسمدیر کیم، گؤستره احبابه استغنا حبیب

 

* * *

 

اول کی، هر ساعت گوءلردی چشم- گریانیم گؤروب

آغلار اولدو حالیما بی رحم جانانیم گؤروب

ائیله‏ین تعیین- اجزای- موداوا دردیمه

ترک ائدیب، جمع ائتمه‏دی حال- پریشانیم گؤروب

لاله روءخ‏لر گؤکسومون چاکینه قیلمازلار نظر

هیچ بیر رحم ائیله مزلر داغ- پنهانیم گؤروب

توت گؤزون، ائی دود- دل، چرخین کی، دؤرین ترک ائدیب

قالماسین حئیرتده چشم- گؤهر افشانیم گؤروب

پرتؤ- خورشید سانمین یئرده، کیم دؤر- فلک

یئره اورموش آفتابین ماه- تابانیم گؤروب

سودا عکس- سرو سانمین، کیم، قوپاریب، باغبان

سویا سالمیش سروی‏نی، سرو- خورامانیم گؤروب

ائی فضولی، بیل کی، اول گوءل عارضین گؤرموش دئگیل

اول کی، عئیب ائیلر منیم چاک گریبانیم گؤروب

 

* * *

 

روزگاریم بولدو دؤران- فلکدن انقلاب

قان ایچر اولدوم، ایاغین چکدی بزمیمدن شراب

شؤعله‏ی- آه ایله یاندیردیم دل- سرگشته‏یی

بیر اود اولدوم جیزگینن چهره‏مده اولمازمی کباب؟

لعلین ایله باده بحث ائتمیش، زهی گومراهلیق

اولدو واجب ائیله‏مک اول بی ادبدن اجتناب

وئرمز اولدو یول وصاله پیچ- زوءلفون، آه، کیم،

رشته‏ی- تدبیردن دؤران- کجرو آچدی تاب

اولمادی اول ماهه رؤشن یاندیغیم هجران گوءنو

یاندیغین شب تا سحر شمعین نه بیلسین آفتاب

گؤز کی، پئیکانین قاپوب، گؤگدن ساچار هر یان سرشک

بیر صدفدیر، قطره‏ی- بارانی ائیلر دوءرّ- ناب

اولدو ابر- دود- آهیم پرده‏ی- روخسار- ماه

آه کیم، آلماز جمالیندن هنوز اول مه نقاب

کسمه‏دی مندن سر- کویینده آزارین رقیب

ائی فضولی، جنّت ایچره نیشه یوخ، دئرلر عذاب؟

 

* * *

 

درد- عشقیم دفعینه زحمت چکر دایم طبیب

شوءکر کیم، اولموش اونا زحمت، منه راحت نصیب

بیر زباندیر شرح- غم تقریرینه هر برگ- گوءل

ائیله‏مز بیهوده گوءل گؤردوکده افغان عندلیب

بیلسه ذؤقوم وصلدن فوءرقتده افزون اولدوغون

وصلدن منعیم روا گؤرمزدی رشکیندن رقیب

طعن- غفلتدیر پری طلعت‏لره اظهار- حال

سانما کیم، احباب حالیندان اولور غافل حبیب

آه، بیلمن نئیله‏ییم، قورتولماق اولماز قئیددن

من حریف- ساده دل، خوبان جمالی دلفریب

شمع قوءربی‏له تفاخور قیلما، ائی پروانه، کیم

خرمن- عؤمرون گؤیر برق- فنادان عنقریب

نولا آغلارسا فضولی رؤضه‏ی- کویین آنیب

لاجرم گریان اولور قیلغاج وطن یادین غریب

 

* * *

 

پایبند اولدوم سر- زوءلف- پریشانین گؤروب

نطقدن دوءشدوم لب- لعل- دور افشانین گؤروب

اودا یاخدیم شمع وش جانیم، باخیب روخسارینا

چرخه چکدیم دود- دل سرو- خورامانین گؤروب

گزدیرر هر یان گؤزوم اشک اوءزره باغریم پاره سین

خلعت- گوءلگون ایله رخش اوءزره جؤلانین گؤروب

بیر زامان کئچمز کی، دل تیغیندن اولماز چاک-چاک

آچیلیر هر دم توتولموش کؤنلوم احسانین گؤروب

کؤنلومو تنهالیق ائیلردی پریشان سینه‏ده

اولماسایدی جمع، هر یانیندا پئیکانین گؤروب

بند- زندان- غم و مؤحنتدن اولموشدوم خلاص

آه، کیم دوءشدوم یئنه، چاه- زنخدانین گؤروب

ائی فضولی، بونجا کیم توتدون نهان حال- دیلین

عاقبت فهم ائتدی ائل چاک- گریبانین گؤروب

 

* * *

 

غئیره ائیلر بی سبب مین التفات اول نوش لب

التفات ائتمز منه موطلق، نه‏دیر بیلمم سبب؟

جؤر اولور عادت غضب وقتی، نه عادتدیر بو کیم،

جؤرون آز ائیلر منه اول توءندخو قیلغاج غضب

نولا غمزه‏ن فکری دوءشدی‏سه دل- سوزانیمه

ظالمین گر اولسا آتش منزلی، اولماز عجب

دم به دم گر دوءشسه گؤزدن دوءرّ- اشکیم وجهی وار

یاش اوشاق‏لاردیر یئتیم، اونلاردا یوخ رسم- ادب

جؤری کؤنلومدور چکن، گؤزدور گؤرن روخسارینی

آللاّه، آللاّه، کام آلان کیمدیر، چکن کیمدیر تعب

یار بیداد ائیله‏مز عوشّاق فریاد ائتمه‏دن

هر نئجه روزی موقدّر اولسا، واجبدیر طلب

موطرب، آغلاتما سرودینله فضولی خسته‏نی

سئیل- اشکیندن ساقین، قوپمایا بونیاد- طرب

 

* * *

 

وصلین منه حیات وئریر، فرقتین ممات

«سبحان خالقی خلق الموت و الحیات[1]»

هجرانینا تحمّول ائدن وصلی‏نی بولور

«طوبی لمن یساعده الصّبر و الثبات[2]»

مهریندیر اقتناع- مقاصد وسیله‏سی

«ما شاء من اراد به الفوز و النّجاة[3]»

تؤکموش ریاض- طبعیمه باران- شؤقی‏نی

«من انزل المیاه و احیا به النّباة[4]»

حق آفرینشه سبب ائتدی وجودی‏نی

«اوجبت بالظهور ظهور المکوّنات[5]»

ایزد سریر- حوءسنه سنی قیلدی پادشاه

«اعلا کمال ذاتک فی احسن الصّفات[6]»

قیلدین ادای- نعت فضولی، تمام قیل

«کمّله بالسّلام و تمّمه بالصّلاة[7]»

 

* * *

 

یوءرو، یئتیر منه ائی سیم- اشک، بیداد ائت

گر آقچان ایله آلینمیش قول ایسَم آزاد ائت

ایتیرمه ایت‏لری آوازی‏نین، کؤنول، ذؤقین

یئتر قارا گئجه لر هرزه- هرزه فریاد ائت

خراب اولان کؤنول، ائی بوءت، سنین مقامیندیر

تغافول ائیله‏مه، بیر قاچ داش ایله آباد ائت

ائشیتمه‏دین‏می، کؤنول، عشق موشکل اولدوغونو

سنه بو موشکل ایشی کیم دئدی کی، بونیاد ائت؟!

خلاف- عادته چوخ اولما، ائی پری، مایل

یئتر فسون ایله تسخیر- آدمیزاد ائت

صبا، اسیرلری قصدین ائیله‏میش اول گوءل

بیزی هم اوندا اگر دوءشسه فورصتین، یاد ائت!

فضولی، ایستر ایسن ازدیاد- روتبه‏ی- فضل

دیار- روم گؤزَت، ترک- خاک- بغداد ائت!

 

* * *

 

عكس-روخسارين ايله اولدو موزيّن مرآت

بدن-مورده يه فئيض-نظرين وئردي حيات

بنزَدرديم قد-مؤزونينه في الجومله اگر

جان ايچينده الف ائتسَيدي قبول-حركات

خط بو مضمون ايله دير طرف-زنخدانيندا

كي بو زندانين اسيرينه يوخ اومّيد-نجات

كاكلين قيلدي موقرّر منه سرگشته ليگي

دئمه سين كيمسه كي وار گرديش-گردونه ثبات

غمزه پئيكانين ائدر عاشقه چشمين صدقه

اؤيله كيم مردوم-مؤمين وئره مؤحتاجه زكات

آفرين جؤوهر- مقبولينه كيم، عالمده

مومكون اولماز بو صفات ايله كي سن‏سن بير ذات

ائي فضولي ورع و زؤهد ايله مؤعتاد اولدون

بيلمه دين حالي‏ني بيهوده كئچيردين اؤقات

 

* * *

 

ائی اسیر- دام غم، بیر گوشه‏ی- مئیخانه توت

توتما زؤهادین موخالف پندی‏نی، پئیمانه توت

دیشله‏دیم‏سه لعلین، ائی قانیم تؤکن، قهر ائیله مه

توت کی، قان ائتدیم، عدالت ائیله، قانی قانه توت

جیزگینیرکن باشینا شمع- روخوندن جانیمی

منع قیلما، آنی هم اول شمعه بیر پروانه توت

گر سنه افغانیمی بیهوده دئرسه مودّعی

اول سؤزه توتما قولاق، من چکدیگیم افغانه توت

توتمازام زنجیر- زولفون ترکین ائی ناصح، منی

خواه بیر عاقل خیال ائت، خواه بیر دیوانه توت

ائی اولوب سولطان، دئین دونیاده مندن غئیری یوخ

سن سنی بیر جوغد بیل، دونیانی بیر ویرانه توت

ائی فضولی، دهر زالی‏نین فریبیندن ساقین

اولما غافل، ار کیمی ترپن، ایشین مردانه توت



[1] ترجومه‏سی: پاک و موقدّسدیر او یارادان کی، دیریلیگی و اؤلومو یاراتمیشدیر.

[2] ترجومه‏سی: او آدام خوشبختدیر کی، متانت و صبر اونا کؤمک ائدیر.

[3] ترجومه‏سی: نه ایسترسه کیمی نظرده توتارسا نجات و موفّقیّت اونون واسطه سی‏له دیر.

[4] ترجومه‏سی: یاغیش یاغدیریب، بیتکی‏لری دیریلدن

[5] ترجومه‏سی: ظهورونلا وارلیغین ظهورونا سبب اولدون

[6] ترجومه‏سی: ذاتینین کمالی‏نی گؤزل صفت‏لرله یوءکسلتدی.

[7] ترجومه‏سی: سالام ایله اونو تامالا دوعا ایله بیتیر.


<<                              فضولی‏نین شعرلری‏نین لیستی                              >>


برچسب‌ها: آذربایجان ادبیاتی, توءرکجه شعر, مولاّ محمّد فضولی‏نین غزل‏لری
+ نوشته شده در  90/10/12ساعت 20:37  توسط -  | 

 

فضولی‏نین غزل‏لری‏نین لیستی

 

فقر موءلکی تخت و عالم ترکی افسردیر مانا

شوءکر لله، دؤلت- باقی مویسّردیر مانا

 

زوءلف- روخساری خیالی‏له نه‏دیر حالین دئمه‏ن[1]

اؤیله‏یم کیم، گئجه و گوءندوز برابردیر مانا

 

حور و طوبی وصفین، ائی واعظ بو گوءن آز ائیله کیم،

همدم اول طوبی قیام و حور پئیکردیر مانا

 

آره‏دن، ائی شمع، چیخ بیر گوشه توت، کیم، بو گئجه

بزم بیر خورشید طلعتدن مونوّردیر مانا

 

وئردی باد- صوبح بیر خورشید طلعت موژده‏سین

شمع وش وه، کیم، بو دم اؤلمک موقرّردیر مانا

 

زاهدا، سن قیل توجّؤه گوشه‏ی- محرابه کیم

قبله‏ی- طاعت خم- ابروی- دلبردیر مانا

 

ائی فضولی، جمع اولور پئیوسته ائل نظّاره‏مه

عرصه‏ی- دشت- جنون صحرای محشردیر مانا

 

* * *

 

شربت- لعلین کی، دئرلر چشمه‏ی- حئیوان اونا

اول وئریر جان دم به دم عوشّاقه و من جان اونا

 

اوخ‏لاریندان کیم، تیکن تک سانجیلیبدیر هر طرف

گوءلبونی‏دیر خم قدیم، هر غؤنچه بیر پئیکان اونا

 

خال و خط‏دیر بیلمن اول آیینه‏ی- روخسار اوءزه

یا گؤزومدن عکس سالمیش مردوم و موژگان اونا

 

توتما، ائی قان، دم به دم طوغیان ائدیب تن چاکی‏نی

قوی بو منظردن دمی نظّاره قیلسین جان اونا

 

بحره، لؤلؤ دیش‏لرین وصفین مگر، سؤیله‏ی صبا

کیم، قولاق توتموش صدف ایچره دوءر- غلطان اونا

 

سالدی خطّین ذؤقی‏نی دل جانه، قان‏لار اوددوروب

طفل تک کیم، اوخودارلار زجر ایله قورآن اونا

 

ائی فضولی، اول صنم افغانینا رحم ائیله‏مز

داشه بنزر باغری، تأثیر ائیله‏مز افغان اونا

 

* * *

 

هر زامان منظور بیر شوخ- ستمگردیر مانا

قاندا اولسام بیر بلا حقدن موقدّردیر مانا

 

اول خم- ابرویه قیلسام سجده هر ساعت، نولا

قبله ایله اول خم- ابرو برابردیر مانا

 

غم دئگیل، جسمیمده گر سنگ- ملامت زخمی وار

شحنه‏ی- بازار- سئودایم، بو زیوردیر مانا

 

گؤزده خون آلوده پئیکانین خیالی‏له خوشام

هر بیری، گویا کی، بیر برگ- گوءل- تردیر مانا

 

زخم‏لردن مین آغیز اچدی ادای- شوءکره کیم

هر اوخون بیر نعمت- غئیر- موکرّردیر مانا

 

عقل ارشادی‏له بولماق کام موءمکوندور، ولی

دام- راه اول حلقه‏ی- زوءلف- موعنبردیر مانا

 

اختر- بختیم وبالین گؤر کی، اول مهدن گلن

مهرلردیر اؤزگه‏یه، جؤر و جفالردیر مانا

 

ائی فضولی، منزل- مقصوده یئتسن، نه عجب

خدمت- پیر- موغان ارشادی رهبردیر مانا

 

* * *

 

منیم تک هیچ کیم زار و پریشان اولماسین یا رب!

اسیر- درد- عشق و داغ- هیجران اولماسین یا رب!

 

دمادم جؤورلردیر چکدیگیم بیرحم بوءتلردن

بو کافیرلر اسیری بیر موسلمان اولماسین یا رب!

 

گؤروب اندیشه-ی قتلیمده اول ماهی، بودور ویردیم

کی، بو اندیشه دن اول مه پشیمان اولماسین یا رب!

 

چیخارماق ائتسه لر تندن، چکیب پئیکانین اول سروین

چیخان اولسون دیل- مجروح، پئیکان اولماسین، یا رب!

 

جفا و جؤور ایله مؤعتادم اونلارسیز نولار حالیم

جفاسینه حد و جؤورونه پایان اولماسین یا رب!

 

فضولی بولدو گنج- عافیت مئیخانا کوءنجونده

موبارک موءلکدور، اول موءلک ویران اولماسین یا رب!

 

* * *

 

ائی ناوک- شؤقین سپر- سینه‏ی- احباب

زوءلفون خمی ارباب- وفا صئیدینه قولاّب

 

محرابده شکل- خم- ابروی- لطیفین

واجب بو جهتدن قامویا سجده‏ی- محراب

 

سوزیم دئر ایدیم شمع سانا ائیله‏یه رؤشن

نظّاره‏ی- روخسارینا یوخ شمعده هم تاب

 

خورشید- جمالیندان اول آی سالدی نقابین

صوءبح اولدو، دور ائی بخت، نه‏دیر مونجا شکرخواب؟

 

دوءن صوءبح یئتیردیم فلکه مؤج- سرشکیم

غرق ائتدی فلک اوءزره اولان انجومو گرداب

 

ساقی مگر اول لعل سؤزون دئر مئی- نابه

کیم دوءشدو ایاغینه، الین اؤپدو مئی- ناب

 

جمعیّت- اسبابه کؤنول وئرمه، فضولی

کیم، تفرقه‏دیر خاطره جمعیّت- اسباب

 

* * *

 

صوءبح چکمیش چرخه، چالمیش داشه تیغین آفتاب

ظاهر ائتمیش اول مه- دلاّکه عئین- انتساب

 

دم به دم تحریک- تیغیندن بولور باش‏لار صفا

اؤیله کیم، سو مؤج اوروب ظاهر قیلیر هر دم حوباب

 

هر سر- مویینده بیر باش اولسا موی- سر کیمی

کسسه وارین، تیغ- خونریزیندن ائتمه‏ن اجتناب

 

کشف- اسرار- ملامت جؤهر- تیغینده‏دیر

کیم، آلیر باش‏لارداکی سئودا جمالیندان نقاب

 

غوصّه‏سیندن باشیمین قیل کیمی اینجَلمیش تنیم

کیم، تنیم‏له تیغی اورتاسیندا باشیمدیر حجاب

 

تیغ- چاپوک سئیرینه آهوی- چین دئرسم نولا

سئیر قیلدیقجا تؤکر صحرای- چینه مشک- ناب

 

موی- ژولیده‏مله تیغیندن اومیدیم کسمزم

ائی فضولی، خالی اولماز برق- لامِعدن سحاب!

 

* * *

 

صوبح سالیب ماه روخوندن نقاب

چیخ کی، تماشایه چیخا آفتاب

 

رشته‏ی- جانیم یئتر ائت بیر گره

سالما سر- زوءلف- سمن‏سایه تاب

 

مست چیخیب، سالما نظر هر یانا

گؤرمه روا کیم، اولا عالم خراب

 

کسمه نظر جانب عوشّاقدن

ناله‏ی- دلسوزدان ائت اجتناب

 

شام‏لر انجوم ساییرام صوءبحه دک

ائی شب- هجرین منه روز- حساب

 

دوزخه گیرمز ستمیندن یانان

قابل- جنّت دئگیل اهل- عذاب

 

سالدی آیاقدان غم- عالم منی

وئر منه غم دفعینه، ساقی شراب

 

رحم قیل اوفتاده‏لرین حالینه

هیچ گرکمزمی سنه بیر ثواب؟

 

یار سوال ائتسه کی، حالین نه‏دیر؟

خسته فضولی، نه وئررسن جواب؟

 

* * *

 

غالبا بیر اهل- دل توپراغی‏دیر دوءرد- شراب

کیم، قیلیب حؤرمت، بنالر دوتموش اوءستونده حوباب

 

برق و باران سانما کیم، گؤردوکجه آه و اشکیمی

بیلمزم نه‏مدیر منیم، آغلار منه، یانار سحاب

 

ائی سوران حالیم، بو استغنا سوالیندن نه سود؛

حالیم ائیلرسن سوال، امّا ائشیتمزسن جواب

 

دشت- غمده خاک- قبریم اوءزره سرو- گردباد

چکسه باش، اول سرودن سو کسمه، ائی سئیل- شراب

 

یئتمه‏ییب وصلینه سن لئیلی وشین، بیر عؤمردور

من کیمی مجنون اولوب صحرایه دوءشموش آفتاب

 

اول بوءت ابروسین قویوب محرابه دؤندرمه‏ن اوءزوم

قوی منی، زاهد، مانا چوخ وئرمه تانری‏چون عذاب

 

نقد- عؤمرون بیر صنم عشقینده صرف ائتدین تمام

ائی فضولی، آه، اگر سندن سورولسا بو حساب!

 

* * *

 

قیلسا وصلین شامیمی صوءبحه برابر، یوخ عجب

رسمدیر فصل- بهار اولماق برابر روز و شب

 

گوءن کی، سایه‏ن دوءشدوگو یئردن دورار، بیر وجهی وار

گلسه عالیقدرلر، فقر اهلی دورماقدیر ادب

 

اولمادان مئیخانه‏ی- عشقینده مست- جام- ذؤق

دوءزمه‏دی بزم- فلکده زؤهره قانون- طرب

 

جنّت- وصلیندیر اول مقصد کی، ایمان اهلینه

قیلسا حق روزی جهنّم آتشی اولدور سبب

 

غالبا مقصد وصالیندیر کی، دوءن گوءن دورماییب

چرخ سرگردان گزر، بیلمز نه‏دیر رنج و طرب

 

بسته‏ی- زنجیر- زوءلفوندور نسیم- تر مزاج

تشنه‏ی- جام- وصالیندیر موحیط- خوشک لب

 

قیلما فئیض- نعمت- وصلین فضولی‏دن دریغ

یوخدور اؤزگه مقصدی، سندن سنی ائیلر طلب

 

* * *

 

سن اوءزوندن عالمی رؤشن قیلیب سالدین نقاب

یازی‏یا[2] سالسین بو گوءندن بؤیله نورین آفتاب

 

سن نه نور- پاکسن، ائی مظهر- صونع- الاه

کیم، آلیر شعم- روخوندن نور مهر و ماهتاب

 

عکس رویین سویا سالمیش سایه، زولفون توپراغا

عنبر ائتمیش توپراغین آدین، سویون اسمین گولاب

 

یئلده بولموش بوی- زولفون، سودا عکس- عارضین

کیم، یئلی باغرینا باسیب، سویا گؤز دیکمیش حوباب

 

لعل‏گون مئی‏دیر الینده ساغر- سیمین ایله

یا نگین- لعلدیر، رشک- لبیندن اولدو آب؟

 

کِلک- قودرت لؤح- سینه‏مده سنی قیلمیش رقم

ائیله‏ییب محبوب‏لر مجموعه‏سیندن انتخاب

 

ائی فضولی، هر عمل قیلسان خطادیر، غئیر- عشق

بودورور من بیلدیگیم، «والله اعلم بالصواب[3]»

 


[1] دئمه‏یین

[2] صحرایا

[3] ترجومه‏سی: دوغروسونو آللاّه داها یاخشی بیلر.

 

فضولی‏نین غزل‏لری‏نین لیستی

 


برچسب‌ها: آذربایجان ادبیاتی, توءرکجه شعر, مولاّ محمّد فضولی‏نین غزل‏لری
+ نوشته شده در  90/10/11ساعت 21:0  توسط -  | 

 

فضولی‏نین غزل‏لری‏نین لیستی

 

کمال- حوسن وئریبدیر شراب- ناب سانا

سانا حلالدیر، ائی موغبچه، شراب سانا

 

سنی ملک گؤره‏لی یازماز اولدو عشقی گوناه

ولی یازیلدی بو اوءزدن بسی ثواب سانا

 

لبین سوالینا وئرمز جواب عوشّاقین

سوال اولورسا بو سندن، نه‏دیر جواب سانا؟

 

جزا گوءنونده سورولماز خطالر ائیله‏دیگین

یئتر فغان ایله من وئردیگیم عذاب سانا

 

منی قراریم ایله قویماز اولدون، ائی گردون

یئری‏دیر آهیم ایله وئرسم انقلاب سانا

 

شوعاع- جؤهر- تیغیندن اومما رحم، ائی دل

ساقینما سو وئره، ائی تشنه، اول سراب سانا

 

فضولی، باشینا اول سرو سایه سالدی بو گوءن

علوّ- رفعت ایله یئتمز آفتاب سانا

 

 

*  *  *

 

رشته‏دیر جسمیم کی، دؤر- چرخ وئرمیش تاب اونا

مردوم- چشمیم دوءزر هر دم دوءر- سیراب اونا

 

سایه‏ی- زولفون شبستانیندادیر شمع- روخون

نئجه یئتسین قدر ایله خورشید- عالم‏تاب اونا؟

 

دوءرد- مئی تک غرقه‏ی- خونابه گؤردوم کؤنلومو

گؤر نه گلدی باشینا نئتدی شراب- ناب اونا

 

قامت- خم بیرله بیر اهل- کرامتدیر قاشین

داش اولور، البتّه، گر باش اگمه‏سه محراب اونا

 

چشمی‏نی اهل- نظر قصدینه تعیین ائیله‏ین

ناز و غمزه‏ندن موحیّا ائیله‏میش اسباب اونا

 

ترله‏میش روخسار ایله خوبلار آچارلار کؤنلومو

گؤر نه گوءلشن‏دیر کی، آتشدن وئررلر آب اونا

 

سلک- اهل- حاله چکمیش زاهدی اشک- ریا

مِس کیمی کیم، سیم قدرین بولدورور سیماب اونا

 

ائی فضولی، قالمامیش غؤغای- مجنوندان اثر

غالبا، افسانه‏ی- عشقین گتیرمیش خواب اونا

 

*  *  *

 

عشق اطوارین موسلّم ائیله‏دی گردون مانا

بونجا کیم، یئلدی- یوءگوردو، یئتمه‏دی مجنون مانا

 

قیلدی مندن رفع تکلیف- نمازی مستلیک

قالدی برحق نشئه‏ی- جام- مئی- گوءلگون مانا

 

باغبان، گر مئیل قیلمان سروینه، معذور توت

سرودن یئیرک گلیر اول قامت- مؤزون مانا

 

دوست‏لار، قان- یاش تؤکوب قیلدی منی روسوای- خلق

وه کی، دوشمن چیخدی آخیر دیده‏ی- پورخون مانا

 

اولمازام، هر قاندا کیم اولسام، گرفتار اولمادان

بیر بلادیر گؤز، بیر آفتدیر دل- محزون مانا

 

ائی فضولی ناوک- آهیمله آلدیم انتقام

دؤنه- دؤنه گرچی بیداد ائتدی چرخ- دون مانا

  

 *  *  *

 

غم دیاریندا اجل پئیکی گوذار ائتمز مانا

یوخ سانیب واریم مگر کیم، اعتبار ائتمز مانا

 

یار جؤر ائتمز مانا، اغیار تعلیم ائتمه‏دن

بالله، اغیار ائیله‏ین احسانی یار ائتمز مانا

 

داغیدیر هر لحظه رخت- عئیشیمی آهیم یئلی

قانسی ناحق ظوءلمدور کیم، روزگار ائتمز مانا

 

عشق ذؤقی‏له خوشام، ترک- نصیحت قیل، رفیق

من کی، تریاکی مزاجم، زهر کار ائتمز مانا

 

چرخدن آشورمادان یادینله آه- آتشین

غدر ائدیب گردون شرردن زر نثار ائتمز مانا

 

نقد- جان تاراج- غمدن ساخلاماق دوءشواردیر

عشق تا سنگ- ملامتدن حصار ائتمز مانا

 

یاد- لعلین‏له فضولی گؤزله‏ییب راه- عدم

وار بیر تدبیری، امّا آشکار ائتمز مانا

 

  *  *  *

 

جانیمین جؤهری اول لعل- گوءهرباره فدا

عؤمرومون حاصلی اول شیوه‏ی- رفتاره فدا

 

درد چکمیش باشیم اول خال- سیَه قوربانی

تاب گؤرموش تنیم اول طورّه‏ی- طرّاره فدا

 

گؤزلریمدن ساچیلان قطره‏ی- اشکیم گوءهری

لب‏لریندن تؤکولن لؤلؤی- شهواره فدا

 

چاک سینه‏مده اولان قانلی جگر پاره‏لری

مست چشمینده اولان غمزه‏ی- خونخواره فدا

 

پاره- پاره دل- مجروح- پریشانیمدان

سر- کویینده اولان هر ایته بیر پاره فدا

 

جان و دل قئیدی‏نی چکمکدن اؤزوم قورتاردیم

جانی جانانه‏یه ائتدیم، دلی دلداره فدا

 

ائی فضولی، نولا گر ساخلار ایسم جانی عزیز

وقت اولا کیم، اولا اول شوخ- ستمکاره فدا

  

 *  *  *

 

غمدن اؤلدوم، دئمه‏دیم حال- دل- زار سانا

ائی گوءل- تازه، روا گؤرمه‏دیم آزار سانا

 

ایچ مئی- ناب کی، باغریمدان ائدر جومله کباب

آتش- عشق ایله عوشّاق- جگرخوار سانا

 

مئی- گوءلگونده دئگیل نرگس- مستین عکسی

قدح اولموش، گؤز آچیب، عاشق- دیدار سانا

 

عارضین گوءل- گوءل ائدیبدیر مئی- گوءلگون تابی

وه کی، بیر گوءلدن آچیلمیش نئچه گوءلزار سانا

 

باغه سئیر ائت بو روءخ- لعل ایله کیم، غؤنچه و گوءل

گؤستره خون- دل و دیده‏ی- خونبار سانا

 

دئر ایدیم قامتینه سرو، ولی اؤزگه ایمیش

حرکات و روش و شیوه و رفتار سانا

 

اگیلیب طرف- بناگوشینه، درد- دلیمی

یا او تاغین دئیه، یا طورّه‏ی- دستار سانا

 

من گرفتارینم و فتنه‏دن اولمان آزاد

هیچ کیم اولماسین، ائی شوخ، گرفتار سانا

 

لعل- نابین هوسی باغریمی قان ائیله‏دیگین

آه کیم، قانلی یاشیم قیلمادی اظهار سانا

 

ائی فضولی، فلکین وار سنینله نظری

کیم، غم و محنتی‏نی وئردی نه کیم وار سانا

 

 *  *  *

 

غمزه‏سین سئودین، کؤنول، جانین گرَکمزمی سانا؟

تیغه اوردون، جسم- عوریانین گرکمزمی سانا؟

 

آتشین آهیمله ائیلرسن منه تکلیف- باغ

باغبان، گوءلبرگ- خندانین گرکمزمی سانا؟

 

یئله وئرمه داغیدیب هر یان، آیاقلاردان گؤتور

ائی پری، زوءلف- پریشانین، گرکمزمی سانا

 

ائی کمان ابرو، رقیبه وئرمه غمزه‏ندن نصیب

اوخ آتارسان داشه، پئیکانین گرکمزمی سانا؟

 

یاندیریب جانیم جاهانسوز ائتمه برق- آهیمی

آسمان، خورشید- رخشانین گرکمزمی سانا؟

 

کوءفر- زولفوندن منی منع ائیله‏مک لایق‏می‏دیر

صوفی، انصاف ایله ایمانین گرکمزمی سانا؟

 

توتالیم کیم، اشک سئیلابینه یوخدور اعتبار

ائی فضولی، چشم- گریانین گرکمزمی سانا؟

 

*  *  *

 

گرچی، ائی دل، یار اوءچون اوءز وئردی یوءز محنت سانا

ذرّه‏جه قطع- محبّت ائتمه‏دین، رحمت سانا

 

 

ساخلاما نقد- غمی عشقینی ائی جان ظاهر ائت

کیم، وئریم حبس- بدندن چیخماغا روخصت سانا

 

چاره‏ی- بهبودیمی سوردوم موعالجدن، دئدی:

درد، درد- عشقدیر، مومکون دئگیل صحّت سانا

 

توتارام یارین قیامتده، حبیبیم دامنین

مست‏سن غفلت شرابیندان، بو گوءن مؤهلت سانا

 

عشق اهلین آتش- هجرانه ائیلرسن کباب

دؤنه- دؤنه امتحان ائتدیم، بودور عادت سانا

 

اینجیدیر ناله‏م سنی، وه نولا گر بیر تیغ ایله

چشم- جلاّدین ائده احسان منه، منّت سانا

 

سنده دوءن گؤردوم، فضولی، مئیل- محراب و نماز

ترک- عشق ائتمک‏می ایسترسن، نه‏دیر نیّت سانا؟

 

*  *  *

 

ائی بی وفا کی عادت اولوبدور جفا سانا

بالله جفادیر، اولما، دئمک بی‏وفا سانا

 

گه ناز و گه کیریشمه و گه عشوه‏دیر ایشین

جانین سئون‏لر اولماسا یئی آشنا سانا

 

مین جان اولایدی کاش من- دلشکسته‏ده

تا هر بیری‏له بیر گز اولایدیم فدا سانا

 

عشقینده موبتلالیغیمی عئیب ائدن سانیر

کیم، اولماق اختیار ایله‏دیر موبتلا سانا

 

ائی دل کی، هجره دو˚یماییب (1) ایسترسن اول مهی

شوءکر ائت بو حاله یوخسا گلر بیر بلا سانا

 

ائی گوءل، غمینده اشک روخ- زردیم ائتدی آل

بیلدیردی اولا صورت- حالیم صبا سانا

 

دوءشمز چو شاه قوءربی فضولی گدالره

اول شاهدن التفات نه نسبت مانا، سانا

 

*  *  *

 

شب کی، مفتاح- مه- نؤ اولا گنجینه گوشا

قیلا پئیمانه‏ی- گردونی جواهرپئیما

 

گیزله‏ییب چشمه‏ی- خورشید سویون کوزه‏ی- چرخ

قطره- قطره قیلا انجوم رشحاتین (2) پئیدا

 

لاله‏رنگ اولا شفقدن فلک- مینا فام

دیشره سالمیش کیمی عکس- مئی- گوءلگون مینا

 

مه- نؤ جامی‏نی دؤره گتیره ساقی- دهر

انجوم- چرخه سالا نشئه‏ی- تأثیر- هوا

 

من هم اول روحفزا راهی (3) تؤکم ساغره کیم

نخل- همّت رشحاتیندان آلا نشو و نوما

 

توتار اولسام، نه عجب، مئی اتگین دوءرد صفت

ائیله‏ییبدیر نئجه توپراغی بو اکسیر طلا

 

جام دؤرینده، فضولی، اوخودوم مئی وصفین

آتش- خرمن- غم، آب- حیات- حوکما

 

 


(1) دؤزمه‏ییب

(۲) دامجی‏لار

(۳) شرابی

 

فضولی‏نین غزل‏لری‏نین لیستی

 


برچسب‌ها: آذربایجان ادبیاتی, توءرکجه شعر, مولاّ محمّد فضولی‏نین غزل‏لری
+ نوشته شده در  90/10/10ساعت 20:18  توسط -  | 

 

فضولی‏نین غزل‏لری‏نین لیستی

قد انار العشق للعشاق منهاج الهدی (۱)

سالک- راه- حقیقت عشقه ائیلر اقتدا

 

عشقدیر اول نشئه‏ی- کامل کیم، اونداندیر مودام

مئیده تنویر- حرارت، نئیده- تأثیر- صدا

 

وادی- وحدت حقیقتده مقام- عشقدیر

کیم، موشخّص اولماز اول وادی‏ده سولطاندان گدا

 

ائیله‏مز خلوت‏سرای- سِرّ- وحدت محرمی

عاشقی معشوقدن، معشوقی عاشقدن جودا

 

ائی کی، اهل- عشقه سؤیلرسن: ملامت ترکین ائت

سؤیله کیم، مومکون‏مودور تغییر- تقدیر- خودا؟

 

عشق کِلکی چکدی خط حرف- وجود- عاشقه

کیم، اولا ثابت حق اثباتیندا نفی- ما ادا

 

ائی فضولی انتهاسیز ذؤق بولدون عشقدن

بؤیله‏دیر هر ایش کی، حق آدی‏له قیلسان ابتدا

 

*  *  *

 

یا من احاط علمک الاشیاء کلّها (۲)

نه ابتدا سنه متصوّر، نه انتها

 

کیم وئرسه جان یولوندا، بولور خاک- مقدمین

گویا کی، خاک- راهینه‏دیر نقد- جان بها

 

سن‏سن قیلان مظاهر- اومّید و بیم ائدیب

موسایی علم گنجی، عصاسینی اژدها

 

سندن بولوبدور احم- مرسل مقام- قوءرب

تحسین- «یا» و «سین» ایله تشریف- «طا» و «ها»

 

یعقوبده نشانه‏ی- شؤقین غم و الم

یوسفده نشئه‏ی- نظرین بهجت و بها

 

بولمازدی، قهرین آچماسا خان- سیاستین

«هل من مزید(۳)» لؤقمه‏سینه دوزخ اشتها

 

یا رب، بلای- قئیده فضولی اسیردیر

اول بی دلی بو دام- کدورتدن ائت رها

 

*  *  *

 

یا رب، همیشه لوءطفونو ائت رهنما مانا

گؤسترمه اول طریقی کی، گئتمز سانا، مانا

 

قطع ائیله آشنالیغیم اوندان کی، غئیردیر

آنجاق اؤز آشنالرین ائت آشنا مانا

 

بیر یولدا ثابت ائت قدم- اعتباریمی

کیم، رهبر- شریعت اولا موقتدا مانا

 

یوخ منده بیر عمل سنه شایسته، آه اگر

اعمالیمه گؤره وئره عدلین جزا مانا

 

خؤف- خطاده موضطربم، وار اومید کیم

لوطفون وئره بشارت- عفو و عطا مانا

 

من بیلمزم منه گرَگین، سن حکیم‏سن

منع ائیله، وئرمه، هر نه گرَکمز سانا، مانا

 

اولدور منه موراد کی، اولدور سنه موراد

حاشا کی، سندن اؤزگه اولا مودّعا مانا

 

حبس- هواده قویما فضولی صفت اسیر

یا رب، هدایت ائیله طریق- فنا مانا

 

 *  *  *

 

زهی، ذاتین نهان و اول نهاندان ماسوا پئیدا

بحار- صونعونه امواج پئیدا، قعر ناپئیدا

 

بولند و پست- عالم شاهد- فئیض- وجودوندور

دئگیل بیهوده اولماق یوخ ایکن عرض و سما پئیدا

 

کمال- قودرتین اظهار- حکمت قیلماغا ائتمیش

غوبار- تیره‏دن آیینه‏ی- گیتی‏نوما پئیدا

 

دمادم عکس آلیر مرآت- عالم قهر و لوءطفوندن

اونونچون گه کدورت ظاهر ائیلر، گه صفا پئیدا

 

گهی توپراغه ائیلر حکمتین مین مه‏لقا پنهان

گهی صونعون قیلیر توپراقدن مین مه‏لقا پئیدا

 

جاهان اهلینه اسرار- علمین قالمایا مخفی

قیلیبدیر حکمتین کوفّار ایچینده انبیا پئیدا

 

نشان- شفقتیندیر کیم، اولور اظهار- حمدین‏چون

فضولی تیره طبعیندن کلام- جان‏فزا پئیدا

 

*  *  *

 

اشرقت من فلک البهجتِ شمسٌ و بِها

ملأ العالمَ نوراً و سروراً و بها (۴)

 

چیخدی بیر گوءن کی، ضیاسیندا تمامیّ رُسُل

اولدو محو اؤیله کی، خورشید شوعاعینده سها

 

اولدو بازار- جاهان رؤنقی بیر دورّ- یئتیم

کی، دئگیل ایکی جاهان حاصلی اول دورّه بها

 

روتبه‏ی- حکمت- معراج- کمالینه گؤره

حوکَما فرقه‏ی- دون، فلسفه جمع- سوفَها

 

مونهی- معرفتی حال دیلی‏له دایم

قیلیر اهل- حقه اسرار- حقیقت انها

 

نئجه تقریر ائده‏یین وصفی‏نی بیر شاهین کیم

اونا وصّاف اولا «یاسین» و موعرِّف «طاها»

 

ائی فضولی، ره- شرعی‏نی توت اول راهبرین

بو طریق ایله ضلالتدن اؤزون ائیله رها

 

*  *  *

 

ائی اولوب معراج بورهان- علوّ- شان سانا

یئره ائنمیش گؤیدن استقبال ائدیب فورقان سانا

 

حئین- دعوای- نبوّت مودّعی الزامینه

جاهل ایکن ائل، کمال- علم بس بورهان سانا

 

کِلک- حؤکمون چکدی حرف- شاعر- ادیانه خط

حؤکم اثبات ائتدی نفی- شاعر- ادیان سانا

 

باقی- مؤعجز نه حاجت امر- حق اثباتینه

عالم ایچره مؤعجز- باقی یئتر قورآن سانا

 

وصف جبریل- امین ائتمیش قبول- خدمتین

سرّ- حق کفینه آیت‏له یئتیب فرمان سانا

 

سن‏سن اول خاتم کی، دفع ائتمیش تمام- حاکمی

خاتم- حؤکم- رسالت تاپشیریب دؤران سانا

 

اول قدر ذؤق- شفاعت جؤهر- ذاتیندادیر

کیم، گلیر عرض- خطا معنی‏ده بیر احسان سانا

 

ماه- نؤدور، یوخسا سن ائتدیکده سئیر- آسمان

قالدیریب بارماق گتیرمیش آسمان ایمان سانا

 

یا نبی، لوطفون فضولی‏دن کم ائتمه اول زامان

کیم، اولور تسلیم مفتاح- در- غوفران سانا

 

*  *  *

 

کارگر دوءشمز خدنگ- طعنه‏ی- دوشمن مانا

کثرت- پئیکانین ائتمیشدیر دمیردن تن مانا

 

ایمنم سنگ- ملامتدن کیم، آلیب چهره‏می

اولدو زنجیر- جنون بیر قلعه‏ی- آهن مانا

 

اوندانام روسوا کیف سئیلاب- سرشکیم چاک ائدر

زخم- تیغین قانی گئیدیردیکجه پیراهن مانا

 

دم به دم شمع- جمالیندان مونوّر اولماسا

ائی گؤزوم نوری، گرَکمز دیده‏ی- رؤشن مانا

 

هیچ مسکنده قراریم یوخدورور اول ذؤقدن

کیم، قاچان خاک- سر- کویین اولا مسکن مانا

 

باشدا بیر سرو- صنوبر وصلی‏نین سئوداسی وار

سود قیلماز باغبان، نظّاره‏ی- گولشن مانا

 

ائی فضولی، اودلارا یانسین بساط- سلطنت

یئیدیر اوندان، حق بیلیر، بیر گوشه‏ی- گولخن مانا

 

*  *  *

 

ائی ملک سیما کی، سندن اؤزگه حئیراندیر سانا

حق بیلیر، انسان دئمز هر کیم کی، انساندیر سانا

 

وئرمه‏ین جانین سنه، بیلمز حیات- جاودان

زنده‏ی- جاوید اونا دئرلر کی، قورباندیر سانا

 

عالمی پروانه‏ی- شمع- جمالین قیلدی عشق

جان- عالمسن، فدا هر لحظه مین جاندیر سانا

 

عاشقه شؤقون‏له جان وئرمک ایکن موشکول دئگیل

چون مسیح- وقت‏سن، جان وئرمک آساندیر سانا

 

چیخما یاریم گئجه‏لر، اغیار طعنیندن ساقین

سن مه- اؤج- ملاحت‏سن بو نؤقصاندیر سانا

 

پادشاهیم، ظوءلم ائدیب عاشق سانا ظالم دئمیش

خوبرولاردان یامان گلمز، بو بؤهتاندیر سانا

 

ائی فضولی، خوبرولاردان تغافولدور یامان

گر جفا هم گلسه اونلاردان، بیر احساندیر سانا

 

*  *  * 

 

جام ایچره مئی کی، دایره سالمیش حوباب اونا

آیینه‏دیر کی، عکس سالیر آفتاب اونا

 

زاهد سوال ائدرسه کی، مئیدن نه‏دیر موراد؟

بیزده صفادیر، اوندا کدورت، - جواب اونا

 

قان- یاش تؤکوب یانیندا دؤنر آتشین کباب

معشوقه بنزر آتش و عاشق کباب اونا

 

ائیلر کؤنولده اشک خطین شؤقونو فزون

اوددان چیخار بوخار، ساچیلدیقجا آب اونا

 

چشمین مریضی اولدو کؤنول، لعلینی یئتیر

رنج- خوماره دوءشدو، دوادیر شراب اونا

 

تکلیف- جنّت ائیله‏مه کویینده کؤنلومه

چون جنّت اهلی‏دیر، نه وئریرسن عذاب اونا؟

 

مسدوددور فضولیه مئیخانه‏لر یولو

یا رب، هدایت ائیله طریق- صواب اونا

 

*  *  *

 

دوستوم، عالم سنین‏چین گر اولور دوشمن مانا

غم دئگیل، زیرا یئترسن دوست آنجاق سن مانا

 

عشقه سالدیم من منی، پند آلماییب بیر دوستدن

هیچ دوشمن ائیله‏مز اونو کی ائتدیم من مانا

 

جان و تن اولدوقجا، مندن درد و داغ اکسیک دئگیل

چیخسا جان، خاک اولسا تن، نه جان گرک، نه تن مانا

 

وصل قدرین بیلمه‏دیم هجران بلاسین چکمه‏دن

ظولمت- هجر ائتدی چوخ موبهم ایشی رؤشن مانا

 

دود و اخگردیر مانا سرو ایله گوءل، ائی باغبان

نئیلرم من گوءلشنی، گوءلشن سانا، گوءلخن مانا

 

غمزه تیغین چکدی اول مه، اولما غافل، ائی کؤنول

کیم، موقرّردیر بو گوءن اؤلمک سانا، شیون مانا

 

ائی فضولی، چیخدی جان، چیخمان طریق- عشقدن

رهگوذار- اهل- عشق اوءزره قیلین مدفن مانا

 


(۱) عشق عاشق لر اوچون هدایت یولونو ایشیقلاندیردی

(۲) ائی علمی بوءتون شئی‏لری احاطه ائدن

(۳) یئنه وارمی

(۴) گؤزل‏لیک فلگیندن گوءنش دوغدو و اونونلا عالم گؤزل‏لیک، شادلیق و ایشیقلا دولدو

فضولی‏نین غزل‏لری‏نین لیستی


برچسب‌ها: آذربایجان ادبیاتی, توءرکجه شعر, مولاّ محمّد فضولی‏نین غزل‏لری
+ نوشته شده در  90/10/09ساعت 21:53  توسط -  | 

 

بو حشره یه بیزلرده چؤمچه قویروغو دئییرلر. باشقا یئرلرده بیلمیرم نه دئییرلر.

آمّا بو عکسین گؤزل‏لیگی بوندادیر کی بو حشره یئنی‏لیک آختاریر. نظرینیزی گؤزله ییرم.

5fxssdmwasn6qmo145b0.jpg

 

+ نوشته شده در  90/10/03ساعت 0:3  توسط -  | 

 

آللاّهین ایشی:

 

 

انسان ایشی:

 

آللاّهین ایشی:

 

 

انسانین ایشی:

 

 

آللاّهین ایشی:

 

 

انسانین ایشی:

 

 

«گله‏جگه مكتوب»

 

گله‏جك نسيل‏لر اوخوسون بونو

بو منيم عصريمين احوالاتي‏دير

تمدّون آدينا گوˇوَنن انسان

ياغيشين يئرينه بومبا ياغديرير

 

اوخويون!

بو بيزيم ياشاييشيميز

بو بيزيم سسيميز، قوپان ناله‏ميز

 

 

گله‏جك نسيل‏لر!

بيلميرم او عصير نئجه‏دير آمّا

آللاّهدان سعادت ديلرم سيزه

بيلميرم او عصير نئجه‏دير آمّا

بيزلرده هر ياني ناله بوˇكوبدور

داغ- داشي ظاليم‏لار ظوˇلمو سؤكوبدور

بلكه ده ظاليم‏لار ظوˇلوم توْخومون

سيزلره هديّه – سيزلره گؤره

بو قارا تورپاقدا اكين اكيبدير

 

گله‏جك نسيل‏لر!

بو منيم عصريمين احوالاتي‏دير

بير آنا، «بالا واي» - دئيه آغلايير

سسيندن آللاّهين عرشي لاخلايير

او ياندان بو اوشاق قاتلي اؤزو

بالاسين پامبيغا بوˇكوب ساخلايير

 

گله‏جك نسيل‏لر!

بو منيم عصريمين احوالاتي‏دير.

 

بو قانلي عصيرده، قانلي گوˇن‏لرده

شئيطان انسان‏لارا آللاّهليق ائدير

يالتاق‏لار دونيادا حؤكوم سوˇرورلر

مظلوم‏لار اونلارا يالتاقليق ائدير.

 

بيزلرده دونيايا گلن آغلايير

هم گلن، هم ده كي، گئدن آغلايير

محبّت اؤلوبدور بو زمانه‏ده

دونيادان محبّت گوˇدن آغلايير

 

گله‏جك نسيل‏لر!

بيلميرم او عصير نئجه‏دير آمّا

بيزيمكي دومانلي، بيزيمكي قانلي

بيزيمكي يالتاق‏لار زمانه‏سي‏دير

جنايت قوپاران شاهلار دؤره‏سي

گوناهسيز دوستاق‏لار زمانه‏سي‏دير

 

بو عصير، آللاّهسيز، كتاب‏سيز، دين‏سيز

گومان‏سيز، ايمان‏سيز ظاليم‏لار عصري

بو عصير يالتاقليق ائيله‏ين مظلوم

بو عصير عمل‏سيز عالم‏لر عصري

 

گله‏جك نسيل‏لر!

قارغي‏يين بيزي

قارغي‏يين بيز كيمي ياشايان‏لاري

قارغي‏يين ظاليمين ظاليم‏ليغي‏ني

مظلومو، ظوˇلوم‏لر داشيان‏لاري

 

ياشاديق،

عؤمورلر چوˇروتدوك، آمّا

بيلمه‏ديك جانيميز جاندي، داش دئييل

 

ياشاديق،

عؤمورلر چوˇروتدوك، آمّا

من بيلن، بو عؤمور ياشاييش دئييل

 

4/6/1390

 

+ نوشته شده در  90/09/27ساعت 23:16  توسط -  | 

 

ایسته‏ییردیم کی، داها وبلاگی تعطیل ائدم. آمّا بو اوءچ عکسی گؤررکن حئیفیم گلدی کی، اونلاری سیزه گؤسترمه‏یم.

 

ضمناً وبلاگی تعطیل ائتمگین یئرینه اونون فعالیتی‏نی دگیشیرم. بوندان بئله بو وبلاگدا شعر و داستان و اؤزومه ماراقلی اولان سایر مطلب‏لر اوخویا بیلرسینیز. اومیدیم وار کی، سیزه ده ماراقلی اولا و استفاده ائده بیله‏سیز.

 

 

دقت: عکس‏لری بؤیوک سایزدا گؤرمک اوءچون اوءستونده تیکله‏یین.

yyd468whovixjhsbekgl.jpg

 

 

eu0n1lrfn7ikabar2k4p.jpg

 

 

np8hkzh2rgzu6cze13os.jpg

 

 

. . .

آی شئیطان باش اگمه بو انسان‏لارا

وجدان‏سیز انسانا باش اگمک اولماز

قان ایچن، حارام‏خور زلی قوردوندان

لطافت تؤرَدن کپنک اولماز

گؤره‏سن قارنی‏نی حارام دولدوران

هر وحشی حئیوانی اهلی‏لشدیرن

بو انسان اؤزو ده اهلی‏لشرمی؟

 

. . .

 

(انسان شعری) - یاسر فاتحی

+ نوشته شده در  90/09/22ساعت 15:3  توسط -  | 

الوداع

بو دده قورقود کتابخاناسینین سون پوستودور.

نئچه ایل دده قورقود کتابخاناسیندا ایشله‏دیگیم موءدّتده چوخلو شئی‏لر اؤیرندیم. ایندی ایسه داها بو وبلاگی داواملایا بیلمیرم.

چوخ ایسته‏ییردیم کی، چوخلو شاعرلر و یازیچی‏لاردان نمونه‏لر سیز عزیز اوخوجولارا تقدیم ائله‏یم آمّا داها قاباقکی حسّیم یوخدور.

بو پوستدا تکجه اؤز حاقّیمدا یازیرام و عزیز اوخوجولاردان تشکّور ائدیرم منی بو موءدّتده اؤز نظرلری ایله شرمنده ائله‏دیلر.

آدیم: یاسر فاتحی

دوغوم ایلیم: ۱۳۶۸

دوغوم یئری و قالدیغیم شهر: گرمی شهری - اردبیل اوستانی

تحصیلاتیم: شیمی لیسانس

ایشیم: شیمی معلّمی

علاقه‏لریم: آذربایجان و فارسجا ادبیّات - بیولوژی (زیست شناسی)

منیم شعرلریمی بوندان بئله بو وبلاگدا گؤره بیلرسینیز:

www.mahfelak.blogfa.com

منیم ایمئیلم:

yasirfatehi@gmail.com

بو شعری ده «رسول رضا»دان سیزه تقدیم ائدیرم:

سوروش:

اود نه چکدی

کوءلدن سوروش

باش نه چکدی

دیلدن سوروش

ایشه سوسوز بارماق‏لارین

کدرینی انسان بیلیر

نغمه‏لرین حسرتینی

بیر قیریلمیش تئلدن سوروش

عؤمرون چتین یول‏لاریندا

داشا لپیر سالسا آیاق

گوءن نه چکدی ایلدن سوروش

ظوءلمتلیگین محنتی‏نی

کور سؤیله‏سین

بم خال‏لارین فریادی‏نی

زیلدن سوروش

من کؤلگه‏سیز باغ گؤرمه‏دیم

ائل دردی تک داغ گؤرمه‏دیم

گؤزلریمی یوموب آچدیم

نئچه دوستو ساغ گؤرمه‏دیم

نه‏لر چکدی چایلاق داشی

سئلدن سوروش

یول‏لار اوزون منزل اوزاق

سرت داش‏لارا دؤزمور آیاق

دؤزسون گرک

دؤزسون گرک

کیم ذروه‏یه قالخار دئیین

یول‏لار بویو هر پلّه‏نی

بیر گوءن‏لری

یوءز ایل‏لری

قلبیمیزله

بئینیمیزله

عؤمروموزله

دولدورماساق

من یولچویام

اود نه چکدی

کوءلدن سوروش

هانسی شعریم

هانسی سؤزوم

یاشایاجاق مندن سونرا

من بیلمیرم

ائلدن سوروش

الوداع

+ نوشته شده در  90/09/16ساعت 21:43  توسط -  | 

 

سئچیلمیش اثرلر - یاسر فاتحی

سلام عزیز اوخوجولار

بو دفعه اؤز شعرلریمدن نمونه اوءچون اون شعر سئچیب و بیر کتاب قالبینده سیزه تقدیم ائتمک اوءچون وبلاگدا یئرلشدیردیم.

البته دقّت بویورون کی بو کتاب لاتین الفباسیندا تایپ اولونوب.

IMG_5422.jpg

 

Kitabın müşəxxəsatı:

Kitabın adı: Seçilmiş əsərlər - 10 şer

Şair: Yasir Fatehi

Formət: PDF

Sayz: 331 kb

Səfhələr tedadı: 21

 

Şerlərdən bir nümunə

 

Gözümdə Şək Çəkərəm

 

Həmişə dəftərimə bir sınıq ürək çəkərəm

Öz əksimi sən ilən yox gözəl ki tək çəkərəm

Mənim sınıq ürəyim açmamış solub çürüdü

Onunçün heç yerə gül yox solan çiçək çəkərəm

Əl açmaram sənə bundn belə məhəbbət üçün

Nə əl bu dəftərə çəkdim nə bir ətək çəkərəm

Ged, Allahın amanında gülüm, qayıtma daha

Nə zülm edərsən elə, bil ki ey mələk, çəkərəm

Desən ki şəklimi çək, bir qara midad götürüb

Bütün üzün yerinə bir qara bəzək çəkərəm

Qan ağladım gecə-gündüz gülən zaman mənə sən

Gözümdə bir qara qan, qanlı bir bəbək çəkərəm

Bu hal ilə yenə ey gül, desən ki öl, ölərəm

Desən yaşa bu ömür yüklərin də çək, çəkərəm

Mənə deyirlər oğul, rəsmə çək məhəbbət evin

Öz əksimi salaram mən, gözümdə şək çəkərəm

 

1390/8/20

 

yükləmək üçün tikləyin - یوءکله‏مک اوءچون تیکله‏یین

 

+ نوشته شده در  90/08/25ساعت 21:9  توسط -  | 

 

درمانی وئر - علیرضا سلطانی

 

trau2um1xxj2xk8om9vt.jpg

 

علیرضا سلطانی گرمی، ۱۳۴۸-جی گوءنش ایلینده گرمی شهرینده موتوسّط بیر عایله‏ده آنادان اولدو. بؤیودوکجه پیئس (نمایشنامه) یازماسینا علاقه‏لی اولموشدور. سربازلیق خدمتی دؤرونده ایلک نمایشنامه‏سینی یازمیشدیر. نمایش‏لرین بیری‏نین اجراسیندا اولان موسیقی اونو بو هؤنره ساری چکدی و بو هؤنر اؤزو اؤز نؤبه‏سینده علیرضا سلطانی‏نی شعره طرف چکدی. ایندی ایسه (بزکلی خلقت) آدیندا کتابی عزیز آذربایجان دیللی هموطن‏لره تقدیم اولونوبدور.

 

آلتداکی شعر بو کتابدان عزیز اوخوجولارا تقدیم اولونوبدور.

 

r46ym82wsc88q6mkyrxk.jpg

 

 دردمند- عشقینم درمانی وئر درمانی وئر

حاضرم جاندان کئچم فرمانی وئر فرمانی وئر

گؤزله‏ییر گؤزلر سنی حددن آشیب ظوءلم و ستم

بو یانان دونیایا سن سامانی وئر سامانی وئر

هر اسن باد صبا غملی سیزیلدیر نئی کیمی

بو آخان گؤز یاشینه پایانی وئر پایانی وئر

رام اولوب دریا سویو اصلاً دانیشمیر باد ایلن

بو یاتان دریایه سن طوفانی وئر طوفانی وئر

تؤکمه‏ییر سوبحان یاغیش گوءل‏لر آچا گوءلخانه‏ده

بو سولان گوءلخانه‏یه بارانی وئر بارانی وئر

قویما بو گوءلخانه‏نین عطری گئده ویلان اولا

بو اولان ویرانه‏یه امکانی وئر امکانی وئر

آغلاییر شام‏لار یاناندا بال و پر پروانه‏سی

بو یانان بال و پره جریانی وئر جریانی وئر

هر شیاطین زور ایلن ییخمیش کناره مظلومو

ظوءلم ائدن شئیطان‏لارا زندانی وئر زندانی وئر

قان سوران انسان‏لارا ثروت اولوبدور آبرو

سن گؤتور بو ثروتی ایمانی وئر ایمانی وئر

تیر حق‏لن وئرگینن وجدان‏سیز او اهریمنه

تا چکه ملّت نفس انسانی وئر انسانی وئر

  

علیرضا سلطانی‏دن بو گؤزل شعرینی بیزه وئرمکدن و بیزه بو شعری وبلاگا قویماق اجازه‏سی وئرمک اوچون تشکّور ائدیریک.

 

+ نوشته شده در  90/08/18ساعت 19:31  توسط -  | 

 

عکس - نماز

 

tsne5etww7lvnakffm84.jpg

 

بو عکسه تؤضیح لازیم دئییل. تکجه بونا گؤره بورا قویموشام کی، بیر عدّه‏میز اؤزوموزو بو آغا ایله موقایسه ائدک و اؤز موسلمانلیغیمیزدان اوتاناق...

 

قوربان بایرامی موبارک.

 

+ نوشته شده در  90/08/13ساعت 11:1  توسط -  | 

 

غزل - حیران خانیم

 

۱۹-جو عصرین گؤرکملی تانینمیش آذربایجان شاعره‏سی حیران خانیم کلاسیک شعرین انکشافیندا مؤهوم رول اوینامیش سؤز اوستالاریندان بیری‏دیر. آذربایجان و فارس دیلینده لیریک شعرین بوءتون نؤع‏لرینده یازیب- یاراتمیش شاعره اؤز یارادیجیلیغیندا دؤرونون اجتماعی حادثه‏لرینه ده بیگانه قالمامیشدیر. حیران خانیمین غزل‏لرینده ایستر سئوگی موناسبت‏لری، ایستر ده حیات معیشت لؤحه‏لری‏نین تصویری اؤز رئال‏لیغی ایله سئچیلیر.

 

 

عشق- روخ- جانان گئنه طوغیان ائله‏ییبدیر

قلبیم اودونو آتش- سوزان ائله‏ییبدیر

خورشید- کسوف ایدی و یا طورّه‏ی- شب‏رنگ

روخسارینا دلدار پریشان ائله‏ییبدیر

یاقوت- لب- یار دوءر افشان اولوبدور

یا باد- صبا غونچه‏نی خندان ائله‏ییبدیر

اول چهره‏ی- گوءل‏رنگ ایدی یا لوءطف ایله خالق

مشرقدن ایکی صوءبح نومایان ائله‏ییبدیر

بعضی‏لره بو چرخ قیلیب مسندی قسمت

منزل بیز اوءچون کوه و بیابان ائله‏ییبدیر

فرقت ستمیندن قدیمیز داله دؤنوبدور

هجران المی باغریمیزی قان ائله‏ییبدیر

اول ماه مگر تعزیه حیرانا توتوبدور

طورّه‏سین آچیب زوءلفی پریشان ائله‏ییبدیر

 

قایناق: حیران خانیم؛ سئچیلمیش اثرلری؛ شرق- غرب ؛ باکی - ۲۰۰۶

 

+ نوشته شده در  90/08/09ساعت 15:32  توسط -  | 

 

حدیث- اربعین ؛ مولاّ محمّد فضولی

 

Fuzuli_Divan.jpg

 

حدیث- اربعین مولاّ محمّد فضولی‏نین اثرلریندندیر. فضولی بو اثرده مولانا عبدالرحمن جامی فارسجایا ترجومه ائدن قیرخ حدیثی توءرکجه‏یه ترجومه ائتمیشدیر. اثرین اوّلینده بیر موقدّمه یازمیشدیر کی بیز موقدّمه‏دن کئچیب و قیرخ حدیثین توءرکجه منظوم ترجومه‏سینی سیزه تقدیم ائدیریک.

بوندان اوّل فضولی‏دن ایکی جلد شعر توپلوسو دده قورقود کتابخاناسیندا یاییلمیشدیر. بو کتاب‏لارین هر بیری‏سینده 70 غزل بو اولو شاعرین دیوانیندان سئچیلیب و عزیز اوخوجولارا تقدیم اولونوبدور. کتاب‏لاری بو لینک‏لردن یوءکله‏یه بیلرسینیز:

جنون پیرایه‏سی (بیرینجی توپلو) :

http://dqk.blogfa.com/post-2.aspx

اینانارمی، اینانمازمی؛ (ایکینجی توپلو) :

http://dqk.blogfa.com/post-20.aspx

دقّت بویورون کی، بو کتاب و بوءتون کتاب‏لاریمیزدا املا اشکال‏لاری احتمالی واردیر و بونا گؤره عزیز اوخوجولاردان عوءذر ایسته‏ییرم.

کتابین موشخّصاتی:

کتابین آدی: حدیث- اربعین

شاعر: مولاّ محمّد فضولی

صفحه‏لر تعدادی: ۱۰

سایز: ۶۴۴ کیلوبایت

فورمت: PDF

کتابدان بیر پارچا:

15)

ائی کی، هر مجلس ایچره محرم‏سن
سنده مجلس سؤزو امانتدیر
ائتمه افشای- راز- هر مجلس
کی، بو سیرت بؤیوک خیانتدیر

19)

اول دئییلدیر غنی کی، یئتمیش اولا
مال ایله بیر مقام- اعلایه
غنی اولدور کی، موطلقا نفسی
التفات ائتمه‏یه بو دونیایا

29)

نئجه واعظدن التماس ائده‏سن
کی، وئره پند- سودمند سانا
مؤت- احباب و انقلاب- زامان
دم‏به‏دم بس دئگیل‏می پند سانا؟

 

-----کتابی یوءکله‏مک اوءچون تیکله‏یین-----

 

+ نوشته شده در  90/08/02ساعت 11:24  توسط -  | 

 

سئچیلمیش اثرلر 1 - بابا پنهان

 

بابا پنهان باکی‏لی قودرتلی شاعردیر. کی سیزه تؤصیه ائدیرم آماده ائتدیگیم اثرلری‏نی حتماً اوخویون. الدن وئرمه‏یه‏سینیز. شاعرین بیوقرافیاسینی کتابدا اوخویا بیلرسینیز.

 

BabaPunhan.jpg

 

شعرلر عموماً مذهبی، اجتماعی و سیاسی مؤضوع‏لاردادیر و انتقادی و طنز دیلی واردیر. منجه بو شعرلرین هر بیری‏سی اوبیری‏سیندن گؤزلدیر.

 

کتابین موشخّصاتی:

کتابین آدی: سئچیلمیش اثرلر ۱ - بابا پنهان

شاعر: بابا پنهان

صفحه‏لر تعدادی: ۶۲

سایز: ۹۳۹ کیلوبایت

فورمت: PDF

 

شعردن بیر نمونه: شعرلر او قدر گؤزلدیر کی، بیلمیرم هانسی‏نی بورادا قویوم. آمّا اونلاردان بیری‏سینی بورادا تقدیم ائدیرم و باشقالارین سیزه تؤصیه ائدیرم کی، حتماً کتابی دانلود ائتدیکده اوخویون

 

تیتره‏ییب یئر ترپننده بیلمیرم انسان‏لارین
شوبهه‏لی ایمان‏لاری ترپندی یا ترپنمه‏دی
هوˇندور ائیواندان باخیب، دؤران منیمدیر سؤیله‏ین
مأمورون ائیوان‏لاری ترپندی یا ترپنمه‏دی
آللاّهین تورپاق‏لارین آج کندلیه پول‏نان ساتان
قوُلدارین اوْرمان‏لاری ترپندی یا ترپنمه‏دی
هم ائوی هم قلبی سینمیش بینوالار چوˇن گؤرن
دؤلتین امکان‏لاری ترپندی یا ترپنمه‏دی
شاه حسین ایلن یزیدی بیر دوتان جاهل‏لرین
شاه داماردا قان‏لاری ترپندی یا ترپنمه‏دی
اؤزگه‏نین عونوانینا اؤز نسلی‏نی یئرلشدیرن
آج گؤزون عونوان‏لاری ترپندی یا ترپنمه‏دی
دؤر- صابردن بو یانه بیر عصیر یاتمیش‏لارین
لرزه‏دن یورغان‏لاری ترپندی یا ترپنمه‏دی
جان گوˇدن اوغلان‏لارین دهشتده ایکن اؤزلری
اؤزگه‏لر چوˇن جان‏لاری ترپندی یا ترپنمه‏دی
پنهانین سؤزنن ووروب ترپتدیگی انسان‏لارین
سیز بیلن وجدان‏لاری ترپندی یا ترپنمه‏دی

20 دکابر - 2000

 

-----یوءکله‏مک اوءچون تیکله‏یین-----

 

+ نوشته شده در  90/07/22ساعت 15:32  توسط -  | 

 

 آللاّه - یولچو (اؤزوم)

 

دئييرسن هاردادير بيزي يارادان

هر سينيق، يارالي اوˇركده آللاّه

اولدوزلار دئييل‏لر گؤيو بزه‏ين

گؤي‏لرين اوˇزونده بزكده آللاّه

 

گؤرورم آللاّهي اولدوزلار ايچره

گؤرورم ياماج‏لار، هم دوˇزلر ايچره

گؤرورم گئجه‏لر، گوˇندوزلر ايچره

ياغيشدا، بولوتدا، شيمشكده آللاّه

 

ياخشي باخ، آللاّهي داغدا گؤررسن

چاي‏لاردا، بولاقدا، باغدا گؤررسن

ياخشي باخ، قارادا، آغدا گؤررسن

هر گؤزل ايستكده، ديلكده آللاّه

 

كوˇچه‏ده، بازاردا، باغدا گزير او

قوْشمالار اوْخويور، غزل يازير او

اوˇركدن اوˇرگه سئوگي سوˇزور او

گؤرونور گوˇل ايچره، چيچكده آللاّه

 

قولاق آس، هر ياندا ائشيد سسي‏ني

چاغيرير اؤزونه قولاق آساني

اوخويور ائله اؤز ترانه‏سيني

انساندا، شئيطاندا، ملكده آللاّه

 

آللاّهدير اولدوزلار ايشيق‏لاريندا

گوˇل‏لرده، چيچكده، باهار باريندا

گوˇنشين، اولدوزون، آيين نوروندا

گؤي‏لري ساخلايان ديركده آللاّه

 

هر يئره باخاندا اونو گؤررسن

ايلديريم شاخاندا اونو گؤررسن

«يوْلچو» چوخ ياخيندا اونو گؤررسن

قارا داش، يوموشاق ايپكده آللاّه

 

8/6/1390

 

 

+ نوشته شده در  90/07/02ساعت 15:46  توسط -  | 

 

سئچیلمیش اثرلر - عبدالعلی صمدی (عبدالصمد حمزه‏خانی)

 

سلام عزيز اوخوجولار

 

بو گوءن بير يئني كتاب ايله خدمتينيزه گلميشم.

البته كتابي موعرّفي ائله‏ديكدن قاباقجا بونو دئمه‏لي‏يم كي دده قورقود كتابخاناسي اوءچ ايل‏ليك اولدو. چهارشنبه 16/6/1390-دا بو وبلاگ اوءچ ايل فعاليتي‏ني باشا يئتيريب و ايندي ايسه دؤردونجو ايلي‏ني باشلاييب.

 

بو گوءنكو كتابيميز اؤز شهريميزين بير احساسلي شاعريندن سئچيلميش غزل‏لردير. بو كتابدا گرمي‏لي عبدالعلي صمدي‏دن 83 قطعه غزل اوخويا بيلرسينيز. بو شعرلري شهريميزين شاعري اؤزو تايپ ائديب و بيزه تاپشيرميشدير. عبدالصمدين شعرلري‏نين تقريباً هامي‏سي عاشقانه غزل‏لره شاملدير و اؤزو دئديگي كيمي واحد سبكي‏ني داواملادير.

 

كتابين آدي: عبدالعلي صمدي (عبدالصمد حمزه‏خاني) سئچيلميش اثرلري

شاعر: عبدالعلي صمدي

صفحه‏لر سايي‏سي: 74 صفحه

سايز: 349 كيلوبايت

فورمت: PDF

 

غزل‏لردن بير نمونه:

 درد وغمین اوءرکده ائتمک نهان چتیندیر

سؤز قانمایان جمع ایچره داد و فغان چتیندیر

چوخ یاره‏لر دگیبدیر بو جسمه زاره لیکن

اوخ یاره‏سیندن ائی دل زخم- زبان چتیندیر

ائی زندگی سوءرن‏لر ناز و رفاه ایچینده

بؤحران ایچینده عؤمرو سوءرمک یامان چتیندیر

داغدان بؤیوکدو دردیم، امّا نه‏دیر علاجیم

غم‏لر دؤنوب ایچیمده آتشفشان چتیندیر

عشق عالمینده گویا، خوشلوق حرامدی من‏چین

بو مکتب و کلاسدا هر امتحان چتیندیر

زر بازاریندا ایکن دایم سود ائیله‏ییرسن

جان بازاریندا بیل کی، ائتمک زیان چتیندیر

عبدالصّمد غزل‏نن سرّ- دل آچماق اولماز

وئرمک بو ماجرانی شرح وبیان چتیندیر

 

موتأسّفانه پی دی اف کتابدا بو شاعرین آدی‏نی اشتباهاً همزه‏خانی یازمیشیق. بو آدی حمزه‏خانی کیمی یازماق دوءزدور.

 

-----یوءکله‏مک اوءچون تیکله‏یین----- 

 

+ نوشته شده در  90/06/19ساعت 18:31  توسط -  | 

 

 

بالاجا شاهزاده 2 - آنتوان دو سنت اقزوپري

 

سلام عزيز اوخوجولار.

بالاجا شاهزاده‏نين بيرينجي بؤلومونو بوندان قاباق سيز عزيز اوخوجولارا تقديم ائتميشيك. بو كتابين تؤضيحاتي‏ني اوخوماق و دانلود لينكي‏ني آلتداكي لينكده گؤره بيلرسينيز.

http://dqk.blogfa.com/post-59.aspx

 

بو كتاب ايگيرمينجي عصر، دونيا ادبيّاتيندا بؤيوك كتاب حساب اولونور و چوخلو ديل‏لره ترجومه اولونوبدور. من كتاب سئون‏لره تؤصيه ائديرم حتما بو داستاني اوخوسونلار.

 

balacashahzade.jpg

 

آلتداكي لينكده بالاجا شاهزاده‏نين ترجومه اولان ديل‏لرين بير قسمي‏ني گؤره بيلرسينيز. بو ليست بير خوش ذؤق بالاجا شاهزاده‏ني سئون اوخوجوسو طرفيندن تهيّه اولونوبدور و اؤزو يازديغي كيمي تكجه اؤزونده اولان كولكسياداكي كتاب‏لارين ليستي‏دير.

http://www.petit-prince.at/collection.htm

 

كتابين موشخّصاتي:

كتابين آدي: بالاجا شاهزاده ۲

يازيچي: آنتوان دوسنت اقزوپري

ترجومه: عزيز گؤزل سوي، ياقوت قوربانووا

صفحه‏لر تعدادي: ۳۷

سايز: ۱.۴۱ مگابايت

فورمت: PDF

 

-----كتابي يوءكله‏مك اوءچون تيكله‏يين-----

+ نوشته شده در  90/05/18ساعت 20:26  توسط -  | 

 

ملّي پولوموزون واحدي نه اولمالي‏دير؟ - دده قورقود كتابخاناسي

 

دقّت! دقّت!

بو مقاله‏ني حتماً آخيراجاد اوخويون!!!

 

Goals.jpg

 

بيلديگينيز كيمي بو گوءن‏لر سؤز ملّي پولوموزون واحدي‏نين دگيشديريلمه‏سيندن گئدير. سيزين نظرينيزه يئني واحد نه اولمالي‏دير؟

ايران اسلام جمهوري‏سينين مركزي بانكي، آلتداكي سايتدا بونا گؤره بير عمومي نظرسنجي آلماقدادير. بورادا اولان سئچيم‏لر بونلاردان عبارتدير (هر سئچيمين قاباغينداكي عدد،اينديه كيمي رأي گتيرديگي تعداددير):

ايري واحد: ۱. ريال - ۴۷۹  ۲. تومان - ۱۴۹۴۷  ۳. پارسي - ۱۴۸۰۸   ۴. دريك - ۲۸۹۹   ۵. هئچ بيري‏سي - ۱۱۱۷

كيچيك واحد: ۱. ريال - ۷۸۶۲  ۲. تومان - ۵۸۸۷   ۳. پارسي - ۵۰۷۶  ۴. دريك - ۱۲۶۳۲  ۵. هئچ بيري‏سي - ۲۷۸۷

 

بورادا من بيلديگيم معلوماتي بو آدلار حاقّيندا سيزلره تقديم ائديرم:

 

من بيلنه قدر، ريال اسپانيايي سؤزودور و صفوي دؤره‏سيندن ايرانا گلميشدير.

باخ: http://khamseh.blogfa.com/post-85.aspx

تومان: توءركجه يا مونقولجادير و اشتباه ائتمه‏سم پهلوي دؤره‏سينده ايراندا ايشلنميشدير، البتّه غئير-رسمي حالتده و ايندي كي كيمي.

باخ: http://khamseh.blogfa.com/post-85.aspx

پارسي: بيلديگينيز كيمي فارسي معناسيندادير و هئچ زامان پول واحدي دئييلدي.

دريك: داريوش زامانيندا پول واحدي اولموشدور.

باخ: تيكله

 

بونلارين منشأيندن كئچرك، بو مسايله دقّت بويورون. ريال و تومان رايج واحدلردير. آمّا تزه پيشنهاد اولونان سؤزلردن، گؤردوگونوز كيمي، تماماً ناسيوناليسم ايگسي گلير. فارس‏لارين بيزه احترام‏لاري واجبدير، نئجه كي تمام انسان‏لارين احترامي واجبدير، آمّا، پارسي سؤزو باشقا فرهنگ‏لري گؤرمه‏مزليكدير. دريك ايسه ائله همين مسيرده ايشله‏يير و آدلاري فارسلاشديرما جهتينده گئدير. منجه ائله همان تومان و ريال ترتيب ايله ايري و كيچيك واحدلريميز اولماغي گركدير.

 

سيز اؤزونوز ائله‏يه بيلرسينيز بورادا اؤز نظرلرينيزي وئره‏سينيز.

 

+ نوشته شده در  90/05/09ساعت 20:7  توسط -  | 

 

بالاجا شاهزاده - آنتوان دو سنت اقزوپري

 

Littleprince.jpg

 

بوندان نئچه مودّت اوّل، بالاجا شاهزاده‏نين بير قسمتي‏ني دده قورقود كتابخاناسيندا عزيز اوخوجولارا تقديم ائتميشديك. قاباغينيزداكي كتاب ائله همان كتابين تكميل‏لشميشي‏دير. بالاجا شاهزاده ۱-جي بؤلومو. تئزليكجه ايكينجي بؤلوم ده عزيز اوخوجولارا تقديم اولوناجاق.

 

بالاجا شاهزاده فرانسالي يازيچي، آنتوان دو سنت اقزوپري‏نين ان مؤهوم كتابي‏دير. بو كتاب اونلارجا ديله ترجومه اولونوب. و ايگيرمينجي عصرين ان اؤنملي كتاب‏لاريندان تانينير. فارسجايا، احمد شاملو، محمّد قاضي و ابوالحسن نجفي طرف‏لريندن اوءچ ترجومه مؤجوددور. آذربايجان ديلينده ايسه عزيز گؤزل‏سوي و ياقوت قوربانووانين ترجومه‏سي بيزيم اليميزه چاتيب كي، پي.دي.اف‏لشديرركن سيزه هديه وئريريك.

 

كتابين موشخّصاتي:

كتابين آدي: بالاجا شاهزاده - ۱

يازيچي: آنتوان دوسنت اقزوپري

ترجومه: عزيز گؤزل سوي، ياقوت قوربانووا

صفحه‏لر تعدادي: ۳۷

سايز: ۱.۷۵ مگابايت

فورمت: PDF

 

كتابدان بير پارچا:

 

ايكينجي پلانتين ساكني شؤهرت‏پرستين بيري ايدي. او، بالاجا شاهزاده‏ني اوزاقدان گؤرن كيمي اوجادان دئدي:

-       اوه! اوه! پرستش‏كار دا گليب چيخدي!

چونكي شؤهرت‏پرست‏لر اوءچون يئرده قالان آدام‏لارين هامي‏سي پرستش‏كاردير، اونلارا والِه اولان‏لاردير، اونلارين وورغونودور.

بالاجا شاهزاده دئدي:

-       سالام. سيزين نه غريبه شلياپانيز وار.

-       بو، تعظيم ائتمك اوءچوندور، - دئيه، شؤهرت‏پرست جاواب وئردي. – بو مني آلقيش‏لايان‏لارا اؤز منّت‏دارليغيمي بيلديرمك اوءچوندور. بدبخت‏ليكدن، بوردان هئچ واخت هئچ كيم اؤتوب كئچمير.

 balacashahzade.JPG

 

-----كتابي يوءكله‏مك اوچون تيكله‏يين-----

+ نوشته شده در  90/05/07ساعت 15:31  توسط -  | 

 

سئچيلميش اثرلر - يئتيم عيواض

 

YetimEyvaz.jpg

 

عزيز اوخوجولار،

بوندان اؤنجه، دده قورقود كتابخاناسيندا «يئتيم عيواضين» سسي ايله اؤز شعرلري‏ني دده قورقود بلاقي‏نين اوخوجولارينا تقديم ائله‏ميشديك. اورادا دئديگيميز كيمي، بو فايل‏لار باكو سايتيندان ( www.baku.ws ) سئچيليب و دده قورقود كتابخاناسيندا يوءكلنميشدي.

بو شعرلرين گؤزل‏ليك‏لري باعث اولدو كي من بونلاردان كئچه بيلمه‏ييم و بو شعرلري يازي‏يا كئچيرديم.  نئجه كي عيواض اؤزو دئييب: «بير اوغلان گزيرم درديمي يازا» بلكه ده درديني يازان من اولدوم.

البتّه قاباغينيزداكي كتابدا باكو سايتيندان علاوه، باشقا يئرلرده گؤردوگوم و ائشيتديگيم شعرلري ده داخل ائتميشيك. اوميديميز بودور كي، اوخويوب، خوشلاياسينيز.

من چوخ بو شاعرين بيوقرافي‏سي داليجاد گزديم. آمّا هله ده چوخ تانيا بيلمه‏ميشم. ائله بونا گؤره ده تكجه شعرلري‏ني سيزه تقديم ائديرم.

 

كتابين موشخّصاتي:

 

كتابين آدي: يئتيم عيواض، سئچيلميش اثرلري

شاعر: عيواض سيَزنلي

فورمت: PDF

صفحه‏لر تعدادي: ۵۰

سايز: ۲۶۴ كيلوبايت

 

کتابدان بیر شعر:

 

او گوءن ديله گلدي قايا دا، داغ دا

توش اولدو گوءللـه‏يه، كؤرپه اوشاق دا

اوغول‏لار ايتيرديم من، قاراباغدا

«خوجالي»دا الف يانديرير مني

 

كيم ايدي اووچولار، نه ايدي بو اوو

آنالار، باجي‏لار گئتديلر گرو

قهرمان اوغلوموز، «توفيق حسينوو»

«خوجالي»دا الف يانديرير مني

 

اؤلدو ننه‏لرين اؤلمز ناغيلي

ائليميز- اوباميز قاليب داغيلي

«قوبادلي»دا «علي يار» كيمي اوغلو

«خوجالي»دا الف يانديرير مني

 

هله چوخ آي‏لارنان، چوخ ايل‏لر اؤتر

فلگين ظوءلومو بس ائدر، يئتر

قارداشيم «سهرابين» اؤلوموندن بِتر

«خوجالي»دا الف يانديرير مني

 

بوندان قاباق بو شاعردن دده قورقود كتابخاناسيندا ياييلان سسلي اثرلري‏ني بوراداگؤره بيلرسينيز.

 

----- يوءكله‏مك اوچون تيكله‏يين ------

+ نوشته شده در  90/05/01ساعت 20:32  توسط -  | 

 

غزل - علي آغا واحد

 

سلام عزيز اوخوجولار!

بيليرم، چوخداندي من وبلاگي ياخشي يئني‏له‏ميرم. او دا بير آز باشيمين قاريشيق اولدوغو اوچوندور. بو گوءن‏لر باشيم چوخ درسه قاريشيب. البتّه تزه درسيمي توءكتديم و ليسانسيمي آلديم. آمّا هله بوندان بئله ايسته‏ييرم يوءكسك ليسانس اوءچون درسه باخام. بونا گؤره ده گئج-گئج آپدئيت اولماغيم اوءچون سيزدن عوءذر ايسته‏ييرم.

آمّا بو گوءن سيزه هديّه علي آغا واحد اسكندروودان بير غزل نمونه‏سي بورادا قويورام اوخوياسينيز.

 

اؤلمزديم اگر سن كيمي بير دلبريم اولسا
بير آفت جان، شوخ، ملك‏منظريم اولسا

هر گوءن دولانيب باشينا قوربانين اولايديم
پروانه‏صفت، اوچماغا، بال و پريم اولسا

من ده سئويلرديم بوءتون عاشق‏لر ايچينده
آهولري، مجنون ائله‏ين گؤزلريم اولسا

شؤق ايله نثار ائيلرم هر بير قدمينده
دريا قدري الده دوءر و گؤهريم اولسا

كويوندا منه قوي نه بيلير، ائيله‏سين اغيار
البتّه جزاسين چكر، آللاّه كريم اولسا

بيگانه‏يه من بير بئله منّت‏مي ائدرديم؟
كؤنلوم كيمي بير يار وفا پروريم اولسا

واحد دئمرم درديمي من باشقا نگارا
ياريم بيلير عشقينده نه درد-سريم اولسا

 

 

+ نوشته شده در  90/04/18ساعت 22:7  توسط -  | 

 

سلام عزیز اوخوجولار

بو گوءن اؤز شعرلریمدن بیری‏نی سیزه تقدیم ائدیرم. بو شعری شخصی وبلاگیمدا دا گؤره بیلرسینیز. بو شعر و بیر باشقا شعریمین wav فورمتینده فایلی‏نی دا عزیز اوخوجولار دانلود ائتمک و قولاق آسماق اوءچون قویموشام. گؤزله‏ییرم نظرلرینیزی.

البتّه دئمه‏لیَم کی، بو منیم اوّل تجروبه‏م‏دیر اؤز شعریمی ضبط ائله‏مکده. انشاا... یئری گلدیکجه، بوندان یاخشی فایل‏لاری سیزه تقدیم ائده‏جگم.

 

آللاّهي سئورسن، كئچ بو سئوگي‏دن

 

بيليرم گؤزليم، سئويرسن مني

آللاّهي سئورسن، كئچ بو سئوگي‏دن

من سنين ايستگين دئييلم گوءلوم

ائله‏يه بيلينجه قاچ بو سئوگي‏دن

آللاّهي سئورسن، كئچ بو سئوگي‏دن

 

محبّت سن دئين هوس‏لر دئييل

بو عؤمرون عزيزدير، بيل، هدر دئييل

دونيادا غم يئري بو قدر دئييل

آغاردي باشيندا ساچ بو سئوگي‏دن

آللاّهي سئورسن، كئچ بو سئوگي‏دن

 

من سنه، سئويرم، دئيه بيلميرم

بو غمي، كدري دويا بيلميرم

عزيزيم، قلبينه دگه بيلميرم

گل من سيز پاييني سئچ بو سئوگي‏دن

آللاّهي سئورسن، كئچ بو سئوگي‏دن

 

آي گؤزل! يولچونو بوراخ اؤزونه

گل اويما ناغيل تك، شيرين سؤزونه

محبّت نئجه‏دير، آخي بيزه نه؟

چيخماغا يولونو آچ بو سئوگي‏دن

آللاّهي سئورسن، كئچ بو سئوگي‏دن

 

90/3/20

 

-----بو شعری اؤز سسیم ایله یوکله‏مک اوچون تیکله‏یین-----

+ نوشته شده در  90/03/22ساعت 2:32  توسط -  | 

 

انتظار - امام خمینی

 

1693oyv.jpg

 

از غــــم دوست، در اين ميكده فــــرياد كشم      داد رس نيست كـه در هجر رخش داد كشم

داد و بيــــداد كه در محفل مــــا رندى نيست       كــــه بــــرش شكوه بــرم، داد ز بيداد كشم

شاديــــم داد، غمم داد و جفـــــــــا داد و وفا       بــا صفـــا مـــنّت آن را كـه به من داد، كشم

عـــــاشقم، عــــاشق روى تو، نه چيز دگرى       بــــار هجــــــران و وصالت به دل شاد، كشم

در غمت اى گل وحشىِ من، اى خسرو من       جــــور مجنــــون ببـــــرم، تيشه فرهاد كشم

مُـــــردم از زنـــدگىِ بى تو كه با من هستى      طــــرفه ســرّى است كه بايد برِ استاد كشم

سالهــــا مـــــى گــــــذرد، حادثه ها مى آيد       انتظـــــار فـــــــرج از نيمـــــه خــــــرداد كشم

 

برای خواندن سایر اشعار امام خمینی اینجـــــــا کلیک کنید.

+ نوشته شده در  90/03/14ساعت 23:3  توسط -  | 

 

شاعرین سسی ایله شعرلر - یئتیم عیوض (عیوض سیَزنلی)

 

 

بو شاعری نئجه تانیدیم؟

نئچه ایل بوندان اؤنجه، تبریزده یولداش‏لارین بیری‏نین موبایلیندا، بیر شعر ائشیتدیم. بیر قوجا کیشی‏نین سسی ایله اوخونان شعر گؤزل بیر موزیک اوءستونده چوخ اوءرگیمه یاتدی:

 

یاغیش یاغیر،

یاز یاغیشی

یاغ آی یاغیش، یاغ‏گینن سن، سنه احسن، سنه آلقیش،

یاغ آی یاغیش

. . .

بو شاعری تانیمیردیم. آمّا بو شعری‏نی چوخ سئویردیم. گوءنده نئچه سری قولاق آسیردیم. بیر مودّتدن سونرا ایسته‏دیم بو شاعری تانی‏ییم. آمّا اینترنتده، تکجه اونون آدی‏نی اؤیرنه بیلدیم. یاغیش شعری‏نی اینترنتده گزرکن، شعرین سون مصراع‏لاریندا یئتیم عیوض آدی‏نی اوخویا بیلدیم.

نئچه ایلدن سونرا، یولداش‏لارین بیری‏نین الینده بیر نئچه شعر ائله بو شاعردن ائشیتدیم. چوخ سئویندیم. بونلاری آلدیم و دقّت‏له قولاق آسدیم. بوءتون شعرلریندن حس یاغیردی. اوءرگه یاتان سس ایله جانا سینان بیر موزیک ایله ائشیدنین روحونو جسمیندن چیخارتماق ایسته‏ییردی بو قوجا شاعر:

 

من دونیادان کؤچ ائیله‏ییب گئدنده

ناله چکر او قایالار، او داش‏لار

بو دونیادان کؤچمگیمی بیلنده

غریبسه‏یر نئچه نئچه سیرداش‏لار . . .

 

باشقا یئرده دئییردی:

 

من بیر قایا اولوم، من بیر داغ اولوم

سن سینه‏م اوءستوندن اؤتن دومان، چن

من مئشه قوینوندا بیر بولاق اولوم

سن‏سه منیم حزین، شیرین زومزومه‏م

بیلیرسن او دمده نه ایسته‏ییرم

بیر من اولوم، بیر سن... بیزه باشقا کیم لازیمدی گؤره‏سن. . .

 

داها بو شاعرین شعرلری‏نی ائشیتمه‏مک ایسته‏میردیم. ایسته‏دیم اینترنتده اولان بوءتون شعرلری‏نی یوءکله‏ییب قولاق آسام. چوخلو گزندن سونرا، بو شاعردن بیر آلبوم تاپدیم. آمّا تکجه اؤزوم ائشیتمگه یاخشی گؤردوم و بو فایل‏لارین کئیفیّتی آشاغی اولدوغونا گؤره، اونلاری وبلاگدا یایماغا موناسب گؤرمه‏دیم.

یئنه بو ایشی داواملاتدیم. بیر مودّت بوندان قاباق، -باکو- سایتیندان بیر یاخشی کئیفیّتده آلبومونو یوءکله‏دیم. تصمیم دوتدوم کی، بو فایل‏لاری بورادا سیز عزیزلره تقدیم ائدم. اون آلتی تراکدان اون بئشی‏نی سیز عزیزلره تقدیم ائدیرم. آمّا بونلاردان علاوه ده بو شاعردن چوخلو شعرلر وار. الینیزه گلسه بو شعرلر بیزی ده یاددان چیخاتمایین.

تأسّف‏لر کی، هله ده بو شاعری چوخ تانیمامیشام. تکجه بونو بیلمیشم کی، آدی عیوض سیَزنلی، سیَزن شهریندندی و توی‏لاردا شعر اوخویور. باشقا سؤزلر بو شاعردن بیلسنیز بیزه ده خبر وئرین. ساغ اولون.

 

شعریندن نمونه:

دونیادا ایکی شئی، باش آیاغی یوخ

بیری‏سی سوءفره‏دی، بیری‏سی وطن

بونلارین حاقّیندا چوخ دئییلیب، چوخ

کیچیگی سوءفره دی، ایری‏سی وطن

 

حئیرانی اولما سن او ناکس‏لرین

حئیرانی اول‏گینن حزین سس‏لرین

اونسوزدا قارداشیم، سئون کس‏لرین

حوری‏سی، پری‏سی، سوناسی وطن

 

قاداسین آلارام سؤزو قانانین

ائل اوءچون چالیشیب، ائل‏چون یانانین

اونسوزدا بیلیرم هر بیر اوغلانین

اؤلوسو وطندیر، دیری‏سی وطن

 

کوءت اولان آلتی داشا چکیرلر

سوءرمه‏نی کیپریگه، قاشا چکیرلر

آنا ایله وطنی قوشا چکیرلر

بو یئتیم عیوضین آناسی وطن

 

دانلود:

 

تراک 1

تراک 2

تراک 3

تراک 4

تراک 5

تراک 6

تراک 7

تراک 8

تراک 9

تراک 10

تراک 11

تراک 12

تراک 13

تراک 14

تراک 15

 

لوءطف ائدین، هر یئرده بو فایل‏لاری یوءکلمکده موشکول وارسا بیزه خبر وئرین.

+ نوشته شده در  90/02/25ساعت 16:25  توسط -  | 

 

سلام

عزیزلر، بو گوءن بیر سوالیمین جاوابی‏نی تاپماق اوءچون پوست یازماق ایسته‏ییرم.

 

یئتیم عیوض آدلی شاعری کیم تانی‏ییر. نه بیلیرسینیز بو شاعر حاقّیندا. چوخ ممنون اولارام بیلدیگینیزی بیز ایله پایلاشاسینیز. انشاا... تئزلیکجه بو شاعردن چوخ گؤزل شعرلر وبلاگدا دانلود اوءچون اختیارینیزدا قویاجاییق.

+ نوشته شده در  90/02/18ساعت 23:54  توسط -  | 

 

تزه‏لیکده کتاب‏لاریمیزدان نئچه‏سینین دانلود اولماماغی‏نی گؤروردوم، حال‏بو کی، بو کتاب‏لارین یازیچی‏لاری تانینمیش و بؤیوک شاعرلردندیرلر و هر کیمسه‏نی وسوسه ائدیرلر کی اونلاری دانلود ائتسینلر. بو گوءن اونلارین فیلتر اولماقلاری‏نی باشا دوءشدوم. بو فیلترلرین چوخلوسونون سببی‏نی باشا دوءشمورم، آمّا بیزیم قفسه‏میزده، نئچه کتاب و بیر سسلی فایل -شهریارین خاطره‏سی- و تصویرلرین چوخلوسو فیلتر اولونموشدور. من لازیم گؤرمه‏دیم کی اونلاری فیلتردن چیخاردام، یئرینه بو کتاب‏لارین یئنی‏دن آپلود ائدیب و لینکی‏نی سیز عزیزلره تقدیم ائدیرم.

 

آیاق قابی - ائلچین افندیئو

گولوستان پوئماسی و سئچیلمیش اثرلر - بختیار وهابزاده

 

لوطف ائدین بیر کتاب دانلود ائدنده لینک‏لرین هر بیر موشکولو اولماسینی بیزه خبر وئرین. بیز اوّل فورصتده اونلاری رفع ائده‏جگیک.

سیزه جان ساغلیغی آرزولاییرام.

+ نوشته شده در  90/01/14ساعت 12:34  توسط -  | 

 

سلام،

بو گوءن‏لر چوخ ماسونلوق و ماسونلوق‏لا علاقه‏لی اولان مسأله‏لری باشا دوءشمگه چالیشیرام. ائله بو مسأله‏ایله ایلگی‏لی ایکی گؤزل سایتا چاتمیشام کی حایفیم گلدی اونلاری بورادا تانیتدیرمایام.

"هارون یحیی"نین سایتی‏نی بو باره‏ده اوخویا بیلرسینیز. هارون یحیی توءرکیه‏نین مذهبی یازیچی‏لارینداندیر. ماسونلوق، حضرت مهدی، آخرالزّامان و باشقا مذهبی مؤضوع‏لاردا چوخلو اثرلری واردیر. بو سایتا آلتداکی لینکدن داخل اولا بیلرسینیز. بو سایت توءرکیه توءرکجه‏سی دیلینده‏دیر.

هارون یحیی‏نین سایتینا داخل اولون

هارون یحیی سایتی‏نین کتابخاناسی، موستقیم لینکی

 

ایکینجی سایت اؤزل‏لیکله ماسونلوق حاقّیندا معلومات وئریر و هارون یحیی‏نین اثرلریندن ماراقلانمیشدیر. بورادا ماسونلوق حاقّیندا مقاله‏لر اوخویوب و فیلم‏لر گؤره بیلرسینیز. دیلی توءرکیه توءرکجه‏سینده‏دیر.

ماسونلوق سایتینا داخل اولون

 

اومودوم وار کی اوخویوب و استفاده ائده‏سینیز.

+ نوشته شده در  90/01/13ساعت 17:46  توسط -  | 

 

جواب‏نامه

سلام

با تبریک عید به تمامی ایرانیان در سراسر دنیا و هم‏چنین تمامی مللی که این عید بزرگ را جشن می‏گیرند.

 

تعجب نکنید که امروز متنی به زبان فارسی نوشتم. این متن در جواب آقای محترمی به نام «محمد» نوشته شده است که در قسمت نظرات برای پست «هوپ‏هوپ، مهدی حسین» نظرات خود را به  شرح زیر نوشته است. متأسفانه وی سایت یا ایمیلی معرفی نکرده تا جواب وی را به صورت خصوصی و به طور مستقیم با خود وی در میان بگذارم:

 


ایران شمالی به سرزمین مادریش خواهد پیوست
استیلای 700 ساله ترکان بر سرزمین آتش آذرآباگان در حال نابودیس
آذری زبان نچندان دور سرزمین آتش

حضرت فردوسی می فرمایند
همی تاز تا آذرآبادگان سرای بزرگان و آزادگان

 


جواب:

اوّلا: با گفتن ایران شمالی به جای جمهوری آذربایجان نمی توان هویت مستقل یک ملت را از بین برد و آن را به ایران یا هر کشور دیگر پیوند داد. جمهوری آذربایجان هر چند تاریخ مشترکی با ایران دارد سالهاست که تاریخ مستقلی با مسائل و مشکلات و هم چنین مزایا و معایب خود می گذراند. در عرض این مدت طولانی که جمهوری آذربایجان یا به قول شما «محمد» ایران شمالی! -که معلوم نیست بنا به کدام سند تاریخی این اسم وضع شده است- تأثیرات بسیاری از نوع حکومت کمونیستی شوروی و جنگ‏های ارمنیان و استقلال آذربایجان گرفته که هویت مستقلی به آن بخشیده است. اکنون بازی کردن با کلمات معنایی ندارد و امروز، ایران یعنی سرزمین‏هایی که داخل مرزهای سیاسی این کشور قرار گرفته است.

 

ثانیاً: ترکان هرچه در ایران حکومت کرده اند، جزو تاریخ ایران است و باید با علم تاریخ سراغ آن رفت نه با زبان احساسات. ترکان در طول حکومت طولانی خود بر ایران تأثیرات خوب و بد زیادی بر آن گذاشته اند. در نظر گرفتن هر کدام از این تأثیرات بدون آثار دیگر ظلم در حق تاریخ است.

 

نقشه ی صفویان - ۱۵۰۱-۱۷۲۲؛ ویکی‏پدیا، safavid

 

ثالثاً: چرا فقط کتاب‏هایی را می خوانید که در رد حضور دیرینه ی ترکان و اثبات حضور قوم پارس نوشته شده است. آیا به کتاب «تاریخ دیرین ترکان ایران» نوشته ی محمد تقی زهتابی نگاهی انداخته اید؟ با استناد به کدام سند تاریخی زبان دیرین آذربایجان را فارسی می پندارید. همین کتاب دده قورقود با ساده ترین نگاه ترک بودن این سرزمین را «حد اقل» تا ۶- ۷ قرن پیش اثبات می کند. اسناد قدیمی‏تری هم موجود هست.

در ضمن، زبان آذری حتی اگر پدیده ی قرن اخیر باشد، اکنون آذربایجانی‏ها به این زبان تکلم می کنند و به جز عده ای ما بقی در صدد حفظ آن هستند، نه از بین بردن آن.

 

رابعاً: در مورد قول حضرت! فردوسی، باید بگویم که فردوسی شاعر بزرگی بوده. اما این مصرعی که آورده‏اید هیچ نظری در مورد زبان مردم آذربایجان در زمان فردوسی یا قبل از آن نداده است. هم اکنون هم آذربایجان سرای بزرگان و آزادگان می باشد. ضمناً آیا چیزی در مورد توبه‏نامه‏ی فردوسی خوانده‏اید؟!!

 

و در نهایت این را هم اضافه کنم که من خود از دوستداران زبان و ادب فارسی هستم و گاهی اگر طبعم یاری کند اشعاری نیز به فارسی می گویم. دوستان فارسی زبان و حتی کرد و لر و عرب زیادی دارم. اما دوست داشتن زبان فارسی یا هر فرهنگ دیگری مانع از عشق به فرهنگ و زبان بومی نمی شود.

تفاوت فرهنگ‏ها در ایران می‏تواند زمینه‏ی مناسبی برای رشد و شکوفایی آن باشد. بیایید این فرصت شکوفایی را به بهانه ای برای دشمنی تبدیل نکنیم.

فارسی شکر است، ترکی هنر است.

 

با امید پیروزی و بهروزی برای تمامی ایرانیان

+ نوشته شده در  90/01/10ساعت 13:51  توسط -  | 

سلام عزیز اوخوجولار
 
بو گوءن یازین گلیشی موناسبتینه، اؤز شعرلریمدن بیری‏سینی سیزه تقدیم ائدیرم. تأسّوف ائدیرم کی گئج گلدیم بایرامی تبریک ائتمگه. آمّا بوندان تئز ده گله بیلمه‏دیم.
 
 
بوندان علاوه سیزدن ایستگیم بودور کی ساغ طرفده‏کی سوالا جاواب وئره‏سینیز. دده قورقود کتابخاناسینداکی، کتاب‏لار و یازی‏لار نئجه‏دیرلر؟
 
 
نوروز بايرامي موناسبتينه، تقديم ائديرم بوتون آذربايجانلي‏لارا
 
 
 
 

 
گلميشم دونيادا سئوم، سئويلم
يانماغا يانديران كؤز گتيرميشم
گليرم وطنين گوءل‏لرين گؤرم
سئومكدن بير نشان، ايز گتيرميشم


قوشمالار قوشورام، غزل يازيرام
گؤزل‏لر بوينونا اينجي دوءزورم
گوءل‏لردن شهد آليب، شكر سوءزورم
قار آلتدا گوءل‏لره، ياز گتيرميشم


من وطن عاشقي، غوربت يولچوسو
من انسان عاشقي، حسرت يولچوسو
من بيرليك عاشقي، وحدت يولچوسو
شعريمده بير اوءرك سؤز گتيرميشم


ياز گليب، منيم چين بير چيچك گتير
سؤزونده، كؤنلومه بال، پتك گتير
گؤزليم اليمه بير اتك گتير
يولچويام، چؤكمگه ديز گتيرميشم
 
 
۱۸ - اسفند ۱۳۸۹
 
 
+ نوشته شده در  90/01/08ساعت 12:38  توسط -  | 

 

 هوپ‏هوپ - مهدی حسین

 

عزیز دوست‏لار، نئچه آیدان سونرا ایندی بیر یئنی کتاب ایله خدمتینیزده‏یم. اومیدیم وار کی، اوخویوب، خوشلایاسینیز.

 

یازیچی حاقّیندا مطلبین آردیندا اوخویا بیلرسینیز./

 

کتابین موشخّصاتی:

کتابین آدی: هوپ‏هوپ

یازان: مهدی حسین

فورمت: PDF

صفحه‏لر تعدادی: ۲۶

سایز: ۲۶۱ م. ب.

 

کتاب حاقّیندا:

میرزه علی اکبر صابری تانیمایانی توءرک ادبیّاتی‏نی سئون‏لر آراسیندا تصوّر ائده بیلمه‏ییرم. بو شاعرین شعرلری‏نی یئری گلدیکده انشاللاّه وبلاگدا قویاجایام. آمّا بو کتاب هوپ‏هوپ تخلّوص ائدن بو شاعرین یاشاییشیندان بیر پارچاسی‏نی بالاجا داستان قالبینده گؤستریر. اوخوماغی‏نی هامینیزا تؤصیه ائدیرم.

 

کتابدان بیر پارچا:

 

 

قزت‏ساتان اوشاق باقّال دوكان‏لاری‏نین قاباغینا، یئتیشنده، آرمود ساپلاغی كیمی نازیك بوغازینی دیمدیك توتاراق، وار گوءجو ایله چیغیردی:

-        «مولاّ نصرالدّین»، «مولاّ نصرالدّین!»

دوكانین قاپی‏سی آغزینداكی كوءرسوده اوتوروب موءرگوله‏ین قیرمیزی ساققاللی كربلایی، ائله بیل، بؤیرونه دگن دوءرتمه‏دن سكسنیب، هؤلناك گؤزلرینی آچدی، لاپ قولاغی‏نین دیبینده جن سسیله قیشقیران بو اوشاغا ترس-ترس باخدی. اونون یالنیز ایندیجه گؤردوگو رؤیا، دونیانین بوءتون نعمت‏لریندن شیرین ایدی: كربلایی یوخودا حوری‏لرله ماراقلاشیردی. بو دقیقه گؤزلری اوشاغا زیللنسه ده، خیالی او دونیادا ایدی.

اوشاق سانكی قصداً، محض كربلایی‏نین عزّت- نفسینه توخونماق اوءچون، یئنه ده سسینه گوءج وئریر، دوكان‏لاردا عنادلا حؤكم سوءرن عطالتلی و دورغون حیاتین اؤلوم سكوتونو پوزوردو...

 

-----کتابی یوءکله‏مک اوءچون تیکله‏یین-----

 


ادامه مطلب
+ نوشته شده در  89/11/26ساعت 21:34  توسط -  | 

 

غزل – حکیم سئید ابوالقاسم نباتی

  

نادر شاهین اؤلوموندن مشروطیّتین غلبه سینه قدر، آذربایجان ادبیات تاریخینی ایکی اساس و فرقلی دؤرلره بؤله بیلریک. ایلک دؤر خانلیق‏لار دؤرو و ایران- روس ساواش‏لاری‏نین تورکمن چای موعاهده‏سی ایله سونا چاتماسی دؤر و ایکینجی دؤر همین تاریخدن ستارخانین تهرانی فتح ائتمه‏سینه قدرکی دؤر، بیرینجی دؤرون ان قاباقجیل سیماسی مولاّ پناه واقف و ایکینجی دؤرون ان تأثیر ائدیجی، آدلیم و اؤنده گؤدن شاعری سئید ابوالقاسم نباتی‏دیر.

سئید ابوالقاسم نباتی، خان چوبان و مجنونشاه لقبی ایله مشهور اولان، ۱۲۱۵ هـ.(۱۱۷۹ ش./ ۱۸۰۰ م.) تاریخینده کلیبرین اوءشتوبون کندینده آنادان اولان و ۱۲۶۲ هـ. (۱۲۳۰ ش. / ۱۸۵۲ م.)تاریخینده وفات ائدن اولو عارف شاعرلریمیزدن‏دیر.

اونون آدی ادبیات تاریخیمیزده فضولی ایله یان-یانا چکیلیر...

 

نباتی‏دن بیر غزل نمونه‏سی:

 

سرمست ییخیلدیم یئنه مئیخانه‏لر ایچره

اولدوم یئنه روسوا نئچه فرزانه‏لر ایچره

یاخدیم اودا سجّاده و دستار و ردانی

بیر آد ائله دیم من داخی پروانه‏لر ایچره

ائی شوخ- پری طلعت و ائی سرو- گوءل اندام

گزمه سنی تانری! بئله بیگانه‏لر ایچره

اول نرگز- مستین نه فسونگردی، خودایا!

سالدی منی مجنون کیمی دیوانه‏لر ایچره

گل وئر منه بیر جام- مئی، ائی ساقی- گوءلفام

تا مست یازیم بو سؤزو افسانه‏لر ایچره:

بالله! بو بوت- لاله روخون یوخدو نظیری

باخدیم نئچه مین صورته بوتخانه‏لر ایچره

اول گنج- خفادان بیر اثر بولمادیم هرگز

جانیم چوءرودو هئچ یئره ویرانه‏لر ایچره

ائی کؤثر اوءچون آه چکن زاهد- ابله

مئیخانه‏ده گل گؤر اونو، پئیمانه‏لر ایچره

غوّاص کیمی غوطه ووروب بحره نباتی

اول گؤهری ایستر تاپا دوءردانه‏لر ایچره

 

بو اولو شاعریمیز حاقّیندا آرتیق بیلمک اوءچون آلتداکی قایناق کتابا موراجعه ائده بیلرسینیز.

 

قایناق: دیوان اشعار ترکی حکیم سیّد ابوالقاسم نباتی؛ تصحیح، تحشیه و مقدّمه: دوقتور حسین محمدزاده صدّیق، اختر نشری

 

+ نوشته شده در  89/10/13ساعت 12:25  توسط -  | 

 

سن گؤزل - یولچو - اؤزوم -

 

من دئییرم چوخدو گؤزل دونیادا

خول اوسته گوءل بیتن گؤزل، سن گؤزل

سنین الین گوءلو دریب ساتاندا

او گوءل‏لری ساتان گؤزل، سن گؤزل

 

من دئییرم؛ سنین کیمی گؤزل یوخ

سنین کیمی قوشما یوخدو، غزل یوخ

گؤزللیکده ال اوءستونده آز ال یوخ

سؤزه شکر قاتان گؤزل، سن گؤزل

 

سئومکده یم غوربت ائله دوءشندن

قان اوءرگیم الدن اله دوءشندن

یولچو دئیَر گؤزو خالا دوءشندن

غوربت گؤزل، وطن گؤزل، سن گؤزل

 

۱۶/۸/۸۹

 

باخین:

 www.yolcu.arzublog.com

+ نوشته شده در  89/08/18ساعت 23:29  توسط -  | 

منیم یئنی وبلاگیمی آلتداکی آدرسده گؤره بیلرسینیز.


www.yolcu.arzublog.com

بو وبلاگدا منیم اؤز شعرلریم و تورک دیلینده یازی‏لاریمی اوخویا بیلرسینیز.


منه باش وورون و نظر ده یادینیزدان چیخماسین.



+ نوشته شده در  89/08/09ساعت 11:28  توسط -  | 

 

 

عاشق - بختیار علی مرادی (موغان اوغلو)

 

بيرتئل ايله باغلاميسان ‍-

 

      اورگينه .

 

              اورگيمی .       

 

هارا گئدسن اودا گئدير.

 

            بوينو باغلی -

 

دلی كيمی .

 

               منی گؤرن -

 

داشا باسير.

 

            سنی گؤرن-

 

دلی اولور...

 

قایناق: http://muqhanoqhlo.blogfa.com

+ نوشته شده در  89/08/05ساعت 9:57  توسط -  | 

 

 

ياشاماق اولارمي سن سيز بو قدر - یولچو - اؤزوم

 

بو شعر منیم یئنی قوشمالاریمدان بیری‏دیر.

عذابلي گوءن‏لريم ياشاماق دئييل
عذاب‏لار اولارمي سون‏سوز بو قدر
ياشامام اولمادان سن كناريمدا
ياشاماق اولارمي سن‏سيز بو قدر

سئومگي گوناهلي تانيان‏لار وار
گوناه‏لار بونلارا سئويملي اولار
چوخلوسو عاشقه دئيير گوناهكار
دونيادا اولارمي دين‏سيز بو قدر

"يولچويام" عاشقم يارين خالينا
دوشرم سئوگي نين گؤزل يولونا
حئیرانام ائليمين شيرين ديلينه
سئوگيلي اولارسيز هانسيز بو قدر

3- مهر - 1389-جو گوءنش ايلي

+ نوشته شده در  89/07/28ساعت 18:58  توسط -  | 

 

من کی سن دئییلم - نصرت کسمَنلی

 

اونوتمادی گؤزلرینی گؤزلریم،

منیم گؤزوم، سنین گؤزون دئییل كی

او یئرلری ناخیشلاییر ایزلریم،

منیم ایزیم، سنین ایزین دئییل كی .

 

یالان لارا اویرتمه دیم دیلیمی،

منیم دیلیم، سنین دیلین دئییل كی،

هر یئتنه اوزاتمادیم الیمی،

منیم الیم، سنین الین دئییل كی .

 

اوچوب گئتدین، سازاق دوءشدو كؤنلومه،

منیم قلبیم، سنین قلبیم دئییل كی،

سن گوءلوش چون یارانیب سان، اینله مه،

منیم غمیم، سنین غمین دئییل كی .

 

سن قارالتدین، من آغاتدیم ساچیمی،

منیم ساچیم، سنین ساچین دئییل كی،

ائشیدن لر باغیشلاییر سوچومو،

منیم سوچوم، سنین سوچون دئییل كی .

 

یئره دوشدو اودلو سؤزوم كؤزردی،

منیم سؤزوم، سنین سؤزون دئییل كی،

قارشیلاشدیق، دیل سوسدو، اوءز قیزاردی،

منیم اوءزوم، سنین اوءزون دئییل كی .

 

سن یولونو دگیشدیردین بیر سحر،

منیم یولوم، سنین یولون دئییل كی،

بو هجرانا دؤزه جگم بیر طهر،

دؤزه جگم، هجران اؤلوم دئییل كی ... !

 

 

قایناق: www.turkpoem.blogfa.com

 

+ نوشته شده در  89/07/25ساعت 14:58  توسط -  | 

 

قورخما - حبیب ساهر

 

حبیب ساهر

 

قورخـما! بو ماوی گؤی آلتیندا یانان آل گوءنشین

و اوفوق­لرده گوءلن آل شفقین سؤنمه یه­ جک

ایلک باهارین آچاجاق گول

اوته جک بولبول­لر

دونیامیز بیر ده بو عالم­ده خزان گؤرمه یه ­جک

دونیا دوردوقجا سهندین اوجا بورجوندا یانان

اول گوءموش رنگلی آی، یول­لاری آیدینلاداجاق

آخاجاق نهر­لرین

هم آچاجاق لاله­لرین

بیر ده ائولرده اینان سؤنمه یه ­جک اود و اوجاق

ائی منیم شانلی ائلیم

حوءر وطنیم

آل گوءنشیم

آی قادین­لار

آنالار

بیر ده آچین پنجره ­نی

صوءبح آچیلماقدادی

صوءبحون یئلی داغ­لاردان اسیر

قایناق: http://sahir-turkce.blogspot.com/

 


 

+ نوشته شده در  89/07/18ساعت 12:52  توسط -  | 

 

آذربایجان دیلی نین ایضاحلی لوغتی - آذربایجان ملّی علم لر آکادمیاسی

 

سلام عزیز اوخوجولار

 

لاتین قرافیکاسیندا یازیلان آذربایجان دیلی نین ایضاحلی لوغتی نی دانلود ائتمک اوچون قویموشام. بو کتابی هم دده قورقود کتابخاناسیندان و هم ده قایناق سایتدان دانلود ائده بیلرسینیز:

 

بیرینجی جلد:

حجمی: ۵.۸۱ م. بایت

قایناق لینکدن یوءکله یین

----- دده قورقود کتابخاناسیندان یوءکله یین -----

 

ایکینجی جلد:

حجمی: ۶.۰۷ م. بایت

قایناق لینکدن یوءکله یین

----- دده قورقود کتابخاناسیندان یوءکله یین -----

اوءچونجو جلد:

حجمی: ۵.۴۲ م. بایت

قایناق لینکدن یوءکله یین

----- دده قورقود کتابخاناسیندان یوءکله یین -----

 

دؤردونجو جلد:

حجمی: ۵.۵۰ م. بایت

قایناق لینکدن یوءکله یین

----- دده قورقود کتابخاناسیندان یوءکله یین -----

 

قایناق سایتدان باشقا کتاب لار دانلود ائدین

اومودوم وار، خوشلایاسینیز.

+ نوشته شده در  89/07/14ساعت 10:4  توسط -  | 

 

دده قورقود كتابخاناسيندا ايشلنن املا قايدالاري – ي. ف.

 

سلام عزيز اوخوجولار

 

دده قورقود كتابخاناسي نين نشاني

بیلدیگینیز کیمی دده قورقود کتابخاناسی، 1387-جی ایلین یاییندان pdf کتاب لاری اینترنتده یایماقلا ایشينه باشلامیشدیر. بو مودّتده من ائله یه بیلدیگیم قدر چالیشمیشام کی آذربایجان ادبیّاتیندان گؤزل اؤرنک لر سیزه تقدیم ائدم. آمّا بو یولدا چوخلو موشکول لر ایله قارشیلاشدیم. بونلارین بیری ده ایراندا آذربایجان دیلینی یازماق اوءچون قبول اولونموش قایدالارین اولماماغی دیر. آذربایجان دیلی نین بیر رسمی مؤسّسه سی اؤلکه میزده قورولمایینجا بو موشکولو آرادان آپارماق چتین نظره گلیر.

ائله بونا گؤره ده من چالیشدیم بو کتاب لاری یازدیقجا بو یازیلاری بیر سیستماتیک قایدالاردا یازماغا دا فکیرلشم. ایندی (1389-جو ایلین یاییندا) حسّ ائدیرم کی ائله یه بیلرم بو ایشی گؤرم و بو ایشی بو اومید ایله باشلاییرام کی عزیز اوخوجولار بونلاری اوخویوب و اؤز نظرلرینی دئسینلر کی، گله جکده اونلارین نظرلری اساسیندا بوندان دا موکمّل قایدالار ایله آذربایجانجا متن لری یازماغا چالیشاق.

بو کتاب دؤرد بؤلومده یازیلمیشدیر؛ «توءرکجه سؤزلر»، «شكيلچي لر» «خارجی سؤزلر (فارسجا و عربجه دن باشقا)»، «فارسجا و عربجه سؤزلر». هر بؤلومده کی قایدالاردا چالیشمیشیق کی، نئچه هدفه یئتیشک؛ اوّل یازماغین راحاتلیغی، ایکینجی موشکولسوز اوخوماغی، اوءچونجو فارس و عرب سؤزلرده اونلارین فارسجا املالاریندان امكاني اولان قدر فاصله توتماماق و آخیردا دا آذربایجان دیلینه مخصوص اولان قایدالاری بو املا ایله توضیح وئرمگی نین امکانینی نظرده آلمیشیق.

بو قایدالاری آماده ائتمکده نئچه کتاب لارین یازیلماسینا باخاراق و چوخلو یئرلرده دقّت ائدرک اونلاردان ان یاخشی نظره گلن قایدالاری سئچیب و بورادا گتیرمیشیک. بونلاردان علاوه اؤز نظرلریم ده تأثیرسیز اولمامیشدیر.

 

نظرلرینیزی دده قورقود کیتابخاناسیندا بیزه چاتدیرا بیلرسینیز.

ی. ف. 1389 – یای

 

بو كتابداكي قايدالار رسمي قايدالار كيمي قبول اولونماسا دا اوخوجولارا گؤره ياخشي ايدئالار وئره بيلر.

 

كتابين مشخّصاتي:

كتابين آدي: دده قورقود كتابخاناسيندا ايشلنن املا قايدالاري

يازيچي: ي. ف.

تاريخ: 1389- ياي

تايپ: ي. ف.

فورمت: PDF

سايز: ۲۶۳ کیلوبایت

صفحه لر تعدادي: ۳۸

 

 ----- يوءكلمك اوءچون تيكله -----

 

بو کتابداکی قایدالارین لازم اولان یئرده تکمیللشمه قایدالارینی ----- بورادا----- اوخویا بیلرسینیز.

+ نوشته شده در  89/06/28ساعت 14:13  توسط -  | 

۲۷ شهريور، شهريارين وفاتي نين ايل دؤنومودور و ايراندا ملي شعر و ادب گوءنو آدلانير.

shehriyar.jpg

شهریارین هئیکلی - مقبره الشعرا - تبریز - قایناق: www.dunyam.turkblog.com

ائله بو موناسبته گؤره ده بير صوتي فايل يوءلكه مك اوءچون سيزه تقديم ائديرم. شهريار بورادا خاطره لريندن تعريفله يير. تعريفله يير كي نئجه شاعر اولدو... بو فايل تبيان سايتيندان يوءكلنيبدير...

... من ادبي ذؤقوم و بلكه ادبي حسّيم اوءچون آناما مديونام، آنام اؤزو يازيب اوخوماق ساوادي يوخو ايدي، ولي چون آتاسي علم و ادب اهلي ايدي، ادبياتدان چوخ شيرين شئي لر ازبرله ميشدي، توءركجه، فارسجا و عربجه چوخ لطيف شعرلر ياديندا ايدي و مخصوصا اؤزو بير لطافتلي شعر اوخوياندا اسيردي و گؤزلري نين ياشي آخيردي؛ ائله بونا گؤره ده وراثتدن علاوه اصلا آنامين بو حالي منيم روحوما شكيل وئردي ياديمدا دي ۴-۵ ياشيمدا اوّل حسّ ائتديگيم و ياديمدا ساخلاديغيم شعر، آنام اوخويان بو ايكي بئيت ايدي كي هله ده منيم مغزيمده سسي گلير و هله ده منجه دونيانين ان لطيف شعريدير:

گئتمه ترسا بالاسي من ده سنه سايه گليم

دامنيندن ياپيشيم من ده كليسايه گليم

يا كي سن گلگيلن اسلامي گوءلوم ائيله قبول

يا كي تعليم ائله من مذهب- عيسايه گليم

و ائله بو زاماندان منيم ادبي ذؤقومون جوشماغا باشلادي...

 

بونلار شهريارين فارسجا تعريف ائتديگي خاطره لرين بير قسمتي دير. تؤصيه ائديرم حتما قولاق آسين و الدن وئرمه يين.

 

فایلین آدی: شهریار - خاطره

فورمت: mp3

سايز: ۴.۰۷ مگابايت

اوزونلوق: ۴ دقيقه ۱۳ ثانيه

----- يوءكلمك اوءچون تيكله -----

 

بوندان قاباقجا اوستاددان وبلاگيميزدا بير كتاب ياييليبدير. حيدربابا و سهنديه پوئمالاري نين تكميل متن لري...

----- حيدربابا و سهنديه پوئمالاري نين صفحه لريني آچين -----

+ نوشته شده در  89/06/27ساعت 16:45  توسط -  | 

بو گون بير يئني خبر وئرمك اوچون گلميشم.

 

آذربايجان ديلينده بلاگ ياراتماق اوچون بير يئني سايت ايسته سينيز، آرزو بلاگا باش وورونوز.

 

من كي، اورادا بير وبلاگ آچماق ايسته ييرم. سيزي بيلميرم...

 

www.arzublog.com

+ نوشته شده در  89/06/25ساعت 22:21  توسط -  | 

 

صمد وورغون؛ سئچيلميش شعرلري

 

250PX-~1.JPG

صمد وورغونون هئيكلي - باكي

 

«صمد يوسف اوغلو وكيلوو» 1906-جي ايل مارتين 21-ده قازاخ رايونونون يوخاري ساحلي كندينده بگ نسلينه منسوب بير عايله ده آنادان اولموشدور. وكيل آغالي لار، سونرالار ايسه وكيلوولار آدلانان نسلين 300 ايلليك تاريخي معلومدور. شاعرين آناسي دا همين نسيلدندير. وكيل آغالي لاردان چوخ جورأتلي حربچي لر، ماعارفچي لر، حكيم لر، شاعرلر يئتيشميشلر. شاعرين آتاسي يوسف آغا كندده، عؤمرونون سوْن ايل لريني ايسه قازاخدا ياشاميشدير. او، چوخ سخاوتلي اولدوغوندان اؤز وار-دؤلتيني الينده ساخلايا بيلمه ميش، يوخسوللاشميشدير.

بالاجا صمدين اوشاقليغي چوخ آجيناجاقلي اولموشدور. 6 ياشي اولاندا آناسي محبوب خانيم 28 ياشيندا وفات ائدير. صمد آتاسي يوسف آغانين و آنا ننه سي عايشه خانيمين حمايه سينده ياشايير. عايشه خانيمين اري - شاعرين باباسي مهدي خان آغا اؤز دؤرونده ائلينده، اوباسيندا كوهنسال لقبي ايله تانينان شاعر ايدي. گؤركملي آذربايجان شاعري، قاراباغ خاني ابراهيم خانين وزيري مولاّ پناه واقف (1719-1797) ده بو نسله منسوب اولموشدور.

شاعر اوشاقليق ايل لريني دوغما كندينده كئچيرميش، ايلك تحصيليني كند مكتبينده آلميشدير. 1918-جي ايلده گؤركملي ادبيّاتشوناس و ماعارفچي «فريدون بگ كؤچرلي» قوْري موعلّم لر سمينارياسي نين آذربايجان شؤعبه سيني قازاخا كؤچدوررك قازاخ موعلّم لر سمينارياسيني تشكيل ائدير. سميناريا موترقّي بير ماعارف اوجاغي ايدي. بو مكتبه قبول اولونان كند اوشاقلاري آراسيندا صمد و مهدي خان وكيلوو قارداش لاري دا وار ايديلر. فريدون بگ كؤچرلي نين حيات يولداشي بادصبا خانيم وكيلووا (كؤچرلي) شاعرين ياخين قوهومو ايدي.

سميناريادا او، ايلك شعرلريني قلمه آلير. بونلار خالق پوئزياسي فورماسيندان بيري اولان ليريك قوشمالار ايدي. يازديغي شعرلر سميناريانين ديوار قازتينده چيخيردي. سمينارياني بيتيرديكدن سونرا صمد وكيلوو آذربايجانين بير سيرا كند و رايون لاريندا، او جومله دن قازاخدا، قوبادا و گنجه ده آذربايجان ديلي و ادبيّاتيني تدريس ائتمگه باشلايير.

پوئزيا گئت-گئده شاعرين بوءتون وارليغينا حاكم كسيلير. گنج شاعر اؤز خالقيني، وطنيني، دوغما تورپاغي نين اسرار انگيز طبيعتيني سئوديگي اوءچون «وورغون» تخلّوصونو گؤتورور. او، اؤزو سونرالار بئله يازير:

عاشقم انسانا و طبيعته

اليم قلم توتوب يازاندان بري...

1956-جي ايلين مارت آييندا صمد وورغونون 50 ياشي تامام اولور. آذربايجان خالقي شاعر يوبيلئيي نين كئچيريلمه سينه حاضيرلاشير. آذربايجانين رهبرليگي طرفيندن «آذربايجان خالق شاعري» آدي تأسيس ائديلير و ايلك دفعه بو آدا صمد وورغون لايق گؤرونور. ماي آيي نين 12-ده اورا و بالِت تئاتريندا س.س.ر.اي- نين ادبي اجتماعيّتي نين و خارجي قوناق لارين اشتراكي ايله شاعرين طنطنه لي يوبيلئي گئجه سي كئچيريلير. يوبيلئي طنطنه سيندن ايكي هفته سونرا 1956-جي ايل ماي آيي نين 27-ده، ساعات 19:30-دا شاعرين گؤزلري ابدي يومولور. آمانسيز اؤلوم، شاعرين حيات عشقيله چيرپينان اوءرگيني، ياراديجيليق آتشي ايله اودلانان قلبيني ابدي سوسدورور.

 

بو متن آلتداكي قايناقدا اولان اولو شاعريميزين بيوقرافي نين بير پارچاسي ايدي. بو متني تام شكيلده اوخوماق اوءچون قايناق متنه موراجعه ائده بيلرسينيز.

 

قايناق: صمد وورغون، آذربايجان خالق شاعري نين رسمي وب سايتي؛

www.samedvurgun.com

 

كتابين موشخصاتي:

كتابين آدي: صمد وورغون، سئچيلميش شعرلر

تايپ: ي. ف.

فورمت: PDF

صفحه لر تعدادي: 37

سايز: 328 كيلوبايت

 

 

شاعر نه تئز قوجالدین سن!

 

بولبول اولوب دوءشدوم باغا
ناله چکدیم سولا، ساغا
سسیم دوءشدو مین بوداغا
سوسدو چمن، دیندی گوءلشن:
شاعر نه تئز قوجالدین سن!

کؤنول وئردیم مین آخشاما
پروانه تک یاندیم شامعا
گؤزوندن یاش داما-داما
شامع دا دیله گلدی بیردن:
شاعر نه تئز قوجالدین سن!

مجلس لره دوءشدو یولوم
گنجلیک اولدو ساغیم، سولوم
دئدیم یاتیب راحات اولوم
سوال قوپدو هر اوءرکدن:
شاعر نه تئز قوجالدین سن!

توفنگ آلیب چیخدیم اووا
دوغدو گوءنش، گوءلدو هاوا
جئیران لاری قووا-قووا
جاواب گلدی گوللـه لردن:
شاعر نه تئز قوجالدین سن!

کنده گئتدیم، بیر آغ بیرچک
قوجاقلادی منی گؤرجک
او آغلادی بیر آنا تک
دئدی: کاش کی، اؤلَیدیم من
شاعر نه تئز قوجالدین سن!

غریبه دیر: اوءزو عارسیز
شاختا قلبی ایلک باهارسیز
عشقی سؤزو اعتبارسیز
«دوستلاریم» دا دئییر بعضاً:
شاعر نه تئز قوجالدین سن!

ویران کؤنلوم واراق-واراق
اسدی خزان، دوءشدو یارپاق
آنا وطن، آنا تورپاق
بیر آه چکدی سینه سیندن:
شاعر نه تئز قوجالدین سن!

پولاد سینه م، دؤز بو درده
گوءنش باتماز ایلک سحرده
انسان اوغلو ابلیس لر ده
باخیب منه دئییر قصداً:
شاعر، نه تئز قوجالدین سن!

قارتال اولوب قاناد آچدیم
زامان لاری کئچیب آشدیم
انسان لاردان اوزاقلاشدیم
صدا گلدی یئرله گؤیدن:
شاعر نه تئز قوجالدین سن!

1944، 10 نویابر

 

 ----- يوكله مك اوچون تيكله -----

 

+ نوشته شده در  89/06/24ساعت 16:2  توسط -  | 

 

 

آمريكادا قورآنا اهانت بوتون موسلمان لارا اهانت دير.

 

۱. تبيان سايتيندا اوخو

۲. تبيان سايتيندا اوخو

۳. تبيان سايتيندا اوخو

۴. آذربايجان اسلام خبرينده اوخو

۵. آذربايجان اسلام خبرينده اوخو

 

 

+ نوشته شده در  89/06/23ساعت 16:7  توسط -  | 

سلام عزيز اوخوجولار

 

دده قورقود كتابخاناسي ايكي ايلليك اولدو.

 

دده قورقود كتابخاناسي 1387-جي ايلين شهريوري نين 16-سينده تورك ديلينده كتاب لاري يايماق هدفي ايله ايشينه باشلادي. بورايا كيمي عزيز يولداش لارا گؤره ايگيرمي دن آرتيق عونوانلي كتاب لار تقديم ائديب. بو كتاب لار ايكينجي ايلين عرضينده 1870 دفعه دن آرتيق دانلود اولونوب. بو تعداد بيرينجي ايله باخاراق (630 دفعه دانلود) چوخ اوءستونلشيبدير (تقريبا 3 برابر). ان چوخ دانلود اولونان كتاب لار بونلاردان عبارتدير:

1)     صايب تبريزي دن 70 شعر (427 دانلود)

2)     فضولي دن 70 شعر – ايكينجي بؤلوم (396 دانلود)

3)     الفباميز – رحيم رييس نيا (259 دانلود)

 

ايكينجي ايليميزده يوكله ديگيميز كتاب لار بونلاردان عبارتديلر:

 

01)     حیدربابا و سهندیّه؛ سئید محمّد حسین بهجت (شهریار)؛

02)     ایشغال اولونموش رایونلار

03)     جنوبی آذربایجاندا آنا دیلینده اثرلرین چاپ و نشر تاریخی؛ دوکتور حسن جوادی، ابوالفضل بهادوری؛

04)     الفبامیز؛ رحیم رییس نیا؛

05)     خورشیدبانو ناتوان شعرلری؛ خورشید بانو ناتوان؛

06)     آیاق قابی؛ ائلچین افندیئو؛

07)     مولاّ ولی ودادی؛ شعرلری

08)     گوءلوستان و توءرکمن چای موقاویله لری نین متنی

09)     گولوستان پوئماسی و نئچه سئچیلمیش شعر؛ بختیار وهابزاده

 

 

بيرينجي ايلين كتاب لاري نين ليستي ني بورادا گؤره بيلرسينيز.

 

بو كتاب لار و بيرينجي ايلده يوكله ديگيميز كتاب لاري اوخوماق اوچون بورایا تيكله يين.

 

بو كتاب لاردان علاوه ايندي «صمد وورغون دان سئچيلميش شعرلر» و «دده قورقود كتابخاناسيندا ايشلنن املا قايدالاري» آماده اولوب كي تئزليكجه سيز عزيز لره تقديم اولوناجاق.

+ نوشته شده در  89/06/16ساعت 12:20  توسط -  | 

 

گولوستان پوئماسی و سئچیلمیش شعرلر - بختیار وهابزاده

 

بختیار محمود اوغلو وهابزاده 1925-جی ایلده شکی شهرینده آنادان اولموشدو. 1934-جو ایلده عایله سی ایله برابر باکیا کؤچن شاعر 1942-جی ایلده اورتا مکتبی بیتیریب، باکی دؤلت اونیوِرسیته سی نین فیلولوگیا فاکولته سینه داخل اولموش، 1947-جی ایلده همین فاکولته نی بیتیریب، 1951-ده فیلولوژی علم لر دوکتورو عالملیک درجه سینی آلمیشدیر.

بختیار بدیعی یارادیجیلیغا ایکینجی دونیا موحاربه سی ایل لرینده باشلامیش، 1945-جی ایلده یازیچی لار اتفّاقی نین عوءضولوگونه قبول اولونموشدور. بدیعی یارادیجیلیقلا یاناشی، 1940-جی ایلدن 1990-جی ایله قدر اونیورسیته ده درس دئمیشدیر. 1980-جی ایلده آذربایجان علم لر آکادمیاسی نین موخبر عوءضوو سئچیلمیشدیر.

وهابزاده 70-دن آرتیق شعر کتابی، 2 مونوقرافیا، 11 علمی پوبلیسیست کتاب و یوءزلرله مقاله نین مؤلّفی دیر.

باکی آکادمیک دؤلت درام تئاتری نین صحنه سینده اونون «وجدان»، «ایکینجی سس»، «یاغیشدان سونرا»، «اؤزوموزو کسن قیلینج»، «جزاسیز گوناه» و «دار آغاجی» پیئس لری تاماشایا قویولموشدور. او، تاریخی و موعاصیر مؤضوعدا 20-دن آرتیق ایری حجملی پوئمانین مؤلّفی دیر.

1974-جو ایلده «امکدار اینجه صنعت» خادمی، 1985-جی ایلده ایسه اونا «خالق شاعری» آدی وئریلمیشدیر. بختیارین بوءتون اثرلرینده دونیایا فلسفی باخیش اساس یئر توتور. آذربایجان ادبیّاتی نین، بوءتؤولوکده آذربایجان ادبی فیکری نین گؤرکملی تمثیلچی سی اولان خالق شاعری بختیار وهابزاده نین آدی تکجه آذربایجان جمهوریّتینده دئییل، اونون حدودلاریندان چوخ-چوخ اوزاق لاردا تانینیر و اثرلری بیر چوخ دیل لره ترجومه اولموشدور.

بختیار وهابزاده 2009-جو ایلین فِورال آیی نین 13-ده 84 یاشیندا دونیاسینی دگیشدی و فخری خیابانیندا دفن اولوندو.

 

بو متن آلتداکی قایناقدان سئچیلمیشدیر:

بختیار وهابزاده، آخی دونیا فیرلانیر، حاضیرلایان: سعید موغانلی، 1388، کرج، پینار یایین ائوی

 

بختیار وهابزاده نین شعرلرینی چوخداندیر کی وبلاگدا تقدیم ائتمک ایستیرم. ایندی بو ایشی گؤرمک ایستیرم.

 

کتابین موشخصاتی:

کتابین آدی: گولوستان پوئماسی و نئچه سئچیلمیش شعر

شاعر: بختیار وهابزاده

تایپ: ی. ف.

فورمت: PDF

صفحه لر تعدادي: ۷۶

سايز: ۱ مگابايت

 

بوندان قاباقجا بو شاعردن آنا ديلي آديندا بير شعر وبلاگدا يازميشام. بو شعري ده بو بؤيوك شاعردن اوخويون:

 

سنین دیلیندن

 

ایل لرله بیر عشقین جؤرونو چکدیک
آیریلساق، گوءن سؤنر، ایل قینار بیزی
ائنیش- یوخوشونو بیر اؤتدوگوموز
یول لارا نه دئیَک، یول قینار بیزی

سن دئدین، باشلانان قورتارسین گرک
من دئدیم، دویماییر آرزودان اوءرک
بیرگه اکدیگیمیز گوءلو درمه سک
تیکان لار ال چالار، گوءل قینار بیزی

بس دئییل بو الم، بو کدر منه
ائله دین دونیانی سن هدر منه
گؤزل سؤزلر دئدین نه قدر منه
گل ایندی دانلاما، دیل قینار بیزی

چوخ چکه بیلمه دیک نازینی عشقین
قیش گلیب، یاشادیق یازینی عشقین
یامانجا سیندیردیق سازینی عشقین
بیلمه دیک، آخیردا تئل قینار بیزی

دئدین کی، عشقیمله بختیارام من
دئدین کی، دؤنمرم قلبین سسیندن
ایندیسه چکینیب ائل طعنه سیندن
دئییرسن، عاییبدیر، ائل قینار بیزی

ایول، 1967

 

----- كتابي يوكلمك اوءچون تيكله يين -----  * یئنی لینک*

+ نوشته شده در  89/06/04ساعت 15:40  توسط -  | 

گولوستان و توءركمن چاي موقاوله لري نين متني

 

بيلديگينيز كيمي عزيز ايرانيميزين كئچميش تاريخينده آجي-شيرين گوءنلر چوخ اولوب. بيزه و مخصوصاً آذربايجانلي هموطن لريميزه چوخ چتين گلن تاريخي مسأله لرين بيري قاجارلار زامانيندا باغلانان ايكي موقاوله دير كي ايندي گولوستان و توركمن چاي موقاوله لري آديندا تانينميش موقاوله لرديلر.

بو كتابين موقدّمه سينده ايران و روس لار آراسيندا كئچن اوزون ايل لر موحاربه و بونلارا سون قويان بو ايكي موقاوله يه گؤره اوخويا بيلرسينيز. سونرا ايسه بو ايكي موقاوله نين متني ني ده اوخويا بيلرسينيز.

 

كتابين آدي: گوءلوستان و توركمن چاي موقاوله لري نين متني

مؤلّف: ي. ف. (موقدّمه)

ترجومه: محرّم ذوالفقارلي (موقاوله لرين متني؛ روسجادان)

تایپ: ی. ف.

فورمت: PDF

صفحه لر تعدادي: 27

سايز: 1.06 مگابايت

 

بو كتابي اوخوماغي سيزه تؤصيه ائديرم.

 

----- كتابي يوكلمك اوچون تيكله يين -----

+ نوشته شده در  89/05/30ساعت 20:3  توسط -  | 

 

مولا ولی ودادی نین شعرلری

 

مولاّ ولی ودادی 1707-جی ایلده قازاخ رایونونون بیرینجی شیخلی کندینده آنادان اولموشدور. روایته گؤره مولاّ ولینین آتاسی، محمّد آغا قازاخا ایراندان کؤچوب و اونون آتاسی صفوی لر دؤورونده ایراندا یاشایان حمزه سولطانین نسلیندندیر. او، اوّل شمکیرده، سونرا ایسه قازاخین پویلو کندینده تحصیل آلمیش، عرب، فارس دیللرینی موکمّل اؤیرنمیشدیر. شیخلی کندینده میرزه لیک و مکتبدارلیق ائتمیشدیر. مولاّ ولی ودادی هم عروض، هم ده هجا وزنلرینده شعرلر یازمیشدیر.

م. و. ودادینین ایرثینین آز قیسمی معلومدور. فئودال ظوءلموندن، خانلیقلار دؤورونون هرج-مرجلیگیندن دوغان کدر و اومیدسیزلیک، معنوی تنهالیقدان شیکایت مولاّ ولی ودادی نین یارادیجیلیغینین اساس موتیولریدیر.

هومانیست صنعتکار اولان ودادی نین یارادیجیلیغیندا وطنه، زحمتکشلره محبّت گوءجلودور شاعیرین «دلی کؤنول، گل اَیلنمه غوربتده»، «ائی همدمیم، سنی قانا قرا ائیلر»، «خسته دوءشدوم، گلن یوخدور اوءستومه» کیمی شعرلرینده وطن حسرتی، غریبلیک ایضطیرابی صمیمی و تأثیرلیدیر.

ودادی نین عاشیقانه شعرلری ده وار. ودادی لیریکاسی یوءکسک بدیعی صنعتکارلیق نومونه سیدیر. ودادی رئالیست تصویره مئیل ائدن شاعیرلردن اولموشدور. بیر سیرا اثرلری روس دیلینه و دیگر دیللره ترجومه اولونموشدور.

مولاّ ولی ودادی 1809-جو ایلده شمکیرده وفات ائتمیشدیر.

مولاّ ولی ودادی، مولاّ پناه واقفین موعاصیری، دوستو، بعضی منبعلره گؤره ایسه حتّی قوهومو ایمیش.

بو باره ده و مقاله نین قالانینی آذربایجانجا ویکیپدیادا (www.az.wikipedia.com ) اوخویا بیلرسینیز.

 

كيتابين موشخّصاتي:

 

کیتابین آدی: مولاّ ولي ودادي نين شعرلري

شاعیر: مولاّ ولي ودادي

تایپ: ی. ف.

فورمت: PDF

صفحه لر تعدادی: ۴۷

سایز: ۲۶۹کیلوبایت

 

ودادي دن بير شعر:

 

ائی منی قینایان آغلاما دئییب
آغلار یاری گئدن بس آغلامازمی؟
ایللر ایلن همدمیندن آیریلیب
خوش نیگاری گئدن بس آغلامازمی؟

اولمایا یانیندا یاری، جانانی
پوچا چیخیب گئده عؤمر- جاوانی
گوءن به گوءن اکسیلیب شؤوکتی، شانی
ایختیاری گئدن بس آغلامازمی؟

بختی چؤنوب، چوءنکی زمانه دؤنوب
شاد و خورّم ایشی فغانه دؤنوب
عؤمرومون گوءلزاری خزانه دؤنوب
نووباهاری گئدن بس آغلامازمی؟

عرض ائلرم سن خاصلارین خاصینا
صبر ائله ییم من بو دردین هاسینا
گؤز یوللاردا، جان گئدینجه تا سینه
اینتیظاری گئدن بس آغلامازمی؟

ودادی خسته نی گل ایندی تانی
هانی او سن گؤرن شکل و نیشانی
رنگ و رویی، جیسمی، طاقتی، جانی
کوءلّ- واری گئدن بس آغلامازمی؟

 

 

----- كيتابي يوكلمك اوچون تيكله -----

+ نوشته شده در  89/05/05ساعت 19:20  توسط -  | 

 

آیاق قابی - ائلچین افندیئو

 

نئچه آیدان سونرا آخیردا ائله یه بیلدیم بیر یئنی کیتاب وبلاگ اوءچون حاضیرلایام. اومودوم وار کی خوشلایاسینیز.

 

کیتابین موشخّصاتی:

کیتابین آدی: آیاق قابی

یازان: ائلچین افندیئو

تایپ: ی. ف.

فورمت:

صفحه لر تعدادی: ۳۳

سایز: ۳۰۰ کیلوبایت

 

ائلچین افندیئودن بوندان اوّل ده بیر کیتاب یاییلیب، ساری گلین آدلی بو کیتابی بورایا تیکله یین.

 

کیتابدان بیر پاراقراف:

 

چیلچیراغین ایشیغی گوءزگویه دوءشوب آدامین گؤزونو قاماشدیریردی، چنگل-بیچاغین، قاب-قاجاغین پاریلتیسی دا گوءزگودن گوءلوردو، ائله بیل یایین جیرهاجیر چاغیندا گؤزونو قیییب گوءنه باخیردین – گوءزگو آز قالا ائله جه گوءنش اولوب یانیردی، آمّا ایندی نه یای ایدی، نه ده گوءنشین چیخان واختییدی و اصلینده ببرین گؤزونو قاماشدیران دا، بیر ملحم کیمی ایچینی گوءلدورن ده چیلچیراغین گوءزگوده عکس ائدن ایشیغی دئییلدی و ببر اؤزو ده بونو چوخ گؤزل بیلیردی؛ مثلاً، شستله اؤزونو گوءزگودن ببره گؤسترن بو تپ-تزه، قاپ-قارا گؤزل کوستیومدا ایدی، بو آغ آپپاق، تر-تمیز کؤینکده ایدی، بوینونا تاخدیغی بو اغ-آپپاق، ایری قانادلی کپنکجیکده («بابوچکا») ایدی و ببر آچیق-آشکار گؤروردو کی، س.س.ر.ای. خالق آرتیستی مرسل محمّدووون اؤزو بو دم بو قالین گوءزگودن باخان جاوان اوغلانین، یعنی ببرین یانیندا یالان ایدی و صیدق-اوءرکدن اؤزونه وئردیگی بو قیمت ببرین کئفینی داها دا قالدیردی و ببر باشا دوءشدو کی، بو گوءنکو گوءنو، داها دوغروسو، بو گوءنکو گئجه نی یونگول کئچیره جک، یورولمایاجاق و باییرین کوءلگی ده ناحاق یئره ائله طوغیان ائله ائله ییر، بو گوءن ، باخ؛ بو گئجه ببری مقصدینه بیر آددیم دا یاخینلاشدیراجاق...

 

-----کیتابی یوءکله مک اوءچون تیکله یین----- * یئنی لینک *

+ نوشته شده در  89/04/27ساعت 21:9  توسط -  | 

آنا دیلی - بختیار وهابزاده

 

ديل آچاندا ايلک دفعه  « آنا » سؤيله ييريک بيز، 

  « آنا ديلي » آدلانير بيزيم ايلک درسليگيميز. 

  ايلک ماهنيميز لايلاني آناميز اؤز سودويله 

  ايچيرير روحوموزا بو ديلده گيله - گيله. 

    

  بو ديل  بيزيم روحوموز، عشقيميز، جانيميزدير، 

  بو ديل  بير- بيريميزله عهد و پئيمانيميزدير. 

  بو ديل  تانيتميش بيزه بو دونيادا هر شئيي، 

  بو ديل  اجداديميزين بيزه ميراث وئرديگي 

  قيمتلي خزينه دير…اونو گؤزلريميز تک 

  قورويوب، نسيللره بيز ده هديه وئرک. 

    

  بيزيم اوجا داغلارين سونسوز عظمتيندن، 

  ياتاغينا سيغمايان چايلارين حيدتيندن، 

  بو تورپاقدان، بو يئردن، 

  ائلين باغريندان قوپان يانيقلي نغمه لردن، 

  گوللرين رنگلريندن، چيچکلرين ايگيندن، 

  ميل دوزونون، موغانين سونسوز گئنيشليگيندن، 

  آغ ساچلي بابالارين عقليندن، کاماليندان، 

  دوشمن اوستونه جومان او قيراتين ناليندان 

  قوپان سسدن ياراندين. 

  سن خالقيمين آلديغي ايلک نفسدن ياراندين. 

    

  آنا ديليم،  سنده دير خالقين عقلي، حيکمتي، 

  عرب اوغلو مجنونون دردي سنده ديل آچميش. 

  اورکلره يول آچان فضولي نين صنعتي، 

  ائي ديليم، قودرتينله دونيالارا يول آچميش. 

  سنده منيم خالقيمين قهرمانليقلا دولو 

  تاريخي واراقلانير، 

  سنده نئچه مين ايلليک منيم مدنيتيم، 

  شان- شؤهرتيم ساخلانير. 

  منيم آديم- سانيمسان، 

  ناموسوم، ويجدانيمسان! 

    

  بو ديل  تانيتميش بيزه بو دونيادا هر شئيي، 

  بو ديل  اجداديميزين بيزه قويوب گئتديگي 

  ان قييمتلي ميراثدير، اونو گؤزلريميز تک 

  قورويوب، نسيللره بيز ده هديه وئرک! 

    

  ائي اؤز دوغما ديلينده دانيشماغي عار بيلن 

  فاسونلو اده بازلار، 

  قلبينيزي اوخشامير قوشمالار، تئللي سازلار. 

  بونلار قوي منيم اولسون، 

  آنجاق وطن چؤرگي، 

  بير ده آنا اورگي.

  سيزلره غنيم اولسون. 

 

+ نوشته شده در  89/02/26ساعت 13:31  توسط -  | 

قارداشليق يولداشليق ادبي باريش– بولود قاراچورلو (سهند)

 

کیتاب یاپماغا فورصتیم اولماماق اوءچون واخت اولاندا تکجه بیر شعر یا بیر یازی سیزه گؤندرمک ایسته ییرم. بو بیرینجی سی. جنوبی آذربایجانین بؤیوک شاعیری بولود قاراچورلو (سهند)دن بیر شعر:

 

من دئميرم اوءستون نيژاددانام من

دئميرم ائللريم ائللردن باشدير

منيم مسليكيمده، منيم يولومدا

ميلّت لر هامي سي دوستدور، قارداشدير

 

چاپماق ايسته ميرم من هئچ ميلّتين

نه ديلين، نه يوردون، نه ده امگين

تحقير ائله ميرم، هده له ميرم

كئچميشين، ايندي سين، يا گله جگين

 

من آييرميرام، آيري سالميرام

قارداشي، قارداشدان، آروادي اردن

آناني بالادان، اتي ديرناقدان

اوءرگي اوءركدن، قانادي پردن

 

پوزماق ايسته ميرم من بيرليك لري

اينسانليق بيرليگي ايدياليمدير

قارداشليق، يولداشليق، ادبي باريش

دونيادا ان بؤيوك آرزي لاريمدير

 

آنجاق، بير سؤزوم وار من ده اينسانام

ديليم وار خالقيم وار، يوردوم، يووام وار

يئردن چيخماميشام گؤبلك كيمي

آدامام، حاقّيم وار، ائليم، اوبام وار

 

قول يارانماميشام ياراناندا من

هئچ كسه اولمارام، نه قول، نه اسير

قورتولوش عصري دير اينسانا بو عصر

اسير اولانلار دا بوخوون كسير

+ نوشته شده در  89/01/07ساعت 13:50  توسط -  | 

سلام

 

نوروز بایرامینیز موبارک.

یئنی ایلینیز قوتلو اولسون.

نوروز بايرامي نيز موبارك/ عكس: آدم برفي ها سايتيندان

 

البته بوندان علاوه بير سؤز ده دئمَليم؛ چتين اولسا دا؛ هله بو تئزليكده ائله يه بيلمرم بير باشقا كيتاب كيتابخانادا ياپام. آللاّه ايسته سه ائله يه بيلديكجه يئني كيتابلاري بورادا ياپاجاغام.

البته هله ده سيزين كؤمگينيزي گؤزله ييرم. من تك اللي بير ايش گؤره بيلمرم.

هله ليك.

+ نوشته شده در  89/01/01ساعت 14:16  توسط -  | 

خورشید بانو ناتوان – شعرلری

 

 

خورشيد بانو ناتوان کيم ايدي؟

 

خورشيد بانو ناتوان، آذربايجانين گؤرکملي شاعيره قاديني، قاراباغين سونونجو حاکيمي، «مهدي قولو خان جوانشيرين» قيزي، «ابراهيم خليل خانين» نوه سي دير. 6 آوقوست 1832-ده شوشادا آنادان اولدو و 2 اوکتيابر 1897-ده همين شهرده وفات ائتدي.

مهدي قولوخان قيزينا اؤز آناسي «خورشيد بانو»نون آديني وئرميشدي. او اؤز عاييله سينين بيرجه اؤلادي اولدوغو اوءچون اونا عاييله ده «دورّ- يئكتا» دئييلرميش و خالق آراسيندا «خان قيزي» آديندا چاغيريليرميش.

خورشيد بانو پارلاق ايستعدادا و قاباقجيل ايدئالارا ماليك اولان شخصيّت اولموشدور. او، آذربايجان مدنيّتينده و ايجتيماعي حياتيندا درين ايزلر قويموشدور.بو فِنومِنين مئيدانا گلمه سينين بير نئچه اساس سببي واردير. بونلاردان بيريسي شاعيره نين سوي كؤكودور. يعني ناتواندا ايكي بؤيوك نسلين – جوانشيرلرين و زياد اوغلو قاجارلارين قاني واردير. آدلاريني چكديگيميز بو ايكي بؤيوك و شرفلي نسلين هر بيريسي دونيادا بير سيرا شاعير گتيرميشدير.

ناتوانين فيطري ايستعدادينين اوءزه چيخماسي و چيچكلنمه سينين باشقا بير سببي، شوبهه سيز، شوشانين تكرار ائديلمز ياراديجي آب-هاواسي و موحيطي ده اولموشدور.

ايلك شعرلريني 50-جي ايللرده شرقين عنعنوي مؤضوعلاري ايله باشلاميشدي؛ غزللرينده محبّت و طبيعت گؤزلليكلري ترنّوم اولونور. 16 ياشلي اوغلونون اؤلوموندن سونرا ناتوان بدبين روحلو شعرلر يازميشدي.

گنج شاعيره شوشانين بير عيدّه شاعيره لري نين ايسته ديگينه گؤره اورادا «مجليس- اونس» ادبي مجليسي تشكيل ائدير. بو مجليسين رهبرليگي و اونون بوءتون خرجيني خورشيدبانو اؤز اوءزرينه گؤتورموشدو. مير محسن نوّاب قاراباغي نين رهبرليگي ايله «مجليس- فراموشان» آدلي داها بير پوئتيك مجليس ده فعاليّت گؤستريردي. محض بو زامان خورشيد بانو (شاعيره اؤز ننه سينين آديني داشييردي) «ناتوان» تخلّوصونو اؤزونه گؤتورموشدو.

ناتوانين پوئزياسي آذربايجان خواننده لريني ده روحلانديرير. بؤيوك صنعتكاريميز سئييد شوشينسكي نين ناتوان حاقّيندا خاطيره سينده قئيد اولونور كي، او شاعيره نين غزللريني سگاه اوءستونده اوخويارميش (نظامي آدينا آذربايجان ادبيّاتي موزئيي نين فوندو) و اوندان بري دئمك اولار كي بو گوءنه كيمي تانينميش آذربايجان خواننده لري شاعيره نين غزللريني اوخويوب ايلهام آليرلار.

 

خورشيدبانو ناتوان 1897-جي ايل 1 اوكتيابردا وفات ائتميشدي و آغدامين «عيمارت» قبريستانليغيندا دفن اولونموشدور. آدينا كوءچه، كلوب، كيتابخانا و مكتب واردير. خان قيزي نين ال يازمالاري، شخصي گئييم و اشيالاري نادير اكسپونات كيمي آذربايجان آرخيو و موزئيلرينده ساخلانيلير. باكي دا هئيكلي قويولموشدور.

 

چاپ اولونان اثرلري:

سئچيلميش اثرلري، تبريز: 1991؛ 112 ص.

اثرلري، باكي: ليدر نشريّاتي، 2004؛ 87 ص.

اثرلري، باكي: يازيچي، 1984؛ 100 ص.

33 غزل، باكي: گنجليك، 1981؛ 36 ص.

شعرلر، باكي: آذرنشر، 1965؛ 80 ص.

 

حاقّيندا اولان ادبيّات:

جعفرزاده ا. ناتوان حاقّيندا حكايه لر. باكي: آذرنشر، 1963، 60 ص.

خورشيدبانو ناتوان، آذربايجان يازيچي لارينين حياتيندان دقيقه لر. باكي: 1979، صص 44-48

محمّدوو ب. خورشيدبانو ناتوان. باكي: يازيچي، 1983، 158 ص.

ناتوانين شاعير قوهوملاري. باكي: آذرنشر،  1989، 84 ص.

عليئوا هـ. ناتوانين تيكمه لري. «قوبوستان». 1970، ن 1، صص 42-46

افنديئو اي. خورشيدبانو ناتوان. «آذربايجان»، 1985، ن 11، صص 22-65

محمّدوو ب. خورشيدبانويا. «اولدوز»، 1995، ن 1، صص 36

 

بو مقاله آذربايجانجا ويكي پديادا خورشيدبانو حاقّيندا اولان مقاله نين بير نئچه بؤلومودور. بو مقاله ني تكميل اوخوماق اوءچون بو سايتا موراجيعه ائده بيلرسينيز.

 

www.az.wikipedia.com

 

 

کیتابین موشخّصاتی:

 

کیتابین آدی: خورشید بانو ناتوان شعرلری

شاعیر: خورشید بانو ناتوان

تایپ: ی. ف.

فورمت: PDF

صفحه لر تعدادی: 39

سایز: 288 کیلوبایت

 

 

خورشید بانو ناتوانین شعرلریندن بیر نومونه:

 

فيريشته طلعت و مه روي و خوش ليقا، گئتمه
جمالي قلبيمه داييم وئرن ضيا، گئتمه
مسيح تک، نفسي مورده ني ائدن احيا
دهاني ايچره اولان چشمه-ي بقا گئتمه
اسير- دانه اولوب، دام- زوءلفه دوءشدو کؤنول
او نؤع سيلسيله دن کيم ائدر رها، گئتمه
مريض- عشق اولانا نئيله سين طبيب- زمان
سوا-ي شهد- لبين يوخدو بير دوا، گئتمه
کمال- شؤقله قوي ائيله ييم خليل آسا
او خاک- مقدمينه جانيمي فدا، گئتمه
اگر فراقيني گؤرسم، گؤرن گؤزوم چيخسين
گؤزومده خاک- رهين عئين-توتيا، گئتمه
طواف- کويده سعييم نئجه اولور حاصيل؟
اونا کي، ذيکر- لبين وئرمه سه صفا، گئتمه؟
خزينه گؤهري تک اولماسان نهان گؤزدن
ووجودونو ائله ييب محض کيميا، گئتمه
رقيب طعنه سي، هيجران غمي اولور موشگول
بو ناتوانه گؤروب اونلاري روا، گئتمه

 

----- بو کیتابی یوءکلمک اوءچون تیکله ییین  -----

+ نوشته شده در  88/11/21ساعت 10:22  توسط -  | 

الیفبامیز – رحیم رییس نیا

 

کیتابین موشخّصاتی:

 

کیتابین آدی: الیفبامیز

یازیچی لاری: رحیم رییس نیا

قایناق: www.azeri.org

تایپ: ی. ف.

فورمت: PDF

صفحه لر سایی سی: 7

سایز: 122 کیلو بایت

 

کیتابی یوکلمک اوچون بورایا تیکله یین

+ نوشته شده در  88/08/17ساعت 10:35  توسط -  | 

جنوبی آذربایجاندا آنا دیلینده اثرلرین چاپ و نشر تاریخی – دوکتور حسن جوادی، ابوالفضل بهادری

 

کیتابین موشخّصاتی:

 

کیتابین آدی: جنوبی آذربایجاندا آنا دیلینده اثرلرین چاپ و نشر تاریخی

یازیچی لاری: دوکتور حسن جوادی، ابوالفضل بهادری

قایناق: www.azeri.org

تایپ: ی. ف.

فورمت: PDF

صفحه لر سایی سی: 22

سایز: 465 کیلو بایت

 

بو مقاله بئش بؤلومده یازیلمیشدیر:

1-     ایلک چاپ اثرلری (1)

2-     ایلک چاپ اثرلری (2)

3-     مشروطه دن سونرا – پهلوی حاکیمیّتی و دموکرات فیرقه سی دؤرو

4-     یاساق ایللری

5-     سون ایللر

 

کیتابدان بیر پارچا:

 

جنوبی آذربایجاندا، آذربایجانجا نشر اولونموش اثرلری، اوءچ موختلیف دؤره عایید ائتمک اولار:

1-     مطبعه تاریخی نین باشلانغیجیندان، پهلوی دؤرونه قدر چاپ اولونموش اثرلر

2-     پهلوی حوکومتی زامانی نشر ائدیلمیش و

3-     پهلوی حاکیمیّتی نین دئوریلمه سیندن بو گوءنه کیمی نشر اولونموش اثرلر.

 

بو اوءچ دؤرون اؤزونده ده خوصوصی اهمیّته مالیک اولان تاریخی حادیثه لر آذربایجاندا چاپدان چیخان  مطبوعات و نشریاتین آزالیب چوخالماسینا سبب اولموشدور...

 

----- کیتابی یوکله مک اوچون تیکله -----

+ نوشته شده در  88/07/21ساعت 9:32  توسط -  | 

ایشغال اولونموش رایونلار

 

بیلدیگینیز کیمی، بیزیم دیلداش و دینداشیمیز اولان، آذربایجانلی موسلمانلارین تورپاغی ارمنی ایشغالچیلاری نین آیاقلاری آلتیندا تاپدالانیر. بو کیتابدا سیز ارمنی لر آذربایجان تورپاغیندان ایشغال ائله ین رایونلاری حاقّیندا بیر ایطّیلاعات اله گتیره بیلرسینیز.

 

کیتابین آدی: ایشغال اولونموش رایونلار

قایناق: کیتاب سایتی www.kitab.az

تایپ: ی. ف.

فورمت: PDF

صفحه لر سایی سی: 19

سایز: 491

 

 

----- کیتابی یوءکلمک اوءچون بورایا تیکله یین -----

+ نوشته شده در  88/07/03ساعت 15:44  توسط -  | 

حیدربابایا سلام" و سهندیه" پوئمالاری – اوستاد محمّد حسین بهجت (شهریار)

 

«سئیید محمّد حسین بهجت تبریزی» آدینی بیر عیدّه لر تانیماسا دا «شهریار» آدینی تانیمایان بیر کیمسه نی اؤز اؤلکه میزده تصوّور ائتمک اولماز. 1906-جی ایلده (1285 گوءنش ایلی) تبریزده آنادان اولدو. آتاسی «میر آغا خشگنابی»  تبریزده وکیل ایدی. شهریار اوشاق ایکن او زامانین آذربایجان شهرلرینده امنیّت اولماماغی اوءچون عاییله سی ایله بیرلیکده  آناسی کندی «قیش قورشاق» و آتاسی کندی «خوشگینابا» کؤچموشدو. شهریارین خوشگینابدا قالماغی ایجباری حالتی اولسا دا؛ اونون گله جکده کی؛ ان اؤنملی و اهمیّتلی اثرینه بیر تمل کیمی قورولموشدو. حیدربابایا سلام، فارس ادبیّاتیندا اوستاد اولان شهریاری، توءرک ادبیّاتیندا دا شهریار ائله دی و بو بؤیوک اوستادی اؤز آنا دیلینه ساری قایتاردی (1330-جو اون ایللیگین اوّللری). بو زامان پهلوی حاکیمیّتینده اولان توءرک دیلینه قارشی خفقان ایللری ایدی و ائله بونا گؤره ده توءرک ادبیّاتیندا بو زامانا عایید چوخ آز بیر دَیَرلی اثرلره یئتیشیریک. دیلینی و یوردونو سئون آذربایجانلیلار، ایجباراً بوءتون سؤزلرینی فارسجا دیلینده دئییب و یازیردیلار و ائله یه بیلسَیدیلر، توءرک دیلینی و آذربایجان کوءلتورونو فارس ادبیّاتیندا تانیتدیریردیلار. صمد بهرنگی، غلامحسین ساعدی، پروین اعتصامی و بونلاردان علاوه چوخلو یازیچیلار و شاعیرلردن آد چکمک اولار کی آذربایجانلی اولسالار دا، اثرلری فارس دیلینده یازیلمیشدی. شهریار دا ائله بو سیرا شاعیرلردن اولموشدور. آمّا بو زامان (1330-جو اون ایللیگین اوّللری) آناسی و تانیشلاری نین دئدیکلریندن تأثیر آلیب و توءرک دیلینده یازماغی «حیدربابایا سلام» پوئماسی ایله باشلامیشدی. حیدربابانین یازیلماسینا گؤره دئییلیر کی، شهریارین آناسی، اونا دئییردی: «اوغلوم دئییرلر کی سن بؤیوک بیر شاعیر اولوبسان، آمّا من سن دئدیگین شعرلری باشا دوءشمورم، بس نیه منیم دیلیمده دئمیرسن؟ بیر آز دا منیم دیلیمده سؤیله، قوی من ده بیلیم».

 

سئیید محمّد حسین بهجت تبریزی (شهریار)

 

«حیدربابایا سلام» پوئماسی چوخ تئز، دیللر ازبری اولوب، اونا نظیره لر یازیلیب، اونلارجا دیله چئوریلیب، نئچه مملکتین درسی کیتابلارینا داخیل اولوب، و مؤهوم اونیورستتلرده دوکتورا سطحینده اوءستونده بحث اولونموشدور و یوءزلرجه علمی کیتاب و مقاله مؤوضوسو اولموشدور؛ حتّی تورکولوقلار آذربایجان توءرکجه سینی بو منظومه نین ماتریالینا دایاناراق آراشدیرمیشلار. فارس دیللی لر تکجه حیدربابانی باش آچماق اوءچون توءرک دیلینی اؤیرنمگه باشلامیشلار. بو پوئما توءرک دونیاسیندا و اؤزللیکله ایران آذربایجانی، قوزئی آذربایجان، توءرکیه و عراق توءرکلری آراسیندا بیر یانغی یارادیب و بیر کؤرپو قوردو. آنا دیلینده شعر نهری نین ایلک دالغاسی و ایلک سارسینتیسی اولموشدور. شؤهرتلی شاعیرلر، بولود قاراچورلو (سهند)، سلیمان رستم، ممّد راحیم، بختیار وهابزاده و... اونا جاواب یازدیلار. بوءتون بونلاردان علاوه، «حیدربابایا سلام» توءرک ادبیّاتیندا، یئنی بیر ژانر یاراتدی، حسرت ادبیّاتی آدیندا. بئله لیکله شهریارین کندینده اولان حیدربابا آدلی کیچیک بیر داغ طوفان یاراتدی توءرک ادبیاتیندا و شهریار اؤزو دئدیگی کیمی، او «کیچیک بیر داغی سرمنزیل-عنقا ائله دی».

«حیدربابایا سلام» پوئماسی چوخلو عالیملره گؤره، شهریارین ان اؤنملی اثری تانینسا دا، بیر چوخلو باشقا عالیملر طرفیندن، شهریارین دیگر گؤزل یارادیجیغی، «سهندیّه»-سی «حیدربابایا سلام» شعری ایله برابر تانینمیشدیر و حتّی بیر عیدّه «سهندیّه»-نی «حیدربابایا سلام» اثریندن ده باش تانیمیشلار. بو گؤزل شعر ماراغانین «سهند» تخلّوص ائدن بؤیوک شاعیری، «بولود قاراچورلو» حاقّیندا یازیلمیشدی و شهریار بو شعرده قاراچورلونو «سهند» داغینا بنزدیر و اؤزو دئدیگینه گؤره، پوئمانین آدیندا دا ایهام صنعتی ایشلتمیشدی. شهریار اؤزو دئییردی کی، اؤز الینده اولسایدی، هر گوءن بیر سهندیّه یازاردی، آمّا مسأله بو قدر ده راحات دئییل و شاعیر ایسته ینده بیر شاه اثر یاراتسین، بیر عالی و وصفه گلمه ین حالته گئدیر.

قاراچورلو، شهریاردا چوخلو تأثیر قویان شاعیرلردندیر.

بوندان قاباقجا، من شهریارین بو ایکی شعرینی، اینترنتده پی.دی.اف. شکلینده گؤرموشم، آمّا حئییف کی، توءرک دیلی مدرسه لرده اؤیرنیلمه مه سینه گؤره، بونلاردا ایملا آدیندا بیر مسأله گؤرونمه ییر. بیز چالیشمیشیق کی، ائله یه بیلدیگیمیز حدده، کیتابلاریمیز ساده و گؤزل ایملا ایله سیز عزیزلرین اللرینه چاتسین.

شهریار 1988-جی ایلده (1368-جی گوءنش ایلی 27 شهریورده) دونیاسینی دَییشدی و اؤز وصیّتینه گؤره، تبریزده مقبرةالشّوعرادا دفن ائدیلدی. بو گوءن ایراندا «میلّی شعر و ادبیّات گوءنو» آدلانمیشدیر؛ آمّا بیر عیدّه لر بو عیبارته «فارس» سؤزو قاتماقلا (میلّی فارسجا شعر و ادبیّات گوءنو) ایسته ییرلر شهریارین توءرک دیللی شعرلرینین قاباغیندا اؤزلرینی گؤرمه مزلیگه وورالار و اؤز شووونیستی فیکیرلرینی یئریده لر. من بو کیتابی 27-شهریور 1388-ده وبلاگا یاپیرام کی، بو سؤزو دئییم کی: «شهریار فارس شعر و ادبیّاتیندا ان بؤیوک اوستادلاردان اولسا دا، توءرک دیلینده ده گؤزل اثرلر یاراتمیشدی و اونون وفات گوءنونو فارس شعر و ادبیّاتی آدینا کئچمک، اونون توءرک دیللی اثرلرینی گؤرمه مک کیمی گؤرونور و بو ایشین تکجه اولدوغو اثری بودور کی، ایرانین بؤیوک بیر قیسمی اولان توءرک دیللی خالق بو ایشلرین عامیللریندن نیفرتلی اولورلار.»

 

«گلین بیرلیگی اولان ایرانا چالیشاق.»

 

 

ی. ف.

1388، شهریور، 23

 

 

قایناقلار:

کوءلتور سایتی www.kultur.gov.tr

ویکی پدیا سایتی www.wikipedia.org

آموزش کانالی نین سایتی www.irib.ir/amouzesh/

 

 

 

کیتابین موشخّصاتی:

 

کیتابین آدی: "حیدربابایا سلام" و "سهندیه"

شاعیر: سئیید محمّد حسین بهجت تبریزی (شهریار)

تایپ: ی. ف.

فورمت: PDF

صفحه لر تعدادی: 46

سایز: 298 کیلو بایت

 

----- کیتابی یوءکلمک اوءچون تیکله -----

+ نوشته شده در  88/06/27ساعت 17:8  توسط -  | 

 

سلام

 

بو گوءن کیتاب وبلاگدا یاپماق ایسته میرم. فقط بونو دئمک ایسته ییرم کی: بو گوءن (۱۶/۶/۱۳۸۸) دده قورقود کیتابخاناسی بیر ایللیک اولدو.

 

بو بیر ایلده ۱۴ جیلد کیتاب کیتابخانایا قویولدو و سیز عزیز اوخوجولارا تقدیم اولوندو (کی بو گوءنه کیمی تقریبا ۶۳۰ دفعه دانلود اولوندولار). ایندی ایسه آللاهین اومیدی ایله بو ایشی داواملامالیام.

 

۱- فضولی دن ۷۰ شعر - بیرینجی بؤلوم

   "          "         "  ایکینجی بؤلوم

۲- صائب تبریزی دن ۷۰ شعر

۳- نسیمی دن ۳۵ شعر

۴- قیامت و آخیرت حیاتی - (مذهبی مقاله) - یحیی حوا

۵- حاجی قارا - میرزه فتحعلی آخوندزاده

۶- سئوگی - (روانشیناسی مقاله) - سئودا فرضعلیئوا

۷- ساری گلین - ائلچین افندیئو

۸- شامع و پروانه - عزیزه جعفرزاده

۹- بالاجا شاهزاده (بیرینجی بؤلوم) - آنتوان دوسنت اقزوپری

۱۰- دل آرا - جعفر جبارلی

۱۱- دلی دومرول - دده قورقود کیتابیندان

۱۲- آذری دیلی -  غضنفر کاظموو

۱۳- فلسفی فیکیرده اینسان و طبیعت پروبلمی

 

بو کیتابلاردان علاوه بیر باشقا کیتابدا بو کیتابخانایا قویموشام کی دده قورقود کیتابخاناسینین کیتابی دئییل و من لازیم گؤرموشم کی اونو دا بو کیتابخانایا قویام:

تورک یازی قوراللاری

بو کیتاب تورک دیلی نین ایملاسی حاقیندا ۱۳۸۰-جی ایلده تعیین اولونموش قایدالاری گؤستریر.

 

بو کیتابلاری اوخوماق اوءچون بو لینکه موراجیعه ائده بیلرسینیز:

-----بورایا تیکله یین-----

البته یئنه ده دئییرم: بو وبلاگی یازماق اوچون یولداش گزیرم. سیز عزیزلر اگر تایپ ایشینه واریدسینیز منه بو ایشده بیزه کؤمک ائدین. ممنون اولارام.

نظرلرینیزی گؤزله ییرم

+ نوشته شده در  88/06/16ساعت 13:9  توسط -  | 

بو گوءنکی کیتاب فضولی دن 70 شعردیر کی من بو کیتابی فضولی نین اؤز شعرلری نین آراسیندان «اینانارمی، اینانمازمی؟» آدلاندیرمیشام.

 

فضولی دن بوندان قاباقجا بیر باشقا شعر توپلوسو دده قورقود کیتابخاناسیندا یاییلیبدیر، کی بو لینکده اونو گؤره بیلرسینیز:

 

 

www.dqk.blogfa.com/post-2.aspx

 

 

کیتابین موشخّصاتی:

 

کیتابین آدی: محمّد فضولی نین سئچیلمیش غزللرینین ایکینجی بؤلومو (70 غزل مولاّ محمّد فضولی دن)

شاعیر: مولاّ محمّد فضولی

تایپ: ی. ف.

صفحه لر تعدادی: 39

کیتابین سایزی: 255 کیلو بایت

فورمت: PDF

 

 

فضولی دن بیر گؤزل شعر:

 

گؤردوم اول خورشید- حوءسنون ایختیاریم قالمادی

سایه تک بیر یئرده دورماغا قراریم قالمادی

بیر گوءن اولماز طلعتین گؤرمک مویسّر آه کیم

ذرّه جه اول گوءن یانیندا اعتیباریم قالمادی

پاک قیلدی صورتیمدن ضعف دهر آیینه سین

اؤیله محو اولدوم کی، بیر ذرّه غوباریم قالمادی

غم گوءنو همدم لریم غرق اولدولار گؤز یاشینه

سیلمگه گؤز یاشیمی بیر غم گوساریم قالمادی

روزگاریم خوش کئچیردی، آه کیم دؤوران دؤنوب

اولدو احوالیم خراب، اول روزگاریم قالمادی

راه- عشق ایچره منه آنجاق فنا مقصود ایدی

شوءکر کیم، مقصوده یئتدیم، اینتیظاریم قالمادی

ائی فضولی، ائل قامو اغیاریم اولدو یار اوءچون

سوز- دیلدن غئیری بیر دیلسوز یاریم قالمادی

 

 

اومودوم وار کی بو کیتابی اوخویوب خوشلایاسینیز:

 

 

-----بو کیتابی یوءکلمک اوءچون بورا تیکله یین-----

+ نوشته شده در  88/06/12ساعت 21:39  توسط -  | 

کیتابین موشخصاتی

کیتابین آدی: فلسفی فیکیرده اینسان و طبیعت پروبلمی

یازیچی: عادل حسینوو

تایپ: ی. ف.

صفحه لر سایی سی: 7

فورمت: PDF

سایز: 153 کیلوبایت

کیتابدان بیر پارچا:

عصرلر بویو اینسان و اونون پروبلملری جمعیّتی همیشه دوءشوندورموش، اینساندا هله ده اؤیرنیلمه میش و حل ائدیلمه میش پروبلملرین اولماسینی عالیملر اعتیراف ائتمیشلر. اونلار بونو اساسا اونونلا ایضاح ائتمگه چالیشمیشلار کی اینسان پروبلمی سون درجه ده مورکّب و چوخ جهتلی اولدوغونا گؤرو بو گوءنه کیمی اونو آرادان قالدیرماق مومکون اولمامیشدی.

 

----- بو کیتابی یوکلمک اوءچون تیکله -----

+ نوشته شده در  88/05/19ساعت 18:51  توسط -  | 

توءرک یازی قوراللاری- دوکتور جواد هیئت

 

1380-جی ایلین شهریور آییندا ایکینجی توءرک دیلی اورتوقرافی سمیناری تهراندا تشکیل اولوندو. بو سمینارین باشقانی دوکتور جواد هیئت ایدی.

بو سمیناردا و بیرینجی سمیناردا آلینان قرارلار بیر PDF فایلدا یازیلمیشدیر. بو کیتاب دده قورقود کیتابخاناسینین کیتابلاریندان دئییلدیر، آمّا چوخ فایدالی اولدوغو اوءچون اونو بو کیتابخانادا قویدوم، کی ایستیفاده ائده بیله سینیز.

بو کیتابدا عرب کؤکلو توءرک الیفباسینین یازی قوراللاری ایله تانیش اولا بیلرسینیز.

سیزدن دعوت ائدیرم کی حتما بو کیتابی اوخویون، و حتماً توءرکجه یازیلارینیزدا بو قوراللاری ایشلدین.

 

 

کیتابین موشخصّاتی:

کیتابین آدی: توءرک دیلی یازی قوراللاری

یازار: دوکتور جواد هیئت

صفحه لر ساییسی: 28

حجم: 559 کیلوبایت

فورمت: PDF

 

کیتابین بیر قیسمتی:

 

E سسی:

 

بو سس توءرک سؤزلری نین هر یئرینده آشاغیداکی علامتلرین موافیق فورمو ایله ایفاده اولاجاق:

 

ائـ، ئـ، ئ،

 

میثال اوءچون:

 

ائشیدیرم، دئمه میشم، گئدیرم، یئ، دئ،

 

بو سس آلینما کلمه لرین باشلانغیجیندا و اورتاسیندا یازیلماز، آنجاق چاشقینلیق احتمالی اولان یئرده، ــِـ حرکه سیندن فایدالانماق اولار:

 

انرژی، اِلِمِنت، تلویزیون، تکنولوژی، تست

احسان علم، حکایه، فاتح، قانع، نهضت، عشق،

 

بو سس Y سسی نین جواریندا گلیرسه، ایستر آلینما، ایسترسه اؤز سؤزلریمیزده موطلق یازیلمالیدیر:

قئید، مئیل، سئیر، شئیدا، گوءنئی، سئیرک، حئیرت، غئیرت، جئیران، تقی یئف، یئکون، ویئتنام، هئیأت

 

همین سسی اصلینده I، سسی، بیزده ایسه E، سسی ایله ایفاده اولان فارس و عرب کؤکلو کلمه لرده ده یازماق لازیمدیر:

 

تسبئح، قبئح، سفئه، بئچارا، بئساواد، پئشواز، پئشکش

 

 

---کیتابی یوءکلمک اوءچون تیکله---

 

+ نوشته شده در  88/05/03ساعت 12:16  توسط -  | 

 

سلام

 

بئله بیلیرم کی هامینیز، احمد کسروینین "آذری یا زبان باستان آذربایجان" آدلی کیتابی ایله تانیشسینیز. بو کیتابدا احمد کسروی آذربایجانین قدیم دیلینی فارس منشألی آذری دیلی تانیییب و توءرکلرین آذربایجانا گلمه سینی صفویلر عصرینه عایید بیلیر.

آذربایجان عالیمی کسروی و کسروی لرین نظریه لرینین قارشیسیندا "آذری دیلی" مقاله سینی یازیب و اوندا چالیشیب کی دلیللرله بو نظریه نین غلطلیگینه ثوبوت گتیرسین.

 

 

غضنفر کاظموو کیمدیر؟

qezenfer_kazimov.gifغضنفر شیرین اوغلو کاظموو 3 مارت 1937-جی ایلده آذربایجان رسپوبلیکاسی، جبراییل رایونونون سولطانلی کندینده آنادان اولموشدور. آتاسی آلله وئردیئو شیرین کاظیم اوغلو 1943-جو ایلده جبهه ده هلاک اولموشدور. غ. ش. کاظموو 1955-جی ایلده سولطانلی کند اورتا مکتبینی، 1960-جی ایلده و. ای. لِنین آدینا آذربایجان دؤولت پداقوژی اینستیتونون تاریخ-فیلولوگیا فاکولته سینی بیتیرمیشدیر. 1960-1962-جی ایللرده سولطانلی کند اورتا مکتبینده موعلّیم ایشلمیشدیر. 1962-جی ایلده آذربایجان دیلچیلیگی ایختیصاصی اوءزره پداقوژی اونیوِرسیتتین آسپیرانتوراسینا داخیل اولموشدور. 1967-جی ایلده نامیزدلیک، 1988-جی ایلده دوکتورلوق دیسِرتاسیاسی مودافیعه ائتمیشدیر.

اساس اثرلری:

آذربایجان دیلیندن تجروبی مشغله لر- 1973

یازیچی و دیل- 1975

کومیک بدیعی واسیطه لر- 1983

بدیعی ادبیّاتدا کومیزم اوصوللاری- 1987

قوربانی- 1990

قوربانی و پوئتیسکا- 1996

صنعت دوءشونجه لری- 1997

دیلیمیز- تاریخیمیز – 1998

موعاصیر آذربایجان دیلی. سینتاکسیس- 2000

آذربایجان دیلینین تاریخی (ان قدیم دؤورلردن 13-جو عصره قدر)

عالی و اورتا مکتبلرین «آذربایجان دیلی» درسلیکلری

 

بونلاردان علاوه چوخلو مقاله لر یازمیشدیر کی اونلارین آدلارینی چکمک بو یازینین حؤوصله سینده دئییل. بو بیوقرافیانی کامیل اوخوماق اوءچون اولو دیل سایتینا موراجیعه ائدین. (بیوقرافیا 2003-جو ایله عاییدیر.)

www.uludil.gen.az

 

 

کیتاب موشخّصاتی:

 

کیتابین آدی: آذری دیلی

یازیچی: غضنفر کاظموو

فورمت: PDF

سایز: 315 کیلوبایت

تایپ: ی. ف.

 

----- کیتابی یوءکلمک اوءچون تیکله -----

+ نوشته شده در  88/04/21ساعت 17:6  توسط -  | 

سلام عزیز اوخوجولار

 

چوخ خوشحالام کی چوخلو چالیشمالاردان سونرا یئنه بیر باشقا کیتابی سیزه تقدیم ائله مگه حاضیرلادیم. خصوصا کی بو کیتاب ائله دده قورقود کیتابینین بیر حیصّه سیدیر.

بو کیتابیمیز دده قورقود کیتابیندان بیر بویودور (داستانیدیر). دلی دومرول کیتابینی تؤوصیه ائدیرم کی حتما اوخویون.

1815ـ‌جی ایلده آلمانین «درِسدن» شهریندن، گؤرکملی عالیم و بیلگین «دیتس» وسیله‌سیله بیر اَل یازما کیتاب تاپیلدی کی اونون جیلدی اوستونده یازیلمیشدی : «کتاب دده قورقوت علی لسان طایفه اغوزان» بو حادیثه تورکلر اوچون اؤنملی و مؤهوم بیر اولای ایدی. نیه کی اونلارین کئچمیشلری‌نین آیدینلاشماسیندا بؤیوک نقشی واریدی. بو کیتاب بیر موقدّیمه و 12 بویدان تشکیل تاپمیشدی. دیتس بو کیتابدان بیر نوسخه برلین کیتابخاناسینا ایستینساخ ائدیب و اونو و هابئله «تپه‌گؤزون اؤلمه‌سی بوسات وسیله‌سیله» بویونون آلمانجا ترجومه‌سینی، 1815ـ‌جی ایلده نشر ائتدی.

نئچه مودّت سونرا واتیکان کیتابخاناسیندان دا بیر دده قورقود کیتابی اله گلدی کی بیر موقدیمه و 6 بویدان عیبارت ایدی. بو ایکی کیتابین تاپیلماسیلا بؤیوک تدقیقات اونلارین اوستونده باشلاندی.

1859ـ‌جو ایلده «تئودور نولدکه» آلمانین گؤرکملی شرقشوناسی، اثری یئنیدن ایستینساخ ائدیب، اونون چئویرمه‌سینه چالیشدی، آمّا مووّفق اولماییب، ایشی باشا چاتدیرا بیلمه‌دی. اونون ایشی‌نین آردینی روس عالیمی «پروفسور بارتولد» توتوب و نئچه داستانین متنینی روسجا ترجومه‌سیله درگیلرده نشر ائتدی. تورکیه ده «موعلّیم رفعت» 1915ـ‌جی ایلده و سونرالار «محرم ارگین» و «اورهان شاییق گؤک‌یای» و آذربایجاندا «حمید آراسلی»، «دمیرچی‌زاده» و «ا.سولطانعلی» و «م.ح. طهماسب» اوزون ایللر علمی شیوه ایله دده قورقود بویلاری اوستونده ایشله‌ییب و دَیرلی اثرلر یازیب و یایدیلار.

حتی 1962ـ‌جی ایلده «یاکوبوفسکی» و «ژیرمونسکی» وسیله‌سیله بیر یئنی ترجومه موفصّل موقدّیمه ایله یاناشی شوروی علملر آکادمیاسی طرفیندن نشر اولدو.

ایراندا دا آذربایجان اولوسال (میلی) شاعیری «بولود قاراچورلو (سهند)» طرفیندن دده قورقود بویلاری نظمه چکیلیب و سازیمین سؤزو آدییلا 1345ـ‌جی ایلده طاغوتی رژیمده تورکجه یازیلارین باسیلماسی‌نین یاساقلیغینا باخمایاراق، باسیلدی. هابئله 1358ـ‌جی ایلده اوستاد «دوکتور محمدعلی فرزانه» وسیله‌سیله اینتیشارات‌ـ‌فرزانه طرفیندن نشر اولدو.

آلمان نوسخه‌سی‌نین یازیلما تاریخی باره‌ده موختلیف نظرلر واردیر. پروفسور بارتولد اونون یازیلماسینی 15ـ‌جی یوز ایللیگه (قرنه) عایید بیلیر. پروفسور کوراوغلو ابجد حسابیله دئییر کی بو اثر 15ـ‌جی عصیرده یازیلیبدیر. بیر سیرا عالیملر ده اونون یازیلما تاریخینی 16ـ‌جی عصر بیلیرلر.

کیتابین دیلی تورکجه‌دیر و آرتیق آذربایجان تورکجه‌سینه اوخشارلیغی واردیر. او حالدا کی آنادولو لهجه‌سی‌نین ده ایزلری اوندا گؤرونور. کیتابین متنیندن بللی اولدوغو کیمی بویلار ایتیفاق دوشن یئرلر آذربایجان و تورکیه‌نین شرقی‌دیر.

کیتاب نظم و نثر صورتینده یازیلیب و اوندا اوچ چئشید شعر وار : عروض، هیجا و سربست (ایندیکی یئنی شعر)

کیتابین موقدیمه‌سینده دده قورقودون خیصلتلری و اؤزللیکلری و هابئله اونون اؤیودلری گتیریلیبدیر. «بایات بویوندان قورقود آتا دئیرلر بیر اَر قوپدو.» دده قورقود اوغوز طایفاسی‌نین اوزانی (آشیغی) و آغ‌ساققالی و ائلی‌نین موشاویری ایدی. قورقود کلمه‌سی باجاریقلی و چوخ‌بیلن و یاخود ائلجه‌بیلن معناسیندادیر. دده قورقود طایفانین قهرمانلارینا آد سئچر و قوپوزونو چالماقلا اوغوزلارا دستان سؤیله‌یردی.

بو کیتابدا اولان ناقیللار ایسلامدان قاباق ایتیفاق دوشوبلر و اوغوزلارین موسلمان اولماسیلا دستانلار دا ایسلامی‌لشیبلر. نئجه کی اوندا هم اصیل تورک آدلاری وار و هم آلینما آدلار. سلجوق، آذر، دومرول، تپه‌گؤز، روستم و ... . کیتابدا غئیرـ‌تورکلره تات دئییلیر. نئجه کی ایندیده تورکلر، غئیرـ‌تورکلره تات دئیرلر. «تورکو آت ییخار، تاتی اَت.»

دده قورقود بویلاری اولوسال (میلی) دستانلاردیر. بو معنادا کی بو ناغیللارین یازانی و سؤیله‌ینی بللی دئییل. اونلاری بیر میلّت یارادیب و دستانلاردا او میلّتین حیات و یاشاییش طرزینی گؤرمک اولار.

بو بویلاردا اوغوز ائللری‌نین یاشاییشی، عادت و عنعنه‌لری، عقیده‌لر و اینانجلاری باره‌ده چوخ گؤزل صورتده معلومات وئریلیبدیر. میثال اوچون اوغوزلار ایچینده خانیم ایله کیشی‌نین فرقی یوخدور. خانیم لازیم اولان واخت سیلاح گئیینیب و دوشمنلرله ساواشیر و هئچ تبعیض اونلا بیر کیشی آراسیندا قویولمور. بو او حالدادیر کی ائله هامان زاماندا باشقا اؤلکه‌لرده آرواد و قادین بیر پست مؤوجود کیمی تانینیردی و وظیفه‌سی فقط پیشیرمک و اوشاق ساخلاماق ایدی و هئچ جوره ایجتیماعی (توپلومسال) حاقلاردان بهره‌مند دئییلدی.

تأسّوفله بیزیم آذربایجاندا میلّتیمیز بو دَیرلی کیتابدان خبرسیزدیرلر و او دا قاییدیر غاصیب پهلوی رژیمی‌نین سویچولوقجا (نیژادپرستانه) ایشلرینه. اومید کی اولوسوموز دده قورقود و باشقا بؤیوک و گؤرکملی بیلگینلریمیزی تانیماقلا اؤز درین هوویّتلریله تانیش اولسون و بئله‌لیکله غرب فرهنگی تهاجومو قاباغیندا مؤحکم دایانسین.

میلادی 1999ـ‌جو ایل، اولوسلار آراسی (بئین‌المیللی) یونسکو قورولوشو ساریسیندان «دَده قورقود» ایلی آدلانمیشدیر.

 قایناق: آذربایجانجا ویکی پدیا

www.az.wikipedia.com

 

بو کیتاب حاقّیندا:

 

بو کیتاب ایکی بؤلومده حاضیرلانیب و سیزین ایختیارینیزدا قویولوبدور. بیرینجی بؤلوم دده قورقود کیتابیندان دلی دوءمرول بویونون اصیل متنیدیر کی بو متنی اوخوماقلان توءرک ادبیّاتینین ان گؤزل داستانلارینین بیریسینی اوخوماقدان علاوه دیلیمیزین تاریخی شکلی ایله ده تانیش اولا بیلرسینیز.

ایکینجی بؤلوم ائله بو بویون چاغداش (موعاصیر) و ساده لشدیریلمیش متنیدیر. بو متنی ف. زینالوو و ص. علیزاده ساده لشدیرمیشدیلر. اصیل متن موءشکول اولسا بو بؤلومده سیز ائله یه بیلرسینیز داستانی اوخویاسینیز. بیرینجی و ایکینجی بؤلوم شرق-غرب سایتینداکی (www.sharq-qarb.az) کیتاب-دده قورقود آدلی کیتابین ترتیب ایله یئتدینجی و ایگیرمینجی حیصّه لرینین عرب کؤکلو الیفبامیزا چئویریلیدیکیدیر.

 

کیتاب موشخّصاتی:

 

کیتابین آدی: دلی دومرول

یازیچی: ---

متنی ساده لشدیرن: ف. زینالوو و ص. علی زاده

تایپ: ی. ف.

صفحه لر ساییسی: 25

فورمت: PDF

سایز: 218 کیلو بایت

 

دلی دومرول بیر پهلواندیر کی، بیر ماجرادان سونرا ایسته ییر کی عزراییلی اؤلدورسون، اونون بو ایشی آللاّهین خوشونا گلمه ییب عزراییلی یوللاییر کی، گئتسین دومرولون جانینی آلسین...

 

---یوءکلمک اوءچون تیکله---

 

+ نوشته شده در  88/04/14ساعت 17:41  توسط -  | 

بو وبلاگ سیاسی وبلاگ دئییل. آما اولماز کی بیزه توهین اولونا و بیز ساکیت اوتوراق. پس نظرلر قیسمتینده ایمضالایین.

حتما خبرینیز اولوبدور خاتمینین تورکلره جوک دئمه گیندن. ائله هامان کیشی کی ۸ ایل ایرانین رییس جمهورو اولوب و اوزونو میلْتین خادیمی بیلیردی. بو گون بو جوکو بیزه دئمیشدی.

 

فیلمی گؤر...

 بو باره ده اوخو...

بو پوستدا حتما نظرلرینیزی گؤزله ییرم.

+ نوشته شده در  88/03/05ساعت 14:36  توسط -  | 

دل آرا – جعفر جبّارلی

 

جعفر جبّارلی 1899-جو ایلده 20 مارتدا، «خیزی»ـدا آنادان اولدو. گؤرکملی آذربایجان دراماتورقو، شاعیری و ناثیری، آکتیور، سناری مؤلّیفی، رژیسور، امکدار اینجه صنعت خادیمی ایدی. جبّارلی هله ایبتیدایی مکتبده اوخودوغو زامان عبدالله شایق و سلیمان آخوندوو کیمی یازیچی و موعلّیملرین، تأثیری ایله اوندا ادبیّاتا هوس داها دا قوّتلنیر و او، آذربایجان و روس شاعیرلرینی موطلقا موطالیعه ائتمکله برابر اؤزو ده یازماغا باشلاییر. جبّارلینین ال یازمالاری ایچره سینده هله تامامیله بیتمه میش، مکتبلی خطّی ایله یازیلمیش بیر نئچه شعر، حکایه، اوپرا متنی ده واردیر.

توءرک دونیاسینین بؤیوک خادیمی، جعفر جبّارلی، 31- دکابر (دسامبر) 1934 ده، اوءرک ایفلیجی سببینه باکی شهرینده بو دونیادان گؤز یومدو.

 

اونون اثرلریندندیر:

وفالی سریّه، یا گؤز یاشلاری ایچینده گوءلوش، (1915)

سولغون چیچکلر، (1917)

اوقتای ائل اوغلو، (1922)

اود گلینی، (1928)

گوءلزار، (1924)

دل آرا، (1924)

دلبر، (1927)

سئویل، (1928)

آلماز، (1931)

یاشار، (1932)

دؤنوش، (1932)

قایناق: آذربایجانجا ویکی پدیا www.az.wikipedia.org

 

بو کیتاب حاقّیندا:

الینیزده کی کیتابي آذري سايتيندا (www.azeri.org) اولان ائله همين آددا اولان كيتابين اؤز اليفباميزا چئوريلديكيدير.

 

کیتاب موشخّصاتی:

 

بیر فقیر آتا اوّل دفعه قیزی، دل آرایا بیر چکمه آلیر و ایسته ییر اونو مکتبه یوللا سین، آمّا...

 

کیتابین آدی: دل آرا

یازیچی: جعفر جبّارلی

تایپ: ی. ف.

صفحه لر ساییسی: 13

فورمت: PDF

سایز: 393 کیلوبایت

 

----- کیتابی یوکلمک اوچون تیکله -----

+ نوشته شده در  88/02/30ساعت 10:34  توسط -  | 

 

آنتوان دو سنت اقزوپري 29 آيون (ژوئن) 1900-جو ايلده ليوندا آنادان اولوب. اونون اوشاقليغي آمبريو ياخينليغيندا ياشايان خالاسي گيلده كئچيب. تحصيليني ايسوچده سنت كرووا مانسدا سونرا ايسه پاريسده آليب و دنيزچيليك مكتبينه داخيل اولماغا حاضيرلاشيب. لاكين بو مكتبه داخيل اولماق اوچون تشكيل اولونموش موسابيقه دن كئچه بيلمه ييب، گله جك يازيچي قرارا گلير كي اينجه صنعت مكتبينه داخيل اولماق اوءچون موحاضيره لره قولاق آسسين.

1921-جي ايلده اقزوپري آوياسيا جمعيتينه داخيل اولوب و تولوز-جاكارتا پوچت طيّاره سيني ايداره ائديب. ائله بو دؤورلرده يعني 1929-جو ايلده او «جنوب پوچتو» اثريني يازميشدي. مئريوز و گيومه ايله بيرليكده اقزوپري آمئريكا-فرانسا هاوا خطّينين آچيلماسيني موذاكيره ائتمك اوءچون آمئريكايا گئدير. 1931-جي ايلده «گئجه اوچوسو» اثريني يازير و اثر اؤز مؤلّيفيني دونيا ميقياسيندا تانيدير، اونا بؤيوك شؤهرت گتيرير.

1935-جي ايلده پاريس- سايقون اوچوسوندا ركورد قازانماق اوءچون ياريشلاردا ايشتيراك ائتسه ده اوغور قازانا بيلمير. 1938-جي ايلده نيويورك-ماگيلان آدالاريني هاوا خطّييله بيرلشديرمگه جهد گؤسترركن جيدّي خسارت آلير. بير نئچه آي نيويورك خسته خانالاريندا موعاليجه اولونور و «اينسانلارين تورپاغي» آدلي رومانيني چاپ ائتديرير.

ايكينجي دونيا موحاريبه سي زاماني آلمان ايشغالچيلارينا قارشي ووروشان آزادليق اوردوسوندا فعّال ايشتيراك ائدير. آمّا او زامان طيّاره سوءرمگي اونا قاداغاً ائتميشديلر، چوءنكي اقزوپري آرتيق ياشلي ايدي. بونونلا بئله يازيچي تأكيد ائده ائده اؤز ايستگينه چاتير و يئنيدن طيّاره نين ايشتوروالي آرخاسينا كئچمگه ناييل اولور.

1944-جو ايل آيون آيينين 31-ده بورقودان كورسكايا اوچور و بو اونون سون اوچوشو اولور و او بير داها گئريه قاييتمير.

موحاريبه ايللرينده آنتوان دو سنت اقزوپري اؤزونون اوءچ اثريني چاپ ائتديرير: «حربي پيلوت»،«گيرو گؤتورولموشه مكتوب» و «بالاجا شاهزاده».

هر ايكي ايشين – طيّاره چيليك و يازيچيليغين- فداييسي اولان آ. اقزوپري حاياتدا وور-توت 44 ايل ياشاميشدي.

-عزيز گؤزل سوي-

 

 

کیتاب حاقّیندا:

بو كيتاب آذري سايتيندا (www.azeri.org) آرزو آغايئوا طرفيندن قويولان كيتابين اؤز اليفباميزا چئويريلديگينين بيرينجي بؤلومودور. بو كيتابي تكميللشديرديكجه ايكينجی بؤلومونوده سيزه تقديم ائله مَليَم. كيتابي azer.com سايتيندا الده ائتمك اولار. و يا 618904-12-994 (ائو) 3297443-50-994 (موبايل) نومره لي تلفونلار واسيطه سي ايله كيتابين ترجومه چيسي –عزيز گؤزل سويا- موراجيعت ائده بيلرسينيز."

 

کیتاب موشخّصاتی:

یازیچی بیر اوچوسوندا کئچن خاطیره سینی تعریف ائدیر، اورادا پیلوتو خاراب اولموش و یازیچی، اونو دوءزلدرکن بیر اوشاغی گؤرور. سونرالار باش آچیر کی بو اوشاق فضادان گلمیشدیر و ساده جه بیر اوشاق دئییل...

 

کیتابین آدی: بالاجا شاهزاده

یازچی: آنتوان دوسنت اقزوپری

توءرکجه یه چئویرن: عزیز گؤزل سوی، یاقوت قوربانووا

تایپ: ی. ف.

صفحه لر ساییسی: 20 صفحه

فورمت: PDF

سایز: 1 مگابایت

 

----- یوکله مک اوچون تیکله -----

+ نوشته شده در  88/02/24ساعت 17:48  توسط -  | 

 

آذربايجانين بؤيوك يازيچي سي، فيلولوژي دوكتورو، پروفسور عزيزه جعفرزاده، 1921-جي ايلين دسامبر آيينين 29-وندا باكي شهرينده آنادان اولدو. اورتا اؤيرنيميني تاماملاديقدان سونرا، محمّد امين رسول زاده آدينا باكي دؤولت اونيورسيته سينين فيلولوژي فاكولته سيني بيليردي. (46-1945) آق سو، چاپارلي كؤي اوخولوندا اؤيرتمن اولدو. (44-1942) جعفر جبّارلي ستوديوسوندا سناريو شوعبه سي باشقاني (46-1944)، تياترو ليسه سينين موءدورو (49-1947)، 1948-ده بيرينجي كيتابي چاپا حاضيرلانميشدي، آمّا ماسكو حوكومتينين تصميمينه گؤره بو كيتاب آرادان گئتدي. گيابي پداگوژي انستيتوسونده اؤيرتيم اوءيه سي، بؤلوم باشقاني (56-1950)، كامچاتكا پداگوژي انستيتوسونده اؤيرتيم اوءيه سي (57-1956)، 1970-ده دوكتورا ياپدي و 1974-ده پروفسور اولدو. آذربايجان علملر آكادميسي ائل يازمالاري بؤلومونده باش اوزمان و شوعبه مودورو اولاراق چاليشدي.(74-1957) 1970 ايليندن بري، آذربايجان دؤولت اونيورسيته سينين آذربايجان ادبياتي تاريخي و فولكلور كوءرسولرينده چاليشماقدا ايدي.

2003-جو ايلده سپتامبر آيينين 4-ونده بو خالق يازيچيسي بير اوزون خسته ليكدن سونرا 82 ياشيندا دونياسيني دَييشدي. روحو شاد.

 

بو کیتاب حاقّیندا:

شامع و پروانه کیتابينی آذري سايتيندان (www.azeri.org) سئچيب و اؤز اليفباميزا چئويرندن سونرا سيز عزيزلره تقديم ائديرم. بو داستان آذربايجان يازيچيسي عزيزه جعفرزاده نين «آنامين كيتابي» آدلي كيتابيندان سئچيلميش بير داستاندير. اومودوم وار كي بو داستاني اوخويوب و خوشلاياسينيز.

 

کیتابین موشخّصاتی:

 

بو کیتاب بیر اوشاق داستانیدیر کی، اوندا گولنار شامعین اطرافیندا بیر کپنک (پروانه) یانماغینی گؤردوکده، ننه سیندن عیلّتینی سوروشور. ننه سی اونون دلیلینی بیر ناقیل ایله تؤوضیح وئریر...

 

کیتابین آدی: شامع و پروانه

یازیچی: عزیزه جعفرزاده

تایپ: ی. ف.

صفحه لر ساییسی: 12

فورمت: PDF

سایز: 279 کیلو بایت

 

 

 ----- یوکله مک اوچون تیکله -----

+ نوشته شده در  88/02/05ساعت 12:23  توسط -  | 

ائلچین الیاس اوغلو افندیئو، 1943-ده باکی شهرینده آنادان اولدو. ایلک حکایه سینی 1959 ایلینده 16 یاشیندا یازمیشدی.

ایندی ایسه، اثرلری، اینگیلیزجه، عربجه، آلمانجا، فرانسیزجه، چینجه، چکجه، فارسجا، رومِنجه، کیمی بیر چوخ یابانجی دیللره چئویریلمیشدیر.

ائلچینین اثرلریندن، محمود و مریم، آغ دوه، شوشا داغلارینی دومان بوءرودو، کیمی اثرلره ایشاره ائتمک اولار.

 

ساری گلین:

بو کیتاب (www.kitab.az) سایتیندان سئچیلیب و سیز عزیز اوخوجولارا تقدیم ائتمک اوءچون اؤز الیفبامیزا چئوریلیبدیر. بو کیتابین تایپینی سونا چاتان واختلار اونون یازیچیسی ائلچین حاقّیندا مطلب گزرکن بو داستانین متنینی بیر باشقا سایتدا دا گؤردوم و فوت نوتلاری (پانویسلری) بو سایتدان گؤتوردوگوم اوءچون، بو سایتین دا آدرسینی قویورام کی بو سایتداندا فایدالاناسینیز. یازار سایتیندا (www.urmuhikaye.blogfa.com) بو داستانی و باشقا یازیلاری اوخویا بیلرسینیز. ضیمناً بو سایتین مودیریندن ده تشکّور ائدیرم.

 

کیتابین موشخّصاتی:

 

کیتابین آدی: ساری گلین

یازیچی: ائلچین افندیئو

تایپ: ی. ف.

صفحه لر ساییسی: 28

فورمت: PDF

سایز: 322 کیلوبایت

 

کیتابین مؤوضوعسی: بو داستاندا، کلارنت چالان فتح الله نین، عتیقه بیر بالابانی واردیر، او بو بالابانی، آتا باباسیندان یئتیشدیگی اوءچون چوخ سئویر. آمّا بیر گوءن مجبور اولور کی اونو ساتسین... اوخویون، اوءمیدیم وار کی خوشلایاسینیز.

 

 

------ یوکله مک اوچون تیکله ------

+ نوشته شده در  88/01/12ساعت 12:45  توسط -  | 

سلام

 

بو دفعه كي كيتابيميز بير پسيخولوژي (روانشيناسي) كيتابدير.

بو مقاله «سئوگی» آدلی مقاله دیر کی کیتاب سایتیندان (www.kitab.az) سیز عزیز اوخوجولارا اینتیخاب ائله ییب و لاتین الیفباسیندان عرب کؤکلو الیفبامیزا چئویرمیشم. اومودوم وار خوشلایاسینیز.

 

كيتابين موشخّصاتي:

 

كيتابين آدي: سئوگي

يازان: سئودا فرضعليئواژ

تايپ: ي. ف.

صفحه لر ساييسي: 11

فورمت: PDF

سايز: 203 كيلوبايت

 

كيتابين بير پاراقرافي:

 

چوخ واخت گنجلر سئوگینی دیگر حیسلرله (اگر بونا حیس دئمک مومکوندورسه) قاریشدیریرلار، بو قبیلدن اینسانلارا نه اینکی گنجلری، همچینین داها یاشلی نسیلی ده عایید ائتمک اولار. تئز-تئز موختلیف فیکیرلرله راستلاشیریق؛ هانسی کی سئوگینین آیریلیقدا نه اولدوغونو اؤزونده عکس ائتدیریرلر. بیز ایسه چالیشاجاغیق کی سئوگینین داها موناسیب، بیزیم فیکریمیزجه داها دقیق تصویری نی وئرک. حیاتدا سئوگینین ایکی نؤوعو مؤوجوددور: احتیاجدان دوغان سئوگی (چاتیشمازلیقدان دوغان سئوگی) و بخشیش اولونموش سئوگی (اصیل سئوگی).

 

---- کیتابی یوکلمک اوچون تیکله یین ----

اوميديم وار خوشلاياسينيز.

 

 

+ نوشته شده در  88/01/04ساعت 20:33  توسط -  | 

سلام

عزیز اوخوجولار!

 

بو دفعه کی کیتابیمیز، "حاجی قارا" آدلی بیر نوماییشنامه دیر. بو نوماییشنامه نی یازان "میرزه فتحعلی آخوندوف" دور کی آشاغیدا اونون باره سینده اوخویا بیلرسینیز. کیتابی آذری سایتیندان ( www.azeri.org ) یوءکله ییب و سیز عزیزلره تقدیم ائتمک اوءچون اونو اؤز الیفبامیزا چئویریب و بو وبلاگدا یئرله میشم.

 

کیتابین موشخّصاتی:

کیتابین آدی: حاجی قارا (سرگوذشت-مرد-خسیس)

یازان: میرزه فتحعلی آخوندوف

تایپ: ی. ف.

صفحه لر ساییسی: 40

فورمت: PDF

سایز: ۳۹۹ کیلوبایت

 

میرزه فتحعلی آخوندوف کیم ایدی؟

 

55acf7f89459ea65ec09b53ee2f24795.jpg

میرزه فتحعلی آخوندوف 1191 گوءنش ایلینده -1812 م.-نوخه شهرینده آنادان اولموشدور. آتاسی میرزه محمّد تقی،  خامنه لی ایدی کی نوخه یه کؤچموشدو. نوخه شهری ایندیکی آذربایجان جومهوریسینده یئرلنیبدیر. بو شهر تورکمانچای عهدنامه سی -1206گوءنش ایلی و 1828 میلادی ایلینده- ایمضالانمامیشدان قاباق  یعنی میرزه فتحعلینین 16 یاشیناجاد ایران تورپاغیندان سانیلیردی. فتحعلی اوشاقلیغیندا بیر مودّت خامنه و مشکین شهرده و بیر مودّتده گنجه ده یاشاییب و نوخه یه قاییدیب و درس اوخوموشدو. سونرالار تیفلیسه گئدیب و گورجوستانین فرمانداری بارون روزنین دیلماجی اولموشدور و عؤمرونون آخیریناجاد بو ایشده ایدی.

میرزه فتحعلی تیفلیسده نوماییشنامه یازماغی اؤیرنیب و ایجتیماعی و اینتیقادی نوماییشنامه لری یازماغا باشلادی. اونون اثرلری چوخو آذربایجان توءرکجه سی دیلینده یازیلمیشدیر کی آرادا فارسجا شعرلرده آراسیندا تاپیلیر. اثرلرینین بیر عیدّه سی روسجا و فارسجا دیلینه چئویریلمیشدی. اونون تمثیلات نوماییشنامه سی مهارت ایلن قافقاز و آذربایجان مردومونون اخلاقلار و عادتلرینی نقد ائله ییر.

میرزه فتحعلینین اثرلری باشقا آزادلیق سئون و ایرانین مشروطیت یازیچیلارینین اثرلرینده چوخلو تأثیری وار ایدی. میرزه آذربایجان الیفباسینی عربدن لاتینه چئویریلمه سینده ده نقشی وار ایدی.

میرزه فتحعلی 1257 گوءنش ایلینده -1878 م.- تیفلیسده فؤوت ائله میشدیر.

 

قایناق: فارسجا ویکی پدیا (توءرکجه یه چئویرن: ی. ف.)

 

---------- بو کیتابی یوکله مک اوءچون تیکله یین ----------

+ نوشته شده در  87/12/25ساعت 11:26  توسط -  | 

بختیار وهابزاده تورک دونیاسینین ان بؤیوک شاعیری بو ایل (۱۳۸۷) بهمن آییندا ۲۴-ینده دونیاسینی دئییشدی. بو شاعیرلن آشنا اولماق اوءچون اونون رسمی سایتینا موراجیعت ائده بیلرسینیز.

وهابزاده نین رسمی سایتی

 

منده چالیشاجاغام کی بو تئزلیگه اونون شعرلریندن بیر پارچاسینی سیزه بیر کیتابدا تقدیم ائدم.

آللاٌه رحمت ائله سین.

 

+ نوشته شده در  87/12/06ساعت 17:31  توسط -  | 

سلام؛

عزیز اوخوجولاریمیز، بو گوءن بیر تازا مقاله ایله خیدمتینیزه گلمیشیک. بو مذهبی مقاله نین آدی، "قیامت و آخیرت حیاتی"دیر. بو مقاله نی "هارون یحیی" یازمیشدیر و کامران آغایئو اونو توءرک دیلینه چئویرمیشدی. منده اونو www.kitab.az سایتیندان یوءکله ییب و سیزه تقدیم ائتمک اوءچون لاتین خطدن عرب کؤکلو الیفبایا چئویرمیشم و ایختیارینیزدا قویموشام.

 

بو کیتابدا اوخویا بیلرسینیز:

قیامت و آخیرت حیاتی،

اینسانلارین حساب اوءچون توپلانمالاری،

حساب آنی،

ائشیتمه و گؤرمه حیسلری و دریلر شاهیدلیک ائدر،

اینسانلار تک سورغویا چکیله جکلر،

عمل دفترلرینین وئریلمه سی،

جهنّم گؤستریلیشی،

 

 

کیتابین موشخّصاتی:

کیتابین آدی: قیامت و آخیرت حیاتی

یازان: هارون یحیی

چئویرن: کامران آغایئو

تایپ: ی. ف.

صفحه لر ساییسی: 14

فورمت: PDF

سایز: ۴۳۰ کیلوبایت

 

اومیدیم وار کی خوشلایاسینیز.

 

---- یوءکله مک اوءچون تیکله یین----

+ نوشته شده در  87/11/25ساعت 21:28  توسط -  | 

سلام

فايل: حيدربابايه سلام- شهريارين سسييلن

شاعير: سيّد محمّد حوسئين بهجت شهريار

فورمت: ZIP

سايز: ۴.۲ مئگابايت

اوزونلوق: ۲۸ دقيقه

توضيح: بو زيپ فايلدا ۱۹ فايل WMA فورمتينده يئرلشيب.

بو پوستدا كيتاب ياپماديم. ولي كيتابين يئرينه شهريارين سسيني يوءكله مك اوءچون قويموشام.

تبريزين و آذربايجانين و دئملي دونيانين بؤيوك چاغداش شاعيري محمّد حسين بهجت (شهريار) تانيشليغا ائحتياجي يوخدور.

1285 گوءنش ايلينده تبريزده دوغدو. اوشاقليغي آنا كندي قيش قورشاق كندينده و آتا كندي خوشگينابدا كئچدي. آتاسي حاج مير آغا خوشگينابي تبريزده وكيل ايدي.

شهريار تقريبا 6 آي طب ريشته سيني سونا چاتديرماغا قالاركن بو ريشته ني بعضي دليللر اوءچون بوراخيب (زاهدي 1337، ص 59). دؤرد ايل خوراساندا قاليب تئهرانا گلدي. او خوراساندا اولاركن آتاسي فوت ائدير. 1315 ايلينده كيشاورزي بانكيندا ايستيخدام اولور و بير مودّتدن سونرا تبريزه قاييدير. سونرالار تبريز اونيوئرسيته سي (دانيشگاهي) ايرانين شئعر و ادب حافيظي تانيييب و ادبيات اوخولوندان (دانيشكده سيندن) ايفتيخاري دوكتورا اوستادا وئريلير. 1329 و 1330 ايللرينده ان آدليم شئعري حئيدربابايه سلام شئعريني دئيير. 1331ـده آناسي فوت ائدير. 1332 ايلينده تبريزده عزيزه عميد خاليقي آدلي فاميلييلن ازديواج ائدير. بو ياشامين حاصيلي اوءچ اوشاقدير. شهرزاد، مريم و هادي.

ايرانين اينقيلابيندان سونرا بو اينقيلابين مدحينده نئچه شئعر يازيب كي اوستادين فوتوندان سونرا ياپيليب ياييلدي.

شهريار سون گوءنلريني مريضلييه گؤره تئهرانين مئهر خسته خاناسيندا ياتيب و فوتوندان سونرا اؤزو دئدييينه گؤره تبريزين مقبرۀالشّعراسيندا باسديريلدي (1367).

بو شاعيرين ان بؤيوك و آدليم تورك شئعري حئيدربابا آدلي بير شئعردير كي اوندا اؤز كندينده اولان حئيدربابا آدلي كيچيك بير داغيلن اوءره يينين سؤزونو دئيير و خاطيره لري بير-بير يادا ساليب اوءركدن كاغاذا گتيرير.

شهريار اؤزو دئدييي كيمي بو شئعريلن «كيچيك بير داغي سرمنزيل-ي عنقا ائله دي.»

اومودوم وار كي خوشلاياسينيز.

قايناق : ويكي پئديا (www.wikipedia.com)

بو فايل حاقّيندا

بو فايلدا سيز عزيزلر حئيدر باباشئعريني ۱۹پارچادا شهريارين اؤز سسييلن ائشيده بيلرسيز. بو سسلر تئبيان سايتيندان (www.tebyan.net) دانلود اولوب و سيزين ايختيارينيزدا قويولوبدور.

اومودوموز وار كي خوشلاياسينيز.

يوكله مك اوءچون بورا تيكله ييين

+ نوشته شده در  87/10/08ساعت 1:29  توسط -  | 

سلام عزیز اوخوجولارا

منیم قاباغیما بیر موشکیل گلمیش و من بو تئزلییه بیر تازا کیتاب سایتا وورا بیلمه یه جه یم.

سیز عزیزلردن ایسته ییرم کی بو تازا آچیلمیش کیتابخانانی یئره قویماماق اوءچون کؤمکلشه سیز. بیر یولداش گزیرم.

ممنون

+ نوشته شده در  87/08/30ساعت 16:29  توسط -  | 

کیتابین آدی: من بو جهانه سیغمازام

شاعیر: نسیمی- 8هـ .

تایپ: ی. ف.

فورمت: PDF

سایز: 267 کیلو بایت

صفحه لر ساییسی: 25 صفحه

تؤوضیح: بو کیتاب اورمو وئبلاگینده ( www.urmu.birolmali.com  ) اولان "نسیمینین دیوانیندان" بیر نئچه سئچیلمیش شئعرلردیر. بو کیتاب اورمو وئبلاگیندا یئتدی بؤلومده دانلوود اولمالیدیر. بیرینجی و ایکینجی بؤلومونده نسیمی حاقّیندا یازیب و باشقا بؤلوملرده شئعرلری یازمیشدیر. اورمو سایتی بو کیتابی راهلاماق اوءچون حوسئین فئیض اللّهی توپلادیغی "دیوان-ی نسیمی" آدلی کیتابی ایسکن ائله ییب و پی.دی.ائف فورمتینده اوخوجولارین ایختیاریندا قویوب.

قاباغینیزداکی کیتابدا شئعرلر بیر مثنوی و 34 غزلدن عیبارتدیر کی غزللر اوّل بئیتین قافیه سی اوءزییلن دوءزولوبلر. بو تئعداد شئعر 350 بئیتدن آرتیق شئعردیلر.

 

نسیمی حاقّیندا: نسیمی سگگیزینجی عصرین حروفیه آدلی بیر شیعه فیرقه سینه باغلی آذربایجانین بؤیوک شاعیرلریندندیر. بو فیرقه نین او زامانکی حوکومتلرین علیهینه اولدوغونا گؤره دؤولتلر بو نئهضتین قاباغیندا دایانماق اوءچون حروفیه نین چوخ موریدلرینی اؤلدورمه یه باشلادیلار. نسیمی بو فیرقه نین شاعیر و تبلیغچی سی حلب شهرینده بو شهرین حاکیمی (یاشیک خان) الییله دریسی سویولدو. یاشیک خان شاعیرین ال-آیاقلارینی کسیب و اونلاری شیعه مذهبلی دؤولتلر و حروفیه یه کؤمکچی اولان خیردا دؤولتلره اونلاری قورخوتماق اوءچون یوللادی.

بو شرح-ی حالی کامیل صورتده کیتابین اوّلینده اوخویا بیلرسینیز.

 

نسیمیدن بیر غزل:

 

بنفشه زوءلفوني سالميش گوءل-ي تر اوءستونه سايه
کؤنول حئيران و زار اولموش بو رئيحان و سمن سايه
لطافتدن اسر عکسي لبين لعل-ي بدخشاني
ظرافتدن وورار طعنه ديشين لؤلؤ-يي لالايه
پريشان حال اولموشدور کؤنول زوءلفون سواديندان
بو ديوانه نه دن دوءشموش بو پيچان پيچ سودايه
ازل نقّاشي يازارکن جمالون نقشينه دامميش
قلمدن نوقطه-يي موزون بو گوءلبرگ-ي ديل آرايه
خطين رئيحان-ي جنّتدوءر، ياراشميش کؤثر اوءستونه
و يا رحمتدن آيتدور، اوخونموش بدريکن آيه
نه گوءل بيتدي گوءلوستاندا کي بنزر آيه شول روخسار
نه بير سرو-ي بوي بوستاندا همتا قدّ و بالايه
نه شيرين شرحيني ائيلر نسيمي لبلرون يارب
کي اوتورموش سحر لاين بو طوطي-يي شکر خايه

------ کیتابی یوءکله مک اوءچون بورا تیکله یین ------

+ نوشته شده در  87/06/31ساعت 16:30  توسط -  | 

کیتابین آدی: مئی ساتانلار کوچه سی (صاییب تبریزیدن 70 شئعر)

شاعیر: میرزا محمّد علی صاییب تبریزی

تایپ: ی. ف.

فورمت: PDF

سایز: 277 کیلوبایت

تؤوضیح: صاييب تبريزي ايرانين بؤيوک توءرک شاعيرلريندندير. بو شاعير بير مودّتده هيندده قالميشدير. صاييب، بيدئل دئهلوييلن بيرگه فارس ديلينده و هئندي سبکينده ان بؤيوک شاعيرلردن ساييلير. صاييب چوخلو ايراندا و بيدئل آرتيق قالان فارس کيشورلرده تانينميش شاعيرلرديلر.

بو کيتاب اوجاق سايتي (www.ocaq.net) طرفيندن يازيلان "صاييب تبريزينين سئچيلميش اثرلري" کيتابيندا اولان غزللرين اؤز اليفباميزدا يازيلديغيدير. آدي چکيلن ائلئکترونيک کيتابدا بو غزللر آيري شئعرلرلن بير يئرده لاتين اليفباسيندا يازيلميشدير.

الينيزده کي کيتابدا اوجاق سايتينين کيتابيندا اولان غزللري عرب اليفباسينا چئويريب و قافيه لرين سون حرفلرينين اليفباسييلان بو شئعرلري دوءزموشوک کي گزدييينيز شئعرلري راحاتجا قافيه سي اوءزييلن تاپا  بيله سينيز.

کيتابين آدي صاييبين بير تک بئيتلي شئعريندن آلينيب:

مئي ساتانلار کوچه سينده پاخيلين يوخدو يئري                  پاسلي قابدا مئي اگر قالسا هئچ اولماز اثري

بو توپلو شئعر يئتميش غزل قاليبينده اولان 500 بئيتدن آرتيق شئعردير.

ميرزا محمّد علي صاييب تبريزي عبدالرّحيم اوغلو بؤيوک آذربايجان شاعيري 1000-1007 ق. ايللري آراسيندا (تقريباً 1601 م. ايلينده) تاجير بير عاييله ده آنادان اولدو. بيرينجي شاه عبّاسين تهجير سياستي دؤورونده صاييبينده عاييله سي ايصفهانا کؤچرکن صاييب اؤزونو تبريزلي سانيردي. جاوانليغينين اوّلينده حاجا گئديب و قاييتديقدان سونرا بير مودّت ايصفهاندا قاليب هيندوستانا گئتميشدير. هيندين موغوللي حؤکومداري شاه جاهان اونا "موستعيدخان" لقبي وئرميشدير. سونرا صاييب وطنه قاييداندان سونرا ايکينجي شاه عبّاسين ساراييندا مليک الشّوعرا وظيفه سيني ادا ائديردي. او شاه عبّاسلا، شاه جهانين موحاريبه سييله ايلگيلي "قندهارنامه" مثنويسيني يازميشدير. اونون "محمود و آياز" آدلي بير اثريده واردير. صاييبين "بياض" اثرينده سگگيز يوءز شاعيردن، ايگيرمي بئش مين بئيت شئعر اؤرنک گلميشدير.

غزل اوستادي صاييبه اون يئتدينجي قرنين فوضوليسي دئمکدير. بو بؤيوک شاعير حودوداً 80 ياشيندا محمّد بديع سمرقندي دئدييينه گؤره 1087ق. ايلينده (1679 م. ايلينده) دونيادان گؤز يومدو. قبري ايصفهاندا صاييب تبريزي آدلي خيابانداکي بير باغچادادير.

 

 

صاییبدن بیر گؤزل شئعر:

 باشلاندي گئنه اود نفسي بوردا باهارين
يوءز رنگه چالان غؤنچه لري پوزدو قرارين
کم بخت اولانا نئعمت-ي الوان نصيب اولماز
گوءل قانينا باتماقلا قيزارماز اوءزو خارين
روزگارين اگر خوش کئچه اؤلمک يادا دوءشمز
هر باديله سؤنمز چيراغي چوءنکي مزارين
منع ائتمه يه چرخ-ي فلکي يوخ داها طاقت
زر گوءدمه يه قيوريلماق اولوب قيسمتي مارين
قلبي ايشيق اينسانلارا دونيا قارا کئچدي
گؤردو بو حاياتين هر اوءزون دردين آزارين
دؤوران دولانيب کاما يئتيشدين داها صاييب
بير باده ده ايچ تا کي سينا مست و خومارين

 -----کیتابی دانلود ائله مه یه بورا تیکله یین-----

+ نوشته شده در  87/06/28ساعت 17:33  توسط -  | 

سلام
بوگوءن کیتابخانه میزین ایلک کیتابینی سیزه تقدیم ائدیرم.
کیتابین آدی: جونون پیرایه سی (مولّا محمد فوضولیدن 70 غزل)
شاعیر: مولّا محمد فوضولی
تایپ: ی. ف.
فورمت: pdf
سایز: 383 کیلوبایت
تؤوضیح: بو کیتاب مولّا محمّد فوضولینین شئعرلرینین بیرینجی بؤلومودور کی اوجاق سایتیندن گؤتورموشم.
مولّا محمّد فوضولي (يا مولّا محمّد بن سولئيمان بغدادي)، اونونجو قمري عصرين ان بؤيوک توءرک شاعيريدير کي آتاسي تبريزلي ايدي و تبريزدن عراقين حيلّه شهرينه کؤچموشدور. ائله بونا گؤره مولّا محمّد فوضولي توءرکجه، فارسجا و عربجه ديليني اؤيرنيب و بو اوءچ ديلين اوءچونده ده دَيرلي شئعرلر ياراتميشدي. فوضولي 885 ق. ايلينده (تقريبا 1480 م.) عراقدا (حيلّه، کربلا يا نجف) آنادان اولوب و 963 ق. ايلينده (1556 م.) بغداد يا کربلادا بو دونيادان همشه ليک گؤزلريني يومدو.
فوضوليني "هيندي سبکين" باشچيلاريندان تانيميشلار.
توءرک ديللي کيتابلاري بونلاردان عيبارتدير:
• ديوان
• شاه و گئدا
• لئيلي و مجنون
• بنگ و باده
• رؤوضه
• حديقةالسّعدا
• صؤحبت الاثمار
• شيکايت نامه
• رساله-يي موعمّا


فوضولیدن بیر گؤزل شئعر:

قامتين خيدمتينه سروين اييلمز باشي
نه بيلير اهل-ي طريقت رويشين اول ناشي
اؤيونور ديده کي حئيرانم ازلدن اوءزونه
اولدو معلوم بو لافيندا کي چوخدور ياشي
اشک لعلي ره-ي عئشقينده توتوبدور اته ييم
قورخولوقدور نئجه ساليب گئده ليم يولداشي؟
يئتدي اول غايته ضعفيم کي چکر تصويريم
هر زامان داييره-يي حئيرته مين نقّاشي
مؤحتسيب تانري اوءچون گل منه چوخ وئرمه عذاب
مئيل-ي مسجيدمي ائدر مئيکده لر اووباشي
کسدي من شيفته دن اهل-ي سلامت يولونو
بس کي اطرافيما جمع اولدو ملامت داشي
ائي فوضولي نه بلا اوخلاري کيم گلسه منه
سبب اول قاشلاري يايين گؤزودور يا قاشي

 

--------------بو کیتابی دانلود ائله مه یه تیکله یین.---------------

اوءمیدیم وار کی خوشلایاسینیز.

+ نوشته شده در  87/06/24ساعت 3:22  توسط -  | 

سلام

تئزلیکجه بوردا بیر تورک وئبلاگی آچیلمالیدیر.

 

دده قورقود کیتابخاناسی توءرکجه کیتابلاری ای-بوک شکلینده وطنداشلار و دیلداشلاریمیزا تقدیم ائدیر.

بو کیتابخانادا ادبی، تاریخی، مذهبی و باشقا موضوعلاردا اولان کیتابلاری اوخویا بیلرسینیز.

عزیز اوخوجولاردان دعوت ائدیریک يازدیقلاری کیتابی بيزه وورد فورمتینده یوللاماقلان بیزه بو یولوموزدا کؤمک ائتسینلر.

 بیر قوی آپلود سایتی تانیان بیزه بو سایتی موعریفی ائتسین. تشکورلار. ی.ف.

 

+ نوشته شده در  87/06/16ساعت 12:30  توسط -  |